భార్య-కూతురితో చరణ్​​.. తొలిసారి ఇలా..

టాలీవుడ్ మెగా పవర్ స్టార్ రామ్ చరణ్ వీలైనంత వరకు ఎక్కువగా ఫ్యామిలీతో గడిపేందుకు ఇష్టపడతారన్న సంగతి తెలిసిందే. ఈ మధ్య భార్యతో కలిసి ఫారెన్ ట్రిప్స్​కు కూడా వెళ్తున్నారు. అయితే మరోసారి చరణ్ ఫారిన్ వెకేషన్​కు వెళ్లారు. తన భార్య ఉపాసన, కూతురు క్లీంకారతో కలిసి హాలీడే ట్రిప్​కు వెళ్లారు. కూతురుతో కలిసి ఆయన విదేశాలకు వెళ్లడం ఇదే తొలిసారి కావడం విశేషం.

ఈ క్రమంలోనే హైదరాబాద్ విమానాశ్రయంలో చరణ్-ఉపాసన దంపతులు మీడియా కంటికి కనిపించారు. ప్రస్తుతం దీనికి సంబంధించిన ఫోటోలు సోషల్ మీడియాలో తెగ వైరల్ అవుతున్నాయి. రామ్ చరణ్ చేతిలో పెట్ డాగ్ రైమ్ కనిపించగా.. ఉపాసన క్లీంకారను ఎత్తుకుని ఉంది. చరణ్ - ఉపాసన ఇద్దరూ క్యాజువల్ లుక్​లో సింపుల్​గా కనిపించారు.

అయితే పాప క్లీంకార ముఖం ఫోటోలకు కనిపించకుండా ఉపాసన చేతిని అడ్డుగా పెట్టుకుని నడిచింది. ఈ పిక్స్ చూసిన నెటిజన్లు, అభిమానులు క్లీంకార ముఖం కనిపిస్తే బాగుండేది అంటూ కామెంట్లు చేస్తున్నారు. హ్యాపీ వెకేషన్ ట్రిప్.. హ్యాపీగా గడిపేసి రండి అంటూ కామెంట్లు చేస్తున్నారు.

ఇకపోతే.. RRRతో బిగ్గెస్ట్​ బ్లాక్ బస్టర్ హిట్ అందుకున్న రామ్ చరణ్ ప్రస్తుతం దిగ్గజ దర్శకుడు శంకర్​తో గేమ్ ఛేంజర్ సినిమా చేస్తున్నారు. పొలిటికల్ డ్రామాగా ఇది రూపొందుతోంది.దిల్ రాజు భారీ బడ్జెట్​తో నిర్మిస్తున్నారు. వచ్చే ఏడాది విడుదల కానుంది. విజయ దశమి కానుకగా చిత్రంలోని ఫస్ట్ సింగిల్​ను రిలీజ్ చేసే అవకాశం ఉందని తెలిసింది.

ఈ చిత్రం తర్వాత చరణ్​.. బుచ్చిబాబు దర్శకత్వంలో ఓ స్పార్ట్స్ డ్రామా చేయబోతున్నారు. ఇందులో రవీనా టాండన్ కూతురు హీరోయిన్​గా నటించే అవకాశం ఉందని అంటున్నారు. ఈ ఏడాది చివర్లో లేదా వచ్చే ఏడాది ప్రారంభంలో సినిమా సెట్స్​పైకి వెళ్లనుంది. ఇతర కాస్ట్ వివరాలు ఇంకా తెలియలేదు. చూడాలి మరి ఈ రెండు చిత్రాలు ఎలాంటి రిజల్ట్​ను అందుకుంటాయో.. వీటికోసమైతే అభిమానులు ఆసక్తిగా ఎదురుచూస్తున్నారు.