సన్‌షైన్- హరికేన్ క‌లిస్తే ర‌కుల్ ప్రీత్.. ప్ర‌గ్య షాకింగ్ పోస్ట్!

భారతీయ సినీ పరిశ్రమలో టాలీవుడ్, బాలీవుడ్ బ్యూటీలు రకుల్ ప్రీత్ సింగ్, ప్రగ్యా జైస్వాల్ మధ్య ఉన్న మంచి అనుబంధం గురించి ప్రత్యేకంగా చెప్పనవసరం లేదు. చిత్ర పరిశ్రమలో విభిన్న ప్రాజెక్టులతో బిజీగా ఉంటూనే, వీరిద్దరూ ప్రాణ స్నేహితులుగా కొనసాగుతున్నారు. తాజాగా రకుల్ ప్రీత్ సింగ్ పుట్టినరోజు సందర్భంగా ప్రగ్యా జైస్వాల్ సోషల్ మీడియా వేదికగా షేర్ చేసిన‌ ఒక ప్రత్యేకమైన శుభాకాంక్షల పోస్ట్ ప్రస్తుతం నెట్టింట తీవ్రంగా వైరల్ అవుతోంది.

ఈ ఇన్‌స్టాగ్రామ్ పోస్ట్‌లో ప్రగ్యా జైస్వాల్ తన స్నేహితురాలు రకుల్‌పై ఉన్న ప్రేమను హృదయపూర్వకంగా రాసుకొచ్చారు. రకుల్‌ను ``సన్‌షైన్- హరికేన్ కలిసిన అద్భుతమైన వ్యక్తి` అని సంబోధిస్తూ ఎంతో ఇష్టంగా బర్త్‌డే విషెస్ తెలిపారు. తనలాంటి ఇంట్రోవర్ట్‌ను ప్రేమతో తన జీవితంలోకి ఆహ్వానించి.. లోకాన్ని మరింత సంతోషంగా అనుభవించేలా చేసినందుకు రకుల్‌కు ప్రగ్యా ప్రత్యేక ధన్యవాదాలు తెలిపారు.

ప్రగ్యా పోస్ట్ చేసిన కొద్దిసేపటికే రకుల్ ప్రీత్ సింగ్ కూడా ఎంతో ప్రేమగా దీనిపై స్పందించారు. కామెంట్ సెక్షన్‌లో `లవ్ యూ సో మచ్ బేబీ గర్ల్` అని స్పందిస్తూ తన అనురాగాన్ని అంతే ప్రేమ‌గా రిట‌ర్న్ గిఫ్ట్ ఇచ్చారు. ఈ ఇద్దరు భామల మధ్య ఉన్న ఆత్మీయమైన సంభాషణ చూసి అభిమానులు, సినీ ప్రేక్షకులు ఎంతో మురిసిపోతున్నారు.

సోషల్ మీడియాలో ఈ పోస్ట్ దర్శనమివ్వగానే అభిమానులు, ఇతర సినీ సెలబ్రిటీలు రకుల్‌కు పెద్ద ఎత్తున పుట్టినరోజు శుభాకాంక్షలు తెలుపుతూ కామెంట్ల వర్షం కురిపిస్తున్నారు. కామెంట్ సెక్షన్‌లో హార్ట్ ఎమోజీలతో తమ అభిమానాన్ని చాటుకోవడమే కాకుండా.. వీరిద్దరి గ్లామరస్ లుక్స్ - స్నేహబంధాన్ని ప్రశంసిస్తూ వంద‌లాది మంది ఆసక్తికరమైన సందేశాలు పోస్ట్ చేస్తున్నారు.

మొత్తానికి, సాధారణంగా పోటీ వాతావరణం ఉండే సినీ పరిశ్రమలో ఈ ఇద్దరు ట్రెండీ హీరోయిన్ల మధ్య ఉన్న గాఢమైన ఫ్రెండ్‌షిప్ సోషల్ మీడియాలో ప్రధాన ఆకర్షణగా నిలిచింది. ప్రగ్యా జైస్వాల్ క్యూట్ బర్త్‌డే పోస్ట్ వల్ల వీరి బంధం మరోసారి అందరి దృష్టినీ ఆకట్టుకోవడమే కాకుండా నెటిజన్లలో హాట్ టాపిక్‌గా మారింది.

ప్రగ్యా జైస్వాల్ ప్రస్తుత ప్రాజెక్ట్స్:

ప్రగ్యా జైస్వాల్ నటించిన `డాకు మహారాజ్` చిత్రం మంచి ప్రజాదరణ పొందగా.. ఆ త‌ర్వాత చాలా గ్యాప్ వ‌చ్చింది. ప్రస్తుతం బాలీవుడ్ సీనియర్ స్టార్ సన్నీ డియోల్ సరసన `సూర్య` అనే భారీ యాక్షన్ క్రైమ్ డ్రామా చిత్రంలో కథానాయికగా నటిస్తున్నారు. మలయాళంలో సూపర్ హిట్ సాధించిన `జోసెఫ్` చిత్రానికి రీమేక్‌గా తెరకెక్కుతున్న ఈ సినిమా ప్రస్తుతం సెట్స్‌పై ఉంది. రాజస్థాన్, ముంబైలలో కీలక షెడ్యూల్స్ పూర్తి చేసుకున్న ఈ ప్రాజెక్ట్ త్వరలోనే ప్రేక్షకుల ముందుకు రానుంది.

రకుల్ ప్రీత్ సింగ్ తదుపరి సినిమాలు:

మరోవైపు రకుల్ ప్రీత్ సింగ్ వరుస పాన్-ఇండియా సినిమాలు అలాగే బాలీవుడ్ చిత్రాలతో బిజీగా ఉన్నారు. నితీష్ తివారీ దర్శకత్వంలో అత్యంత ప్రతిష్ఠాత్మకంగా రూపుదిద్దుకుంటున్న పౌరాణిక చిత్రం `రామాయణం- 1లో ఒక కీలక పాత్రలో నటిస్తున్నారు. శంక‌ర్ త‌దుప‌రి `భార‌తీయుడు 3` షూటింగ్ ని ప్రారంభించారు గ‌నుక అందులో త‌న పాత్ర‌లో న‌టించాల్సి ఉంది. భారీ పాన్ ఇండియా చిత్రాల‌లో అవ‌కాశాల కోసం ర‌కుల్ ఎదురు చూస్తోంది.