రాజు యాదవ్ చూడు.. ఊర మాస్ లవ్

జబర్దస్త్ షో ద్వారా తనకంటూ ఒక ప్రత్యేకమైన గుర్తింపు అందుకున్న గెటప్ శ్రీను ఆ తరువాత సినిమాల్లో చిన్నపాటి క్యారెక్టర్స్ చేస్తూ మెల్లగా తన క్రేజ్ పెంచుకుంటూ వస్తున్నాడు. పొలిమేర లాంటి సినిమాల్లో అతను చేస్తున్న పాత్రలకు కూడా మంచి గుర్తింపు అందింది. గెటప్ శ్రీను ఎలాంటి పాత్రలో అయినా నటించగలడు అని నిరూపించారు. ఇక ఇప్పుడు అతను కథానాయకుడిగా రాజు యాదవ్ అనే సినిమా చేస్తున్నాడు.

రాజు యాదవ్ సినిమాను కృష్ణమాచారి డైరెక్ట్ చేశారు. ఫుల్ ఎంటర్‌టైనర్‌తో గా రాబోతున్న ఈ సినిమాను సాయి వరుణవి క్రియేషన్స్ చరిష్మా డ్రీమ్స్ ఎంటర్‌టైన్‌మెంట్ బ్యానర్‌లపై కె. ప్రశాంత్ రెడ్డి మరియు రాజేష్ కల్లేపల్లి కలిసి ఈ ప్రాజెక్ట్‌ను నిర్మించారు. ఇటీవల విడుదలైన ఈ సినిమా టీజర్‌కు మంచి ఆదరణ లభించింది.

ఇక సినిమా యూనిట్ మొదటి సింగిల్ ను రిలీజ్ చేశారు. రాజు యాదవ్ చూడు.. అనే ఈ పాటను స‌క్సెస్ ఫుల్ డైరెక్ట‌ర్ బాబీ లాంచ్ చేశారు. హర్షవర్ధన్ రామేశ్వర్ సంగీత దర్శకత్వంలో మెలోడీని అందించగా, రామ్ మిరియాల తన అద్భుతమైన గానంతో పాటకు మరింత ప్రాణం పోశారు. ఆస్కార్ అవార్డ్ విన్నింగ్ లిరిసిస్ట్ చంద్రబోస్ ఈ పాటకు రచన చేశారు.

అంకితా ఖరత్ ఈ సినిమాలో.హీరోయిన్ గా నటించింది. ఇక గెటప్ శ్రీను తన అమ్మాయికి కథానాయకుడుగా తన ప్రేమను వ్యక్తపరిచినట్లు ఈ పాటలో చూపించారు. ఈ పాటలో విజువల్స్ చాలా అందంగా ఉన్నాయి, దీనికి తక్షణ స్పందన వస్తుంది.

ప్రేమ మరియు కామెడీతో పాటు, సినిమాలో హృదయాన్ని హత్తుకునే భావోద్వేగాలు కూడా ఈ సినిమాలో.ఉండబోతున్నాయట. ఇక మేకర్స్ రాజు యాదవ్ సినిమాకు సంబంధించిన పోస్ట్ ప్రొడక్షన్ ఫార్మాలిటీస్ పూర్తి చేసారు. ఇక త్వరలోనే మేకర్స్ విడుదల తేదీని ఎనౌన్స్ చేయనున్నారు.

ఈ సినిమాలో గెటప్ శ్రీను, అంకిత ఖరత్ జంటగా నటించగా.. ఆనంద చక్రపాణి, రాకెట్ రాఘవ ముఖ్యమైన పాత్రల్లో నటించారు. ఇక మిర్చి హేమంత్, జబర్దస్త్ సన్నీ, సంతోష్ కల్వచెర్ల, శ్రీరామ్, కళ్యాణ్ భూషణ్, శ్రీమణి, పవన్ రమేష్, ఉత్తర ప్రశాంత్ తదితరులు కూడా ఈ సినిమాలో నటించారు.