లోకేష్ సినిమాకు తొలిసారి ఇలా.. ఇక థియేటర్లు బద్దలే

సూపర్ స్టార్ రజనీకాంత్ లీడ్ రోల్ లో సెన్సేషనల్ డైరెక్టర్ లోకేష్ కనగరాజ్ తెరకెక్కించిన సినిమా కూలీ. భారీ బడ్జెట్ తో గ్యాంగ్ స్టర్ నేపథ్యంలో ఈ సినిమాను లోకేష్ తెరకెక్కించారు. ఆగస్టు 14న ఇది గ్రాండ్ గా రిలీజ్ కానుంది. దీంతో అభిమానులు అంచనాలు హై లెవెల్ లో ఉన్నాయి. ఈ క్రమంలోనే సినిమా తాజాగా సెన్సార్ పూర్తి చేసుకుంది.

అయితే ఇక్కడ ఆశ్చర్యపోవాల్సిన విషయం ఏంటంటే.. ఈ సినిమాకు A సర్టిఫికేట్ లభించింది. లోకేశ్ కనగరాజ్ చిత్రాల్లో ఏ సర్టిఫికేట్ లభించడం ఇదే తొలిసారి. అంటే హింస, యాక్షన్, అడల్ట్ కంటెంట్ ఎక్కువగా ఉంటే ఏ సర్టిఫికేట్ ఇస్తారు. ఈ లెక్కన కూలీకి ఏ లభించడంతో ఫ్యాన్స్ లో అంచనాలు మరింత పెరిగాయి. రజినీ యాక్షన్ ఏ లెవెల్ లో ఉంటుందో అని ఇప్పుడే హై ఎక్స్ పెక్టేషన్స్ పెట్టుకున్నారు.

కానీ రజనీ కెరీర్ లో 30-40 సంవత్సరాల సనీ ప్రయాణంలో ఎక్కువగా అడల్ట్ కంటెంట్ సినిమాలు లేవు. ఒకసారి గమనించినట్లైతే గ్యాంగ్ స్టార్, యాక్షన్ వైలెంట్ నేపథ్యంలో కబాలి, కాలా, జైలర్ లాంటి సినిమాలే ఉన్నాయి. ఈ సినిమాలు U/A రేటింగ్‌ పొందాయి.

మరోవైపు, ఖైదీ లాంటి చిత్రాలు తెరకెక్కించిన లోకేష్ నుంచి ఫ్యాన్స్ హై- యాక్షన్ చిత్రాలే ఆశిస్తున్నారు. కూలీలోనూ అలాంటి ఎలిమెంట్స ఉంటాయని అంటున్నారు. ఇటీవల డైరెక్టర్ లోకేష్ కూడా ఓ ఇంటర్వ్యూలో కూలీలో వైలెన్స్ లో కాంప్రమైజ్ ఉండదని అన్నారు. కానీ ఈ చిత్రం డ్రగ్స్ నేపథ్యంలో ఉండదని కూడా ఆయన చెప్పారు. కానీ తాజాగా సెన్సార్ రేటింగ్ చూస్తే, సినిమాలో హింస తీవ్రత ఎక్కువగా ఉంటుందని అర్థమవుతోంది.

ఓవైపు లోకేష్ కనగరాజ్ కు కూలీ మొదటి A సర్టిఫికేట్ చిత్రం కావడం, మరోవైపు రజినీకి కూడా ఇలాంటి వైలెన్స్ సినిమాలు రెగ్యులర్ గా లేకపోవడం ఇంకా ఆసక్తి పెంచుతుంది. ఇక రిలీజ్ దగ్గరపడుతుండడంతో మేకర్స్ రేపు గ్రాండ్ గా ఈవెంట్ చేస్తున్నారు. ఈ కార్యక్రమానికి చిత్ర బృందంలోని ఎవరెవరు వస్తారోనని సస్పెన్స్ ఉంది. ఎందుకంటే ఇందులో రజనీకాంత్ తో పాటు.. అక్కినేని నాగార్జున కీలక పాత్ర పోషించారు. బాలీవుడ్ స్టార్ హీరో ఆమిర్ ఖాన్, శ్రుతి హాసన్ నటించారు. కాాగా, ట్రైలర్ కూడా ఈ ఈవెంట్ లోనే రిలీజ్ చేయనున్నారు.