• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  Entertainment >  'వార‌ణాసి'తో శ్రీ‌రాముడి...

'వార‌ణాసి'తో శ్రీ‌రాముడి క‌నెక్ష‌న్-'రామాయ‌ణం' ఫిక్షన్ ఎపిసోడ్? జ‌క్క‌న్న ఈ జాగ్ర‌త్త తీసుకున్నారా?

| ఈ సస్పెన్స్ అడ్వెంచర్‌లో భారతీయ ఇతిహాసాల కనెక్షన్లను రాజమౌళి అత్యంత తెలివిగా జోడించినట్లు తెలుస్తోంది.

By - Sivaji Kontham
Update: 2026-08-08 13:30 GMT

ద‌ర్శ‌క‌దిగ్గ‌జం ఎస్.ఎస్. రాజమౌళి, సూపర్‌స్టార్ మహేష్ బాబు కలయికలో తెర‌కెక్కుతున్న భారీ గ్లోబల్ ప్రాజెక్ట్ (SSMB29) చుట్టూ ఇండస్ట్రీ వర్గాల్లోనూ... నెట్టింటా ఊహించని స్థాయిలో ప్రచారం జరుగుతోంది. బాలీవుడ్ దర్శకుడు నితీష్ తివారీ `రామాయణ్` కథను యథాతథంగా పౌరాణికంగా తెరకెక్కిస్తుంటే.. మన జక్కన్న మాత్రం అదే రామాయణ నేపథ్యాన్ని, పురాణాలను సైన్స్ ఫిక్షన్ గ్లోబల్ యాక్షన్ అడ్వెంచర్‌గా మలిచి మైండ్ బ్లాకింగ్ ప్లాన్ చేశారని వార్తలు వస్తున్నాయి. `వారణాసి` టైటిల్ కాన్సెప్ట్‌తో ప్రచారంలో ఉన్న ఈ కథలో రాజమౌళి తెలివితేటలు -స్క్రీన్‌ప్లే ఐడియాలు వేరే లెవెల్‌లో ఉన్నాయని స‌న్నిహిత వ‌ర్గాలు అభిప్రాయపడుతున్నాయి.

ఈ సినిమా కథాంశం ఒక విశ్వవ్యాప్త విపత్తు చుట్టూ తిరుగుతుందని సమాచారం. `శాంభవి` అనే వినాశకరమైన గ్రహశకలం (ఆస్ట్రాయిడ్) వేగంగా వచ్చి భూమిని ఢీకొట్టే ప్రమాదం ఏర్పడగా.. దానివల్ల జరిగే ప్రపంచ వినాశనాన్ని అడ్డుకునే బాధ్యతను `రుద్ర` అనే సాహసికుడు తీసుకుంటాడు. మహేష్ బాబు పోషిస్తున్న ఈ రుద్ర క్యారెక్టర్, ఆపదను నివారించడానికి అవసరమైన పురాతన రహస్యాల కోసం వివిధ ఖండాలు సంచరిస్తూ ఎలాంటి అద్భుతాలు చేశాడనేదే ప్రధాన కథాంశం. ఈ క్రమంలో అతనికి తోడుగా ఉండే `మందాకిణి` (ప్రియాంక చోప్రా) పాత్ర ... వీరిని అంతం చేయడానికి ప్రయత్నించే క్రూరమైన దుష్టశక్తిగా మలయాళ వర్సటైల్ యాక్టర్ పృథ్వీరాజ్ సుకుమారన్ పాత్రల మధ్య జరిగే ఘర్షణ సినిమాకు ప్రధాన ఆకర్షణ కానుంది.

ఈ సస్పెన్స్ అడ్వెంచర్‌లో భారతీయ ఇతిహాసాల కనెక్షన్లను రాజమౌళి అత్యంత తెలివిగా జోడించినట్లు తెలుస్తోంది. ద్వారక నగరం సముద్రంలో మునిగిపోవడం.. శ్రీరాముడి రామాయణ ఘట్టాలను ఒక ఫిక్షన్ ఎపిసోడ్‌లా ఈ మిషన్ లోకి తీసుకువచ్చిన తీరు ప్రేక్షకులను అశ్చర్యపరుస్తుందని క‌థ‌నాలొస్తున్నాయి. మహేష్ బాబు పాత్రలో `హనుమంతుడి` శక్తి, చురుకుదనం.. సమయస్ఫూర్తి అంతర్లీనంగా ప్రతిబింబిస్తాయని... పురాణాల్లోని అస్త్రాలు లేదా రహస్యాలను ఆధునిక ఆస్టరాయిడ్ విపత్తుకు ముడిపెట్టడం జక్కన్న విజన్‌కు నిదర్శనమని చెబుతున్నారు.

స్కైబ్లూ సినిమాటిక్స్ స‌హా ప‌లు మీడియా కథనాల ప్రకారం.. ఈ కథ మూలాలు ఆధ్యాత్మిక క్షేత్రమైన వారణాసి (కాశీ)లోనే ప్రారంభమవుతాయి. కాశీ నగరంలోని నిధి అన్వేషణ లేదా ప్రాచీన రహస్యాల అన్వేషణతో మొదలయ్యే ఈ ప్రయాణం...ఆ తర్వాత ఆఫ్రికా దట్టమైన అడవులతో పాటు ప్రపంచంలోని పలు దేశాలకు విస్తరిస్తుంది. ఇండ్రియానా జోన్స్..లారా క్రాఫ్ట్ తరహా అడ్వెంచర్ ఎలిమెంట్స్‌కు మన సనాతన పురాణ నేపథ్యాన్ని జోడించి ఒక ప్రపంచ స్థాయి దృశ్యకావ్యంగా రాజమౌళి ఈ ప్రాజెక్ట్‌ను డిజైన్ చేసి తెర‌కెక్కిస్తున్నారు. శ‌ర‌వేగంగా చిత్రీక‌ర‌ణ పూర్త‌వుతోంది.

హాలీవుడ్ స్థాయి స్టంట్ కొరియోగ్రాఫర్లు.. అగ్రశ్రేణి సాంకేతిక నిపుణుల భాగస్వామ్యంతో అంతర్జాతీయ ప్రమాణాలకు తగ్గట్టుగా రూపుదిద్దుకుంటున్న ఈ సినిమా బాక్సాఫీస్ వ‌ద్ద‌ సరికొత్త బెంచ్‌మార్క్ క్రియేట్ చేయడం ఖాయంగా కనిపిస్తోంది. సాంప్రదాయ పౌరాణిక కథనాలకు భిన్నంగా సైన్స్ & మైథాలజీని క్లబ్ చేస్తూ జక్కన్న డిజైన్ చేసిన ఈ `వారణాసి` కాన్సెప్ట్ భారతీయ సినిమా స్థాయిని ప్రపంచ వేదికపై సరికొత్త శిఖరాలకు తీసుకెళ్తుందని అనడంలో ఎలాంటి సందేహం లేదు. అయితే కర్ణ పాత్ర విష‌యంలో `క‌ల్కి 2898 ఏడి` డైరెక్ట‌ర్ నాగ్ అశ్విన్ పై విన‌వ‌చ్చిన విమ‌ర్శ‌లు ఎదుర‌వ్వ‌కుండా వార‌ణాసి డైరెక్ట‌ర్ రాజ‌మౌళి ఎలాంటి జాగ్ర‌త్త‌లు తీసుకున్నారు? అన్న‌ది కూడా చాలా ముఖ్యమ‌ని విశ్లేషిస్తున్నారు.

Tags:    
  • ssmb29 
  • maheshbabu 
  • ssrajamouli 
  • rajamouli 
  • varanaasi 
  • priyankachopra 

Similar News

వెంకటేష్ చిత్రంలో నటించొద్దని చెప్పారు!

2026-11-19 13:30 GMT

కీర్తి పెర్ఫామెన్స్‌కు దర్శకుడు కదిలిపోయి..

2026-11-19 12:30 GMT

ట్రెండీ టాక్: జాతీయ ఉత్త‌మ న‌టి ప్ర‌యోగాలు

2026-11-19 10:30 GMT

సైఫ్ అలీ ఖాన్‌కు బెదిరింపులు.. హత్య కేసులో నిందితుడి పేరుతో డెత్ థ్రెట్!

2026-11-19 10:07 GMT

కృతి, కీర్తిలతో కలిసి రజినీకాంత్‌గా మారిన అనిల్ రావిపూడి..!

2026-11-19 09:55 GMT

చైతూ గురించి మీనాక్షి ఇంట్రస్టింగ్‌ కామెంట్స్‌

2026-11-19 09:54 GMT

హీరోయిన్ల వ్య‌క్తిగ‌త జీవితాల్లో హీరోలు!

2026-11-19 09:30 GMT

Tupaki Exclusive: ఫౌజీ సినిమా వేరే లెవెల్‌లో ఉంటుంది. నాకు మొత్తం కథ తెలుసు...

2026-11-19 08:26 GMT

Tupaki Exclusive: వెంకీ సార్ కి చైతు కి మధ్య తేడా ఇదే...!

2026-11-19 08:24 GMT

టాలీవుడ్ గ్లోబ‌ల్ పెట్టుబ‌డుల‌ను రాబ‌ట్టాలంటే CM రేవంత్ విజ‌న్!

2026-11-19 08:18 GMT

నేపో కిడ్స్ వ‌ల్ల‌నే ఈ యువ‌న‌టుడికి ఛాన్సుల్లేవా? వెక్కి వెక్కి ఏడ్చాడు!

2026-11-19 08:08 GMT

మాతృశిశు మంగళ ఆశీర్వాదం పద్ధతిలో సమంత సీమంతం.. శీతల్ క్లారిటీ!

2026-11-19 08:08 GMT

Copyright @2026

Powered by Blink CMS