ఉస్తాద్ భగత్ సింగ్.. రాశి ఏజ్ ఎక్కువలా అనిపిస్తోందా?

హీరోయిన్ రాశీ ఖన్నా ఏజ్ కోసం ఇప్పుడు సోషల్ మీడియాలో జోరుగా చర్చ సాగుతోంది. ఆమె నటించిన లేటెస్ట్ మూవీ ఉస్తాద్ భగత్ సింగ్ సినిమాకు సంబంధించిన కొన్ని సన్నివేశాలు బయటకు రావడంతో అభిమానుల్లో మిక్స్డ్ రెస్పాన్సులు వస్తున్నాయి. ముఖ్యంగా క్లోజప్ షాట్లలో రాశీ లుక్‌ పై కొంతమంది ఫ్యాన్స్ అసంతృప్తి వ్యక్తం చేస్తున్నారు.

సినిమాలో ఆమె ఉన్న కొన్ని షాట్లలో కాస్త వయసు ఎక్కువగా అనిపిస్తుందని పలువురు నెటిజన్లు కామెంట్లు చేస్తున్నారు. నిజానికి రాశీ ఖన్నా వయసు ఇప్పటికీ 35 సంవత్సరాలే అయినప్పటికీ, కెమెరా యాంగిల్స్, లైటింగ్ లేదా మేకప్ కారణంగా ఆమె లుక్ అంతగా ఆకట్టుకోలేదనే అభిప్రాయాలు వినిపిస్తున్నాయి. దీంతో సోషల్ మీడియాలో ఆ అంశంపై చర్చ నడుస్తోంది.

అదే సమయంలో రాశీ ఖన్నా నటిస్తున్న మరో ప్రాజెక్ట్ మాత్రం పూర్తి భిన్నమైన స్పందనను తెచ్చుకుంది. ప్రముఖ ఓటీటీ ప్లాట్‌ ఫామ్ అమెజాన్ ద్వారా విడుదల కానున్న లుక్కే వెబ్ సిరీస్‌ లో ఆమె స్టైలిష్, మోడ్రన్ లుక్‌ లో కనిపిస్తోంది. ఆ సిరీస్‌ కు సంబంధించిన పోస్టర్లు, టీజర్లు చూస్తే రాశీ ఖన్నా చాలా యంగ్, గ్లామరస్‌ గా కనిపించిందని అభిమానులు అభిప్రాయపడుతున్నారు.

ఇదే విషయాన్ని ఫ్యాన్స్ సోషల్ మీడియాలో పోల్చుతూ మాట్లాడుతున్నారు. ఒకే సమయంలో రెండు ప్రాజెక్టుల్లో ఇంత భిన్నమైన లుక్స్ ఎలా సాధ్యమయ్యాయో అంటూ ఆశ్చర్యం వ్యక్తం చేస్తున్నారు. లుక్కేలో ఆమె స్టైలింగ్, కాస్ట్యూమ్స్, మేకప్ అన్నీ కలిపి ఎంతో ఫ్రెష్‌ గా కనిపించగా, ఉస్తాద్ భగత్ సింగ్ లో మాత్రం ఆ మ్యాజిక్ మిస్సయ్యిందని కొందరు అంటున్నారు.

అందుకు గల కారణాలపై నెటిజన్లు తమ అభిప్రాయాలను వెల్లడిస్తున్నారు. సినిమా షూటింగ్ సమయంలో ఉపయోగించే లైటింగ్, కెమెరా లెన్స్, కలర్ గ్రేడింగ్ వంటి టెక్నికల్ ఎలిమెంట్స్ లుక్స్ ను ప్రభావితం చేస్తాయని వారు చెబుతున్నారు. అలాగే, పాత్రకు అనుగుణంగా మేకప్, హెయిర్ స్టైల్ కూడా మారుతుంటాయని, అందువల్లే ఈ తేడా వచ్చి ఉండొచ్చని అంటున్నారు.

అయితే రాశీ ఖన్నా అభిమానులు మాత్రం ఆమెపై పూర్తి నమ్మకంతో ఉన్నారు. సినిమాను థియేటర్స్ లో చూసిన తర్వాత కథ, పాత్ర చూస్తే ఆమె నటన, ప్రెజెన్స్ ఆకట్టుకుంటుందని వారు భావిస్తున్నారు. కేవలం కొన్ని క్లోజప్ షాట్ల ఆధారంగా నిర్ణయం తీసుకోవడం సరైంది కాదని సోషల్ మీడియాలో ఆమెకు మద్దతుగా పోస్టులు పెడుతున్నారు. మొత్తానికి, ఒకే సమయంలో రెండు భిన్నమైన లుక్స్‌ తో రాశీ ఖన్నా మరోసారి చర్చకు దారి తీసింది. ఉస్తాద్ భగత్ సింగ్ లో ఆమె పాత్ర ఎలా ఉందో సినిమా చూసిన వారికే తెలుస్తోంది. అదే సమయంలో లుక్కే వెబ్ సిరీస్‌ తో ఆమె ఎంతవరకు ప్రేక్షకులను ఆకట్టుకుంటుందో చూడాలి.