ఓటీటీలో దూసుకుపోతున్న 'ప్రసన్నవదనం'

సుహాస్ హీరోగా డైరెక్టర్ సుకుమార్ శిష్యుడు అర్జున్ వైకే దర్శకత్వంలో ఫేస్ బ్లైండ్‏నెస్ అనే విభిన్నమైన కాన్సెప్ట్‏తో తెరకెక్కిన ప్రసన్నవదనం సినిమా ఓటీటీలో దూసుకుపోతున్నది. మే 3న థియేటర్లలో విడుదలైన ఈ సినిమాకు పాజిటివ్ రివ్యూస్ లభించాయి. అతి తక్కువ బడ్జెట్‏తో రూపొందిన ఈ సినిమా బాక్సాఫీస్ వద్ద రూ.5 కోట్ల కలెక్షన్స్ రాబట్టింది. పాయల్ రాధాకృష్ణ, రాశి సింగ్, వైవా హర్ష, నితిన్ ప్రసన్న ఇందులో కీలకపాత్రలు పోషించారు. ఈ చిత్రాన్ని లిటిల్ థాట్స్ సినిమాస్ బ్యానర్ పై మణికంఠ, ప్రసాద్ రెడ్డి నిర్మించారు.

ఆహాలో స్ట్రీమింగ్ అవుతున్న ఈ సినిమా ఓటీటీలో రికార్డ్ స్థాయిలో వ్యూస్ దక్కించుకుంటున్నది. ఈ సినిమా మే 24 నుండి ఓటీటీ ప్లాట్ ఫామ్ ఆహాలో స్ట్రీమింగ్ అవుతున్నది. ప్రస్తుతం ఈ సినిమా 100 మిలియన్ స్ట్రీమింగ్ నిమిషాల మైల్ స్టోన్ దాటింది. ఈ విషయాన్ని ఆహా అధికారికంగా ప్రకటించింది. ఓటీటీలో విడుదలైన తొమ్మిది రోజుల్లోనే ఈ మార్క్ క్రాస్ చేసింది. మూడు రోజుల్లోనే 50 మిలియన్ స్ట్రీమింగ్ నిమిషాలు దాటి.. ఆహాలో అత్యంత వేగంగా ఈ మార్క్ దాటిన చిత్రంగా నిలిచింది.

ఈ సినిమాకన్నా ముందు సుహాస్ శ్రీరంగ నీతులు బాక్సాఫీస్ వద్ద బోల్తాకొట్టింది. చాలా కాలం తర్వాత ఆహా, అమెజాన్ ప్రైమ్ వీడియోలలో స్ట్రీమింగ్ వచ్చిన ఈ సినిమాకు ఇప్పుడు మంచి రెస్పాన్స్ వస్తుంది. ఏప్రిల్ 11న థియేటర్లలో విడుదలైన ఈ సినిమా మే 29 నుండి ఓటీటీలో స్ట్రీమింగ్ అవుతుంది.