టాలీవుడ్ ప్ర‌య‌త్నాల్లో ప్రభుదేవా?
ఇండియన్ మైఖేల్ జాక్సన్ గా తనకంటూ ప్రత్యేక గుర్తింపు తెచ్చుకున్న ప్రభుదేవా డాన్సర్‌గా.. నటుడిగా ఎన్నో విజయాలను అందుకున్నారు.
ఇండియన్ మైఖేల్ జాక్సన్ గా తనకంటూ ప్రత్యేక గుర్తింపు తెచ్చుకున్న ప్రభుదేవా డాన్సర్‌గా.. నటుడిగా ఎన్నో విజయాలను అందుకున్నారు. అయితే ఆయనలోని మరో కోణం దర్శకుడిగా కూడా అనేక బ్లాక్‌బస్టర్ హిట్లు అందించింది. ముఖ్యంగా తెలుగు, తమిళ, హిందీ భాషల్లో ఎన్నో అద్భుతమైన చిత్రాలను తెరకెక్కించిన దేవా మ‌ళ్లీ చాలా కాలానికి టాలీవుడ్‌లో మెగాఫోన్ పట్టేందుకు సన్నాహాలు చేస్తున్నట్లు ఇండస్ట్రీ వర్గాలలో గట్టిగా వినిపిస్తోంది.
ప్రభుదేవా చివరిసారిగా తెలుగులో మెగాస్టార్ చిరంజీవి హీరోగా రిలీజ్ అయిన `శంకర్ దాదా జిందాబాద్` (2007) చిత్రానికి దర్శకత్వం వహించారు. ఆ తర్వాత ఆయన టాలీవుడ్‌లో మళ్ళీ డైరెక్టర్‌గా పనిచేయలేదు. అప్పటి నుంచి పూర్తిగా కోలీవుడ్ .. బాలీవుడ్‌లో వరుస సినిమాలతో నటుడిగా, దర్శకుడిగా బిజీ అయిపోయారు. హిందీలో సల్మాన్ ఖాన్ తో `వాంటెడ్`, `దబాంగ్ 3` వంటి భారీ కమర్షియల్ చిత్రాలను తెరకెక్కించి సత్తా చాటారు.
అయితే గత ఐదేళ్లుగా ప్రభుదేవా దర్శకత్వం వహించి ఏ సినిమా రాలేదు. ప్రస్తుతం ఆయన నటనపైనే ఎక్కువ దృష్టి పెట్టడంతో పాటు వరుస ప్రాజెక్ట్‌లతో దూసుకెళ్తున్నారు. ఈ నేపథ్యంలోనే దేవా చాలా కాలం తర్వాత టాలీవుడ్‌పై దృష్టిని సారించినట్లు సమాచారం. తెలుగులో ఓ ప్రముఖ స్టార్ హీరోతో చర్చలు జరుపుతున్నట్లు.. త్వరలోనే ఈ కాంబినేషన్‌కు సంబంధించి అధికారిక ప్రకటన వచ్చే అవకాశం ఉందని ఫిలింనగర్ సర్కిల్స్‌లో టాక్ నడుస్తోంది.
తెలుగు సినిమా పరిశ్రమలో కమర్షియల్ మాస్ చిత్రాలకు ఎప్పుడూ ఉండే క్రేజ్ వేరు. ప్రభుదేవా దర్శకత్వ శైలి పూర్తిగా మాస్ యాక్షన్ అదిరిపోయే డాన్స్ మూమెంట్స్‌తో సాగుతుంది. ఆయన స్టైలిష్ టేకింగ్, ప్రేక్షకులను అలరించే వినోదాత్మక అంశాలు టాలీవుడ్ మాస్ ఆడియన్స్‌కు సరిగ్గా సరిపోతాయి. ఈ నేప‌థ్యంలో టాలీవుడ్ స్టార్ హీరోతో ఆయన చేయబోయే ప్రాజెక్ట్ పై భారీ అంచనాలు నెలకొంటున్నాయి.
దర్శకుడిగా దాదాపు రెండు దశాబ్దాల విరామం తర్వాత తెలుగులోకి ప్రభుదేవా రీఎంట్రీ ఇస్తుండటం అభిమానుల్లో ఉత్సాహాన్ని నింపుతోంది. ఒకవేళ ఈ ప్రాజెక్ట్ కనుక పట్టాలెక్కితే టాలీవుడ్ బాక్సాఫీస్ వద్ద మరో పవర్ ప్యాక్డ్ యాక్షన్ ఎంటర్‌టైనర్ చూడొచ్చని విశ్లేషకులు భావిస్తున్నారు. ప్రస్తుతం స్క్రిప్ట్ వర్క్ తుది దశకు చేరుకున్నట్లు తెలుస్తోంది.
త్వరలోనే ఈ క్రేజీ కాంబినేషన్‌కు సంబంధించిన పూర్తి వివరాలు వెలువడే అవకాశం ఉంది. ప్రభుదేవా లాంటి టాలెంటెడ్ డైరెక్టర్ టాలీవుడ్‌కి రీఎంట్రీ ఇస్తుండటంతో ట్రెండ్‌కు తగ్గట్టుగా ఆయన ఎలాంటి కథను ఎంచు కుంటారనే ఆసక్తి సర్వత్రా నెలకొంది. మెగాఫోన్‌తో ప్రభుదేవా మరోసారి బాక్సాఫీస్ వండర్స్ క్రియేట్ చేయడానికి రంగం సిద్ధమవుతోంది.