రెబల్ ఫ్యాన్స్ ని విసిగిస్తున్న రాజా సాబ్..!

రెబల్ స్టార్ ప్రభాస్ వరుస సినిమాలతో ఫ్యాన్స్ ని ఖుషి చేస్తున్నాడు. లాస్ట్ ఇయర్ డిసెంబర్ లో సలార్ 1 తో మాస్ ట్రీట్ అందించిన ప్రభాస్ జూన్ లో కల్కి తో మరో సంచలనానికి సిద్ధమయ్యాడు. అభిమాన హీరో సినిమాల మీద రెబల్ ఫ్యాన్స్ అంతా సూపర్ ఎగ్జైటెడ్ గా ఉన్నారు. అయితే సెట్స్ మీద ఉన్న ప్రభాస్ సినిమాల్లో రాజా సాబ్ విషయంలో మాత్రం ఫ్యాన్స్ నిరుత్సాహంగా ఉన్నారు. దానికి రీజన్ ఏంటంటే సినిమా నుంచి ఎలాంటి అప్డేట్స్ రావట్లేదు.

మారుతి డైరెక్షన్ లో ప్రభాస్ చేస్తున్న రాజా సాబ్ సినిమా గురించి మొదటి నుంచి చిత్ర యూనిట్ సీక్రెసీ మెయింటైన్ చేస్తుంది. సినిమాను కూడా ఎలాంటి అఫీషియల్ అనౌన్స్ మెంట్ లేకుండా మొదలు పెట్టారు. మొదట్లో మారుతి తో ప్రభాస్ సినిమా ఏంటని కాస్త డౌట్ పడ్డా రాజా సాబ్ పోస్టర్ రిలీజ్ చేశాక ఫ్యాన్స్ కాస్త సంతృప్తి చెందారు. అయితే రాజా సాబ్ సినిమా మొదలై దాదాపు ఏడాది అవుతున్నా సినిమా నుంచి ఎలాంటి అప్డేట్స్ రావట్లేదు.

అప్పట్లో రాజా సాబ్ టైటిల్ పోస్టర్ గా వదిలిన ప్రభాస్ లుక్ తప్ప అసలు సినిమా ఎక్కడిదాకా వచ్చిది.. ఏం జరుగుతుంది అన్న అప్డేట్స్ ఏమి లేవు. ప్రభాస్ కల్కి మీద పూర్తి ఫోకస్ పెట్టి రాజా సాబ్ ని లైట్ తీసుకున్నాడు. రాజా సాబ్ నుంచి ఒక టీజర్ వస్తుందని కొన్నాళ్లుగా ప్రచారం జరిగింది. కానీ ఇప్పటివరకు ఆ టీజర్ రాలేదు. థ్రిల్లర్ మూవీగా వస్తున్న రాజా సాబ్ మీద కాస్త కూస్తో ఉన్న పాజిటివ్ ఇంపాక్ట్ కూడా సినిమా గురించి మేకర్స్ చేస్తున్న డిలే వల్ల పోయే ప్రమాదం కనిపిస్తుంది.

మరి రాజా సాబ్ మేకర్స్ ఫ్యాన్స్ అభ్యర్ధన అర్థం చేసుకుని సినిమా నుంచి అప్డేట్స్ ఇస్తే బెటర్ అని చెప్పొచ్చు. పోస్టర్ తో వింటేజ్ ప్రభాస్ ని చూపించిన మారుతి సినిమా మీద అంచనాలు పెంచేలా అడపాదడపా అయినా కొన్ని అప్డేట్స్ ఇస్తే బెటర్. ఇప్పటికే రాజా సాబ్ మీద రెబల్ ఫ్యాన్స్ విసిగిపోయి ఉన్నారు. వారిని ట్యూన్ చేసేందుకు చిత్ర యూనిట్ సర్ ప్రైజ్ ఎలిమెంట్స్ ప్లాన్ చేయాల్సి ఉంటుంది. కల్కి 2898 AD సినిమా జూన్ 27న రిలీజ్ అవుతుంది. ఈలోగా రాజా సాబ్ నుంచి కూడా టీజర్ ఆశిస్తున్నారు రెబల్ స్టార్ ఫ్యాన్స్.