ఓపెనింగ్ సీక్వెన్స్ మిస్ అవొద్దు!

మ‌ధురం షార్ట్ ఫిల్మ్ తో మంచి డైరెక్ట‌ర్ గా పేరు తెచ్చుకున్న ఫ‌ణీంద్ర న‌ర్సెట్టి ఇప్పుడు 8 వ‌సంతాలు అనే సినిమాతో ప్రేక్ష‌కుల ముందుకొస్తున్నాడు. టాలీవుడ్ అగ్ర నిర్మాణ సంస్థ మైత్రీ మూవీ మేక‌ర్స్ నిర్మించిన ఈ సినిమాలో అనంతిక స‌నిల్‌కుమార్ ప్ర‌ధాన పాత్ర‌లో న‌టించింది. జూన్ 20న 8 వ‌సంతాలు సినిమా ప్రేక్ష‌కుల ముందుకు రానుంది.

8 వ‌సంతాలు సినిమా ఒక అమ్మాయి జ‌ర్నీ అని, 17 ఏళ్ల నుంచి 27 ఏళ్ల మ‌ధ్య ఒక అమ్మాయి లైఫ్ లో జ‌రిగే క‌థ 8 వ‌సంతాలు అని, ఈ సినిమాకు డైరెక్ట‌ర్ ఫ‌ణి, హీరోయిన్ అనంతిక పిల్ల‌ర్లు లాంటి వాళ్ల‌ని, సినిమా విజువ‌ల్ గా అదిరిపోయింద‌ని, ఫ‌ణి ఈ సినిమాతో ఎంతో ఎమోష‌న‌ల్ కంటెంట్ ను ఆడియ‌న్స్ కు చెప్తున్నాడ‌ని, ఈ ప్ర‌య‌త్నం క‌చ్ఛితంగా స‌క్సెస్ అవుతుంద‌ని న‌మ్ముతున్నట్టు నిర్మాత ర‌వి శంక‌ర్ చెప్పారు.

8 వ‌సంతాలు డిఫ‌రెంట్ సినిమా అని, క‌థ బాగా న‌చ్చి ఈ ప్ర‌య‌త్నం చేశామ‌ని, త‌ప్ప‌కుండా సినిమా అంద‌రికీ న‌చ్చుతుంద‌ని, ఈ మూవీకి చాలా మంది కొత్త టాలెంట్ వ‌ర్క్ చేసింద‌ని, వారి కోస‌మైనా ఈ సినిమా పెద్ద స‌క్సెస్ అవాల‌ని నిర్మాత న‌వీన్ యెర్నేని అన్నారు. మారుతున్న జెన‌రేష‌న్ లో క‌విత్వం అంట‌రాని భాష‌గా మారిపోయింద‌ని, కానీ దాన్ని ఓ ప‌రిమ‌ళంలా ఫ‌ణి త‌న మ‌నసుని అంటించుకున్నాడ‌ని లిరిక్ రైట‌ర్ వ‌న‌మాలి తెలిపారు.

సినిమాలో ఫ‌ణి రాసిన బ‌రువైన సంభాష‌ణ‌లు మ‌నసుల్ని క‌దిలించే ఉన్నాయ‌ని, ఇలాంటి క‌థ‌ల‌ను ఆద‌రిస్తున్న నిర్మాత‌ల గురించి ఎంత చెప్పినా త‌క్కువేన‌ని వ‌న‌మాలి అన్నారు. ఈ సినిమా టైటిల్ కార్డ్స్ చాలా డిఫ‌రెంట్ గా రివ‌ర్స్ లో ప్లాన్ చేశామ‌ని, ఎట్టి ప‌రిస్థితుల్లో సినిమాకు లేటుగా వెళ్లొద్ద‌ని డైరెక్ట‌ర్ ఫ‌ణీంద్ర ఈ సంద‌ర్భంగా ఆడియ‌న్స్ ను కోరాడు.