పవన్ కళ్యాణ్ నోట.. అల్లు అర్జున్ మాట

మెగా.. అల్లు ఫ్యాన్స్ మధ్య కొద్దిరోజులుగా జరుగుతున్న వార్ గురించి అందరికీ తెలిసిందే. ఏపీ అసెంబ్లీ ఎన్నికల ప్రచారం టైమ్ లో స్టార్ట్ అయిన మాటల యుద్ధం ఇంకా కొనసాగుతూనే ఉంది! పవన్ కళ్యాణ్ కు మద్దతుగా ఒక ట్వీట్ చేసి.. నంద్యాల వైసీపీ అభ్యర్థి, తన ఫ్రెండ్ శిల్పా రవికి విష్ చేయడానికి అల్లు అర్జున్ వెళ్లడంతో మెగా అభిమానులు జీర్ణించుకోలేకపోయారు. ఆ తర్వాత రీసెంట్ గా తనకు నచ్చిన వాళ్ల కోసం ఏదైనా చేస్తా అన్నట్టు బన్నీ మాట్లాడడంతో రెండు కుటుంబాల ఫ్యాన్స్ మధ్య మాటల యుద్ధం తారాస్థాయికి చేరింది.

అయితే ఇప్పుడు పవన్ కళ్యాణ్.. నోట అల్లు అర్జున్ పేరు వచ్చింది! అందుకు సంబంధించిన వీడియో ఇప్పుడు సోషల్ మీడియాలో వైరల్ గా మారింది. కృష్ణా జిల్లా కంకిపాడులో నిర్వహించిన పల్లె పండుగ కార్యక్రమంలో పవన్ కళ్యాణ్.. సోమవారం ఉదయం పాల్గొన్నారు. ఆ సమయంలో అక్కడ ఉన్న అభిమానులు, పార్టీ నాయకులు.. ఓజీ.. ఓజీ అని అరిచారు. దీంతో పవన్ స్పందించారు. ఆ సమయంలో అల్లు అర్జున్ పేరును ఉపయోగించారు.

ఇన్ని రోజులు కూడా మీరు(అభిమానులు) ఓజీ.. ఓజీ.. అంటుంటే నాకు మోదీ.. మోదీ అని వినిపించేదని అన్నారు. ఎంటర్టైన్మెంట్ అందరికీ కావాల్సిందేనని పవన్ తెలిపారు. అదే సమయంలో పల్లె పండగ కార్యక్రమం ఎందుకు చేస్తున్నామనే విషయంపై మాట్లాడారు. అందరూ తమ ఫేవరేట్ హీరోల సినిమాలకు వెళ్ళాలంటే డబ్బులు ఉండాలి కదా.. అని అన్నారు. ఎంటర్టైన్మెంట్ కన్నా ముందు ప్రతీ ఒక్కరి కడుపు నిండాలని తెలిపారు. అందుకే ముందు కడుపు నింపే పని చేద్దామని పవన్ పిలుపునిచ్చారు. రోడ్లు, స్కూల్స్‌ ను బాగు చేసుకుందామని చెప్పారు.

ఆ తర్వాత... విందులు.. వినోదాలు.. ఓజీలు అంటూ చమత్కరించారు పవన్. మీ ఫేవరేట్ హీరోలు మీకు ఎంత ఇష్టమో.. నాకు కూడా అంతే ఇష్టం అని పవన్ అన్నారు. సినీ ఇండస్ట్రీలో ఉన్న ఏ హీరోలతో తనకు ఎలాంటి ఇబ్బంది లేదని చెప్పారు. ముఖ్యంగా సినిమాల పరంగా.. తాను ఎవరితో కూడా పోటీ పడనని చెప్పారు. చెప్పాలంటే ఒక్కొక్కరు ఒక్కో విషయంలో ఎక్సపెర్ట్ అంటూ కొనియాడారు. అందరూ బాగుండాలని కోరుకుంటానని తెలిపారు.

చిరంజీవి, బాలకృష్ణ, అల్లు అర్జున్, జూనియర్ ఎన్టీఆర్, మహేష్ బాబు, రామ్ చరణ్, నాని.. అలా అందరూ బాగుండాలని ఎప్పుడూ తాను కోరుకుంటానని తెలిపారు పవన్. ఏదేమైనా మీ ఫేవరేట్ హీరోకి జై కొట్టాలంటే.. రాష్ట్ర ఫైనాన్షియల్ పొజిషన్ బాగుండాలని తెలిపారు. సినిమా థియేటర్ కు వెళ్ళాలంటే ముందు రోడ్లు బాగుండాలి కదా అని వ్యాఖ్యానించారు. అందుకే వాటిపై ముందు దృష్టిపెడదామని పిలుపునిచ్చారు. ప్రస్తుతం పవన్ కామెంట్స్ నెట్టింట ఓ రేంజ్ లో వైరల్ అవుతున్నాయి.