పవన్ కళ్యాణ్ క్రియేటివ్ వర్క్స్ సడన్ సర్ ప్రైజ్.. సీక్రెట్ ఏంటి?

​పవర్ స్టార్ పవన్ కళ్యాణ్ అంటేనే ఒక ట్రెండ్ సెట్టర్. ఆయన సినిమాలు మాత్రమే కాదు, ఆయన ఆలోచనలు కూడా ఎప్పుడూ కొత్తగానే ఉంటాయి. 'పవన్ కళ్యాణ్ క్రియేటివ్ వర్క్స్' బ్యానర్ ద్వారా అప్పుడప్పుడు కొన్ని ఇంట్రెస్టింగ్ అప్డేట్స్ ఇస్తుంటారు. లేటెస్ట్ గా ఈ బ్యానర్ నుంచి ఒక కాన్సెప్ట్ వీడియో రిలీజ్ అయ్యింది. ఎలాంటి ముందస్తు సమాచారం లేకుండా సడన్ గా వచ్చిన ఈ వీడియో ఇప్పుడు ఫ్యాన్స్ లో హాట్ టాపిక్ గా మారింది.

​ఈ వీడియో మొత్తం జపనీస్ కల్చర్, మార్షల్ ఆర్ట్స్ థీమ్ తో డిజైన్ చేశారు. పవన్ కళ్యాణ్ కు మార్షల్ ఆర్ట్స్ అంటే ఎంత ఇష్టమో మనందరికీ తెలిసిందే. ఆయన కెరీర్ బిగినింగ్ లో 'తమ్ముడు', 'బద్రి', 'జానీ' లాంటి సినిమాల్లో తన మార్షల్ ఆర్ట్స్ స్కిల్స్ ను అద్భుతంగా చూపించారు. ఇప్పుడు మళ్ళీ అదే స్టైల్ లో, జపనీస్ కత్తి, మార్షల్ ఆర్ట్స్ సర్టిఫికేట్, బ్లాక్ బెల్ట్ లాంటి ఎలిమెంట్స్ తో ఈ వీడియోను కట్ చేయడం ఆసక్తిని రేకెత్తిస్తోంది.

​ముఖ్యంగా వీడియో చివర్లో పవన్ కళ్యాణ్ గాల్లోకి ఎగిరి కిక్ ఇస్తున్న పాత స్టిల్ ను వాడటం ఫ్యాన్స్ కు గూస్ బంప్స్ తెప్పిస్తోంది. ఇది చూస్తుంటే పవన్ కళ్యాణ్ తన బ్యానర్ లో ఏదో ఒక భారీ మార్షల్ ఆర్ట్స్ ప్రాజెక్ట్ ను ప్లాన్ చేస్తున్నారా అనే సందేహం కలుగుతోంది. లేకపోతే ఇది కేవలం బ్యానర్ రీ లాంచ్ వీడియోనా అనేది ఇంకా క్లారిటీ లేదు. కానీ విజువల్స్ మాత్రం చాలా ఇంటెన్స్ గా, ఒక పర్ఫెక్ట్ యాక్షన్ మూడ్ ని క్రియేట్ చేస్తున్నాయి.

​గతేడాది 'OG'తో గ్యాంగ్ స్టర్ గా బాక్సాఫీస్ ను షేక్ చేసిన పవన్, ఇప్పుడు మళ్ళీ మార్షల్ ఆర్ట్స్ వైపు మొగ్గు చూపడం విశేషం. 2025లో 'OG' సృష్టించిన రికార్డులు ఇంకా ఎవరూ మర్చిపోలేదు. ఇప్పుడు ఈ కాన్సెప్ట్ వీడియోతో ఆయన నెక్స్ట్ లెవెల్ ప్లానింగ్ లో ఉన్నారని అర్థమవుతోంది. ఇది సినిమానా, వెబ్ సిరీసా లేక మరేదైనా డాక్యుమెంటరీనా అనేది తెలియాల్సి ఉంది.

​పవన్ కళ్యాణ్ ప్రస్తుతం డిప్యూటీ సీఎంగా బిజీగా ఉన్నప్పటికీ, సినిమా రంగాన్ని పూర్తిగా వదలలేదు. ఒక పక్క 'ఉస్తాద్ భగత్ సింగ్' సినిమాను 2026 సమ్మర్ రిలీజ్ కు రెడీ చేస్తున్నారు. మరోపక్క తన బ్యానర్ ద్వారా ఇలాంటి క్రియేటివ్ పనులకు శ్రీకారం చుట్టారు. ఈ వీడియో ద్వారా ఆయన తన పాత రోజులను, ఆ మార్షల్ ఆర్ట్స్ ప్యాషన్ ను మరోసారి గుర్తు చేసుకున్నట్లు కనిపిస్తోంది. ​ఏదేమైనా ఈ సర్ ప్రైజ్ వీడియోతో పవన్ కళ్యాణ్ క్రియేటివ్ వర్క్స్ పై అందరి దృష్టి పడింది. రాబోయే రోజుల్లో ఈ బ్యానర్ నుంచి ఇంకెన్ని అద్భుతాలు రాబోతున్నాయో అని ఫ్యాన్స్ ఈగర్ గా వెయిట్ చేస్తున్నారు.