పరీక్షల కాలంలో.. వరుణ్ తేజ్ ఆపరేషన్
| అసలైతే ఈ సినిమాను ఫిబ్రవరిలో విడుదల చేయాలని అనుకున్నారు. కానీ మళ్ళీ ఎందుకో వెనక్కి తగ్గారు. ఇక ఇప్పుడు మార్చి ఒకటవ తేదీన పెద్దగా పోటీ లేకుండా రంగంలోకి దిగుతున్నారు.
మెగా హీరో వరుణ్ తేజ్ బాక్స్ ఆఫీస్ వద్ద సాలిడ్ సక్సెస్ అందుకొని చాలా కాలం అయింది. అప్పుడెప్పుడో వచ్చిన ఫిదా తొలిప్రేమ సినిమాలతోనే అతనికి మార్కెట్లో మంచి డిమాండ్ అయితే ఏర్పడింది. ఇక తర్వాత చేసిన ఏ సినిమా కూడా భారీ స్థాయిలో అయితే సక్సెస్ కాలేదు. మధ్యలో వచ్చిన గద్దలకొండ గణేష్ పరవాలేదు అనే విధంగా బాక్సాఫీస్ వద్ద కలెక్షన్స్ అందుకుంది.
ఇక తర్వాత ఎఫ్3 కూడా పూర్తి స్థాయిలో సక్సెస్ కాలేదు. అయినప్పటికీ అది మల్టీస్టారర్ సినిమా. ఇక సోలో సక్సెస్ కోసం వరుణ్ తేజ్ చాలా కాలంగానే ఎదురు చూస్తూ ఉన్నాడు. కదల స్టైల్ మారుతున్నా కూడా బాక్సాఫీస్ వద్ద ఊహించని విధంగా డిజాస్టర్స్ ఎదురవుతున్నాయి. గని గాండీవ దారి అర్జున రెండు సినిమాలు కూడా దారుణంగా నష్టాలను కలిగించాయి.
అయితే నెక్స్ట్ సినిమాతో మాత్రం సాలిడ్ సక్సెస్ అందుకోవాలి అనే విధంగా వరుణ్ తేజ్ ఆలోచిస్తున్నాడు. అతని నుంచి నెక్స్ట్ రాబోతున్న సినిమా ఆపరేషన్ వాలెంటైన్స్. తెలుగు హిందీలో ఒకేసారి ఈ సినిమాను విడుదల చేయబోతున్నారు. ఇప్పటివరకు అయితే అనుకున్నంత స్థాయిలో అంచనాలు క్రియేట్ కాలేదు. ప్రమోషన్స్ కంటెంట్ కూడా పెద్దగా క్రేజ్ పెంచడం లేదు.
అసలైతే ఈ సినిమాను ఫిబ్రవరిలో విడుదల చేయాలని అనుకున్నారు. కానీ మళ్ళీ ఎందుకో వెనక్కి తగ్గారు. ఇక ఇప్పుడు మార్చి ఒకటవ తేదీన పెద్దగా పోటీ లేకుండా రంగంలోకి దిగుతున్నారు. ఇది సోలో డేట్ అయినప్పటికీ కూడా ఆడియోన్స్ ను థియేటర్స్ కు రప్పించడం చాలా కష్టమైన పని. టీనేజ్ తో పాటు యువత ఎగ్జామ్స్ తో చాలా బిజీగా ఉంటారు.
ఇక ఫ్యామిలీ ఆడియన్స్ అంతగా ఆసక్తి చూపించకపోవచ్చు. కాబట్టి ఇది సినిమాకు పెద్ద పరీక్ష అని చెప్పవచ్చు. ఈ టైంలో సక్సెస్ అందుకోవడం సాధారణమైన విషయం కాదు. కాబట్టి టాక్ మాత్రం చాలా బలంగా పాజిటివ్ గా ఉండాలి. ఇటీవల ఇదే బ్యాక్ డ్రాప్ లో వచ్చిన బాలీవుడ్ ఫైటర్ మూవీ దారుణంగా డిజాస్టర్ అయింది. రెండో రోజుకే సినిమా కలెక్షన్స్ దారుణంగా తగ్గిపోయాయి. ఇక ఇప్పుడు అదే టచ్ తో రాబోతున్న వరుణ్ తేజ్ ఆపరేషన్ వాలెంటైన్ ఎలాంటి సక్సెస్ అందుకుంటుందో చూడాలి.