2000 కోట్ల 'అబ్సెషన్'.. టాలీవుడ్ నేర్చుకోవాల్సింది చాలా ఉందా?

హాలీవుడ్ లో రీసెంట్ గా రిలీజైన సైకలాజికల్ హారర్ థ్రిల్లర్ 'అబ్సెషన్' వరల్డ్ వైడ్ గా సెన్సేషన్ క్రియేట్ చేస్తోంది. కేవలం 1 మిలియన్ డాలర్ల కంటే అతి తక్కువ బడ్జెట్ తో తెరకెక్కిన ఈ సినిమా బాక్సాఫీస్ దగ్గర ఏకంగా 315 మిలియన్ డాలర్లు అంటే దాదాపు 2000 కోట్ల రూపాయలకు పైగా వసూలు చేసి హిస్టరీ క్రియేట్ చేసింది. ఇండియాలో కూడా కేవలం 17 రోజుల్లోనే 79 కోట్ల రూపాయలకు పైగా గ్రాస్ సాధించి 100 కోట్ల క్లబ్ వైపు దూసుకుపోతోంది.

ఇంతటి సాలిడ్ గ్లోబల్ బ్లాక్ బస్టర్ గురించి ప్రస్తుతం సోషల్ మీడియా ప్లాట్‌ఫామ్స్ లో రకరకాల డిస్కషన్స్ నడుస్తున్నాయి. అయితే మన టాలీవుడ్ కు చెందిన కొందరు ఫిల్మ్ మేకర్స్ ఈ సినిమా సక్సెస్ ను కాస్త లైట్ తీసుకుంటున్నట్లు టాక్ వస్తోంది. ఇది కేవలం యూత్ కు కనెక్ట్ అయ్యే ఒక నార్మల్ షార్ట్ ఫిల్మ్ కంటెంట్ మాత్రమేనని, అంతకుమించి ఇందులో పెద్దగా మ్యాటర్ ఏమీ లేదంటూ కొందరు నెట్టింట కామెంట్స్ పెడుతున్నారు.

కానీ ఒక సినిమా అంత పెద్ద రేంజ్ లో సక్సెస్ అయిందంటే దాన్ని కేవలం లక్ అనో లేక చిన్న పాయింట్ అనో కొట్టేయలేం. డైరెక్టర్ కర్రీ బార్కర్ తన మొదటి సినిమాతోనే బ్లమ్‌హౌస్ ప్రొడక్షన్స్ లాంటి పెద్ద బ్యానర్ ను మెప్పించి ఈ రేంజ్ అవుట్ పుట్ తీసుకురావడం వెనుక గట్టి ప్లానింగ్ ఉంది. ఒక మ్యూజిక్ స్టోర్ ఉద్యోగి బేర్ తన చైల్డ్‌హుడ్ క్రష్ నిక్కీని దక్కించుకోవడానికి 'వన్ విష్ విల్లో' అనే సూపర్ నేచురల్ ఐటమ్ వాడటం, ఆ తర్వాత జరిగే సైకో డ్రామాను స్క్రీన్ మీద చూపించిన విధానం గ్లోబల్ ఆడియన్స్ కు బాగా నచ్చింది.

మనవాళ్లు ఇక్కడ గమనించాల్సింది ఏంటంటే.. ఒక సినిమా మేకింగ్ స్టైల్ లోని క్వాలిటీని, స్క్రిప్ట్ లోని గ్రిప్పింగ్ ఎలిమెంట్స్ ను స్టడీ చేయాలి. అంతేకాని అది చిన్న పాయింట్ అని ఈజీగా తీసిపారేస్తే ఇండస్ట్రీగా మనం కొత్తదనాన్ని మిస్ అవుతాం. హాలీవుడ్ లో ఇలాంటి తక్కువ బడ్జెట్ తో వచ్చి రికార్డులు క్రియేట్ చేసిన సినిమాలు చాలానే ఉన్నాయి. వాటి నుంచి ఐడియాస్ ను, మేకింగ్ టెక్నిక్స్ ను నేర్చుకుంటే మన టాలీవుడ్ లో కూడా తక్కువ ఖర్చుతో అద్భుతాలు చేయొచ్చు.

టాలీవుడ్ ప్రస్తుతం బాహుబలి, ఆర్ఆర్ఆర్ లాంటి సినిమాలతో గ్లోబల్ లెవెల్ లో తన మార్క్ చూపిస్తోంది. మన దగ్గర కూడా టాలెంట్ కు కొదవలేదు. అయితే వేరే లాంగ్వేజ్ సినిమాల్లోని సక్సెస్ ఫార్ములాను ఈగోలు లేకుండా యాక్సెప్ట్ చేసినప్పుడే మన మేకింగ్ స్టాండర్డ్స్ ఇంకా బెటర్ అవుతాయి. కేవలం కమర్షియల్ హంగులు, భారీ బడ్జెట్ లేకపోయినా ప్యూర్ కంటెంట్ తో కూడా 2000 కోట్లు కొట్టొచ్చని 'అబ్సెషన్' నిరూపించింది. ఏదేమైనా ఒక సినిమా సక్సెస్ ను తక్కువ చేసి చూడకుండా.. అందులో ఆడియన్స్ కు కనెక్ట్ అయిన మెయిన్ సోల్ ఏంటనేది అర్థం చేసుకోవడం చాలా ముఖ్యం. అబ్సెషన్ క్రియేట్ చేసిన ఈ బాక్సాఫీస్ రన్ మేకర్స్ కు ఒక మంచి లెసన్ లాంటిదని చెప్పవచ్చు.