నాని ది ప్యారడైజ్ లో 'కిల్' సైకో!

నాచురల్ స్టార్ నాని ప్రస్తుతం వరుస విజయాలతో ఫుల్ జోష్‌లో ఉన్నాడు. ఇటీవల విడుదలైన ‘హిట్ 3’ సినిమా రూ. 100 కోట్ల గ్రాస్‌ను దాటి బ్లాక్‌బస్టర్‌గా నిలిచింది. ఈ సక్సెస్‌తో నాని ఇప్పుడు తన తదుపరి ప్రాజెక్ట్ ‘ది ప్యారడైజ్’పై ఫోకస్ చేశాడు. ‘దసరా’ ఫేమ్ శ్రీకాంత్ ఓదెల డైరెక్షన్‌లో, SLV సినిమాస్ నిర్మాణంలో రూపొందుతున్న ఈ పాన్ వరల్డ్ మూవీ షూటింగ్ మొదలవకముందే భారీ బజ్ క్రియేట్ చేస్తోంది.

1980ల నేపథ్యంలో సాగే ఈ యాక్షన్ డ్రామా నాని కెరీర్‌లో మరో రికార్డ్ గా నిలవనుందని అభిమానులు ఆశిస్తున్నారు. ‘ది ప్యారడైజ్’ సినిమాకు సంబంధించి ఇప్పటికే పలు ఆసక్తికర అప్‌డేట్స్ వచ్చాయి. అనిరుధ్ రవిచందర్ సంగీతం అందిస్తున్న ఈ సినిమా ఆడియో ఆల్బమ్‌పై భారీ అంచనాలు నెలకొన్నాయి. ఈ సినిమా కోసం అనిరుధ్ ప్రత్యేకమైన బీట్స్‌తో మ్యాజిక్ క్రియేట్ చేయనున్నాడని టాక్ నడుస్తోంది.

రైజింగ్ స్టార్ కాయదు లోహర్ హీరోయిన్‌గా నటిస్తుందని సమాచారం వచ్చినప్పటికీ, దీనిపై అధికారిక ప్రకటన రావాల్సి ఉంది. ఈ నేపథ్యంలో సినిమాకు సంబంధించిన మరొక లీక్ వైరల్ అవుతోంది. లేటెస్ట్ బజ్ ప్రకారం, హిందీ సినిమా ‘కిల్’లో తన సైకో నటనతో భయపెట్టిన రాఘవ్ జుయల్ ఈ సినిమాలో కీలక పాత్రలో నటించనున్నాడు. ‘కింగ్ ఆఫ్ స్లో మోషన్’గా పేరుగాంచిన రాఘవ్ ఈ సినిమాకు ప్రత్యేక ఎనర్జీని తీసుకొస్తాడని టీమ్ భావిస్తోంది.

ఈ విషయంపై త్వరలో అధికారిక ప్రకటన వస్తుందని సమాచారం. రాఘవ్ ఎంట్రీతో ‘ది ప్యారడైజ్’ సినిమాపై అంచనాలు మరింత పెరిగాయి. సినిమా టెక్నికల్ టీమ్‌లో కూడా మార్పులు జరిగాయి. సినిమాటోగ్రాఫర్ జీకే విష్ణు వ్యక్తిగత కారణాల వల్ల ఈ ప్రాజెక్ట్ నుంచి తప్పుకున్నాడు. ఆయన స్థానంలో కొత్త సినిమాటోగ్రాఫర్ ఎవరనేది టీమ్ త్వరలో ప్రకటించనుంది.

ఈ సినిమా విజువల్స్, సెట్ డిజైన్‌పై శ్రీకాంత్ ఓదెల ప్రత్యేక శ్రద్ధ తీసుకుంటున్నాడు, ఇది నాని అభిమానులకు విజువల్ ట్రీట్‌గా నిలవనుంది. ‘ది ప్యారడైజ్’ సినిమా షూటింగ్ త్వరలో ప్రారంభం కానుంది, ఈ సినిమా 2026 సమ్మర్ లో రిలీజ్ కానుంది. నాని, శ్రీకాంత్ ఓదెల కాంబో ‘దసరా’ తర్వాత మరోసారి బాక్సాఫీస్ షేక్ చేయడానికి సిద్ధమవుతున్నారు. మొత్తంగా, ‘ది ప్యారడైజ్’ సినిమాతో నాని మరోసారి యాక్షన్ డ్రామాతో అలరించడానికి రెడీ అవుతున్నాడు. రాఘవ్ జుయల్ ఎంట్రీ, అనిరుధ్ సంగీతం, కాయదు లోహర్ ఫ్రెష్ లుక్‌తో ఈ సినిమా హైప్ డబుల్ అయింది. మరి సినిమా ఎలాంటి విజయం సాధిస్తుందో చూడాలి.