కానిస్టేబుల్​గా విజయ్ దేవరకొండ.. ఏ సినిమా అంటే

మళ్లీరావా, జెర్సీ వంటి ఎమోషనల్​ డ్రామాలతో మంచి హిట్ అందుకున్న దర్శకుడు గౌతమ్ తిన్ననూరి.. ప్రస్తుతం రౌడీ హీరో విజయ్ దేవరకొండతో ఓ సినిమా చేస్తున్న సంగతి తెలిసిందే. ఈ సినిమా గ్యాంగ్​ స్టర్​ నేపథ్యంలో రాబోతుందని కూడా ఆ మధ్య వార్తలు వచ్చాయి. తాజాగా మరో ఆసక్తికర విషయం ఒకటి బయటకు వచ్చింది.

ఈ చిత్రంలో క్యారెక్టర్ ఆర్టిస్ట్ మురళీధర్ గౌడ్ కూడా నటిస్తున్నారు. తాజాగా ఆయన ఓ ఇంటర్వ్యూలో పాల్గొన్నారు. ఇందులో భాగంగా ఆయన తన కొత్త సినిమాల విషయల గురించి మాట్లాడుతూ.. తాను విజయ్ దేవరకొండ-గౌతమ్​ తిన్ననూరి సినిమాలో నటిస్తున్నట్లు తెలిపారు. తాను ఎస్సై పాత్ర పోషిస్తున్నట్లు తెలిపిన ఆయన.. విజయ్ తన కింద కానిస్టేబుల్‌గా నటిస్తున్నట్లు పేర్కొన్నారు. ప్రస్తుతం ఆయన చెప్పిన మాటలు నెట్టింట్లో ట్రెండ్ అవుతున్నాయి.

వాస్తవానికి గతంలోనే సినిమా ప్రకటించినప్పుడే విజయ్ దేవరకొండ లుక్​లో ఖాకీ చొక్కా ఉన్న కాన్సెప్ట్ పోస్టర్​ను రిలీజ్​ చేసింది మూవీటీమ్​. కానీ విజయ్ ఫేస్​ను రివీల్​ చేయలేదు. అయితే ఆ తర్వాత.. ఈ మధ్యే గ్యాంగస్టర్​ కథ అంటూ వార్తలు వచ్చాయి. ఇప్పుడు విజయ్​ దేవరకొండ.. కానిస్టేబుల్ పాత్రలో నటిస్తున్నారని తెలిసింది.

దీంతో కానిస్టేబుల్​కు గ్యాంగ్ స్టర్ వరల్డ్​తో లింక్ ఎలా ఉండబోతుందా? లేదంటే పోలీస్ అధికారిగా ఉన్న విజయ్ గ్యాంగ్ స్టర్​గా మారతారా? అసలీ కథ ఏంటో? గౌతమ్ ప్లాన్ ఎలా ఉండబోతుందా అని రౌడీ ఫ్యాన్స్ ఆసక్తిగా తెగ ఆలోచించేస్తున్నారు. ఏదేమైనా విజయ్ పాత్ర మాత్రం మంచి రోలర్ కోస్టర్ రైడ్​గా ఉంటుందని చెబుతున్నారు.

ఇకపోతే ఈ చిత్రానికి అనిరూధ్ మ్యూజిక్ అందిస్తున్నారట. అసలే ఇప్పుడాయన మంచి ఫామ్​లో ఉన్నారు. ఆయన మ్యూజిక్​ ప్రతిఒక్కరినీ గూస్​ బంప్స్​ తెప్పిస్తున్నాయి. ఈయన మ్యూజిక్​ విజయ్​కు తోడైతే మాములుగా ఉండదని చెబుతున్నారు. ఈ సినిమాను మైత్రీ మూవీ మేకర్స్ నిర్మిస్తోంది. ఇందులో హీరోయిన్గా శ్రీలీల నటిస్తుందని అంటున్నారు.

కాగా, విజయ్ దేవరకొండ లైగర్​తో భారీ ఫ్లాప్ అందుకున్న సంగతి తెలిసిందే. ఆ తర్వాత రీసెంట్​గా స్టార్ హీరోయిన్ సమంతతో కలిసి ఖుషిగా వచ్చారు. రీసెంట్​గా వచ్చిన ఈ చిత్రం పాజిటివ్ టాక్ తెచ్చుకుంది. ఫాపుల్లో ఉన్న అటు విజయ్​ దేవరకొండకు ఇటు సమంతకు మంచి జోష్​ నిచ్చింది. ప్రస్తుతం ఈ ఇద్దరు ఆ సక్సెస్​ను ఎంజాయ్ చేస్తున్నారు.