మృణాళ్‌పై కొత్త‌ రూమర్: ధనుష్ తర్వాత యువ క్రికెట‌ర్‌తో!

యంగ్ ట్యాలెంటెడ్ బ్యూటీ మృణాళ్ ఠాకూర్ వ్య‌క్తిగ‌త - డేటింగ్ లైఫ్ పై నిరంత‌రం మీడియా గాసిప్పులు అల్లుతున్న సంగ‌తి తెలిసిందే. ఇటీవ‌ల కొన్ని నెల‌లుగా త‌మిళ స్టార్ హీరో ధ‌నుష్ తో మృణాల్ సీరియ‌స్ గా డేటింగ్ చేస్తోంద‌ని, అత‌డిని పెళ్లాడేసేందుకు సిద్ధ‌మ‌వుతోంద‌ని ఒక పుకార్ షికార్ చేసింది. అయితే అందులో నిజం ఎంతో ఎవ‌రికీ తెలీదు కానీ, ఇప్పుడు ప్ర‌ముఖ‌ యువ క్రికెట‌ర్ య‌శ‌స్వి జైశ్వాల్ తో డేటింగ్ చేస్తోందంటూ మ‌రో కొత్త పుకార్ ఇండ‌స్ట్రీని వేడెక్కించేస్తోంది. అత‌డితో క‌లిసి క‌నిపించింది మొద‌లు వెంట‌నే ఈ గాసిప్పులు మొద‌లైపోయాయి. పూర్తి వివ‌రాల్లోకి వెళితే..

బాలీవుడ్ నుంచి టాలీవుడ్ వరకు తన నటనతో మంచి గుర్తింపు తెచ్చుకున్న యంగ్ ట్యాలెంటెడ్ బ్యూటీ మృణాళ్ ఠాకూర్ పర్సనల్ లైఫ్, డేటింగ్ వ్యవహారాలపై మీడియాలో నిరంతరం గాసిప్పులు వస్తూనే ఉన్నాయి. ఇటీవలి కాలంలో తమిళ స్టార్ హీరో ధనుష్‌తో డేటింగ్ చేస్తోందని నెట్టింట ఒక వార్త తీవ్రంగా ప్రచారంలోకి వచ్చింది. అయితే ఆ వార్తల్లో నిజమెంతో స్పష్టత రాకముందే, తాజాగా మరో కొత్త పుకారు సినీ, క్రికెట్ వర్గాల్లో తీవ్ర కలకలం రేపుతోంది.

ప్రస్తుతం టీమిండియా యంగ్ అండ్ ప్రామిసింగ్ క్రికెటర్ యశస్వి జైస్వాల్‌తో మృణాళ్ డేటింగ్ చేస్తోందంటూ సోషల్ మీడియాలో జోరుగా ప్రచారం సాగుతోంది. ఇటీవల ముంబైలోని బాంద్రా వెస్ట్‌లో ఉన్న ఒక కేఫ్‌లో వీరిద్దరూ క‌లిసి కనిపించడంతో ఈ పుకార్లకు బలం చేకూరింది. ఒకే చోట వారిని చూసిన కొందరు ఆ వీడియోను రికార్డ్ చేసి నెట్‌లో పోస్ట్ చేయడంతో అది కాస్తా క్షణాల్లో వైరల్‌గా మారింది. దీనితో ఈ సరికొత్త సెలబ్రిటీ జోడీపై ఇంటర్నెట్‌లో చర్చ మొదలైంది.

అయితే వైరల్ అవుతున్న వీడియోను జాగ్రత్తగా గమనిస్తే.. అందులో యశస్వి జైస్వాల్ కేఫ్ నుంచి బయటకు వస్తుండగా.. మృణాళ్ ఠాకూర్ ఇంకా లోపలే ఉన్నట్లు కనిపిస్తుంది. వీడియోలో వారిద్దరి మధ్య ఎలాంటి సంభాషణ లేదా  లేవు. అయినా కానీ.. పలు ఫ్యాన్ పేజీలు ఈ వీడియోను షేర్ చేస్తూ.. వారిద్దరి మధ్య ఏదో నడుస్తోందంటూ రకరకాల క్యాప్షన్లతో ప్రచారం మొదలుపెట్టాయి. ఆ తర్వాత కొన్ని గంటల్లోనే ఈ రూమర్ సోషల్ మీడియా అంతటా వ్యాపించింది.

ప్రస్తుతానికైతే ఈ డేటింగ్ వార్తల్లో ఎలాంటి నిజం లేదు. కేవలం ఒకే కేఫ్‌లో కనిపించినంత మాత్రాన వారిద్దరూ డేటింగ్‌లో ఉన్నారని చెప్పలేమని నెటిజన్లు భావిస్తున్నారు. అంతేకాకుండా ఈ వైరల్ వీడియోపై కానీ.. వేగంగా వ్యాపిస్తున్న గాసిప్పులపై కానీ ఇటు మృణాళ్ ఠాకూర్ కానీ, అటు యశస్వి జైస్వాల్ కానీ ఇప్పటివరకు స్పందించ‌లేదు.

కెరీర్ విషయానికి వస్తే.. 2023లో అంతర్జాతీయ క్రికెట్‌లోకి అడుగుపెట్టిన లెఫ్ట్ హ్యాండ్ ఓపెనర్ యశస్వి జైస్వాల్, రీసెంట్‌గా అఫ్గానిస్థాన్‌పై అజేయ సెంచరీతో రాణించి ఐపిఎల్‌లో రాజస్థాన్ రాయల్స్ తరఫున సత్తా చాటుతున్నాడు. మరోవైపు మృణాళ్ ఠాకూర్ ఇటీవల వరుణ్ ధావన్, పూజా హెగ్డేలతో కలిసి నటించిన రొమాంటిక్ కామెడీ చిత్రం `హై జవానీ తో ఇష్క్ హోనా హై`లో కనిపించింది. వివాహ బంధం, కెరీర్ ఆశయాల మధ్య సాగే కథతో వచ్చిన ఈ సినిమాలో మృణాళ్ నటనకు మంచి మార్కులే పడ్డాయి. ప్రస్తుతం వీరిద్దరూ తమ తమ వృత్తిపరమైన వ్య‌వ‌హారాలలో బిజీగా ఉన్నారు. డేటింగ్ పుకార్ల‌పై స్పందిస్తారేమో చూడాలి.