కేవలం క్రియేటివిటీతో 20,000 కోట్ల ఆస్తులు సంపాదించాడు!
వీడియో విడుదలకు సంబంధించి ఆయన సోషల్ మీడియాలో షేర్ చేసిన సమాచారం, ఫొటోలు అభిమానులలో భారీ అంచనాలను పెంచాయి.
20వేల కోట్ల ఆస్తుల(2.6 బిలియన్ డాలర్లు)తో, నెలవారీగా 50 మిలియన్ డాలర్ల ఆర్జనతో మిస్టర్ బీస్ట్ వరల్డ్ టాప్ ఎర్నింగ్ కంటెంట్ క్రియేటర్ గా చరిత్ర సృష్టించిన సంగతి తెలిసిందే. యూట్యూబ్లో ప్రపంచవ్యాప్తంగా అపారమైన ప్రజాదరణ పొందిన కంటెంట్ క్రియేటర్ మిస్టర్ బీస్ట్ ఇటీవల విడుదల చేసిన `100 సిప్ప్లు/ కాప్స్` (100 Cops) సవాల్తో కూడిన కొత్త వీడియో సోషల్ మీడియాలో విశేషంగా ఆకట్టుకుంటోంది. ఈ వీడియో విడుదలైన కొద్ది గంటల్లోనే కోట్లాది మంది వీక్షకులను ఆకట్టుకుంటూ ఇంటర్నెట్లో విపరీతమైన ట్రెండింగ్గా మారింది. తన వైవిధ్యమైన ఊహకందని ప్రయోగాలతో ప్రేక్షకులను కట్టిపడేసే మిస్టర్ బీస్ట్ ఈసారి అంతకంటే పెద్ద ఎత్తున స్టంట్లు, పేలుళ్లతో ఆడియన్స్కు సరికొత్త అనుభూతిని అందించారు.
వీడియో విడుదలకు సంబంధించి ఆయన సోషల్ మీడియాలో షేర్ చేసిన సమాచారం, ఫొటోలు అభిమానులలో భారీ అంచనాలను పెంచాయి. ఇప్పటివరకు మేము తీసిన చిత్రాల్లో ఇది అత్యంత క్రేజీ ఫొటో అయి ఉండవచ్చు అని ఆయన పేర్కొనడంతో వీక్షకుల ఆసక్తి రెట్టింపైంది. ఈ కాన్సెప్ట్, విజువల్స్ చూసిన నెటిజన్లు ఆశ్చర్యం వ్యక్తం చేస్తూ `నిజమైన యాక్షన్ సినిమాను తలపిస్తోంది` అని ప్రశంసల వర్షం కురిపిస్తున్నారు.
సామాజిక మాధ్యమాల్లో ఈ వీడియోకు వచ్చిన స్పందనలు విపరీతంగా నెటిజన్లను ఆకట్టుకుంటున్నాయి. ముఖ్యంగా ఈ వీడియోలోని భారీ పేలుళ్లు, చేజింగ్ దృశ్యాలను చూసి నెటిజన్లు సరదాగా గేమింగ్ ప్రపంచంతో పోలుస్తున్నారు. జీటీఏ 6 గేమ్ వచ్చేలోపే మిస్టర్ బీస్ట్ రియల్ లైఫ్లో జీటీఏ గేమ్ను రీ-క్రియేట్ చేశారు అంటూ కామెంట్లు చేయడం విశేషం. అతితక్కువ సమయంలోనే వేలాది లైకులు సాధించిన కామెంట్లలో ఈ గేమింగ్ మీమ్స్ ప్రధానంగా నిలిచాయి.
మిస్టర్ బీస్ట్ కంటెంట్ మేకింగ్ శైలి, నిర్మాణ విలువలు సాధారణ యూట్యూబ్ వీడియోల సరిహద్దులను దాటి హాలీవుడ్ స్థాయికి చేరుకున్నాయని అభిమానులు కొనియాడుతున్నారు. వీడియో కోసం ఆయన చేసే ఖర్చు, సరికొత్త ఆలోచనలను అమలుపరిచే విధానంపై విభిన్నమైన అభిప్రాయాలు వ్యక్తమవుతున్నా ఆయన సృజనాత్మకతను ప్రతి ఒక్కరూ అంగీకరిస్తున్నారు. ప్రతీసారీ సరికొత్త కాన్సెప్ట్తో ప్రేక్షకుల ముందుకు రావడం ఆయనకే చెల్లిందని కామెంట్స్ సెక్షన్లో ప్రశంసిస్తున్నారు.
మొత్తానికి ఈ నయా వీడియో ద్వారా మిస్టర్ బీస్ట్ మరోసారి డిజిటల్ క్రియేటర్ల విభాగంలో తన ఆధిపత్యాన్ని నిరూపించుకున్నారు. వినోదంతో పాటు అద్భుతమైన విజువల్ గ్రాండియారిటీని అందించిన ఈ `100 కాప్స్` వీడియో ప్రస్తుతం యూట్యూబ్తో పాటు మిగిలిన సోషల్ మీడియా వేదికల్లోనూ అత్యధిక సంఖ్యలో షేర్లు - లైకులతో రికార్డు స్థాయి ట్రెండింగ్లో కొనసాగుతోంది.