విజయ్ వర్మ మట్కా కింగ్ టాక్.. అంచనాలు అందుకుందా?
క్రైమ్ డ్రామాలు అనగానే సాధారణంగా అందరిలోనూ ఒక రకమైన ఆసక్తి ఉంటుంది. అందులోనూ ముంబై అండర్ వరల్డ్, 70ల నాటి సెటప్ అంటే ఆ కిక్కే వేరు. 'మట్కా కింగ్' అనే టైటిల్ వినగానే విజయ్ వర్మ లాంటి నటుడు ఈ పాత్రలో ఏ రేంజ్ లో రెచ్చిపోయి ఉంటాడా అని ఓటిటీ ఆడియన్స్ ఎంతో క్యూరియాసిటీతో ఎదురుచూశారు. అమెజాన్ ప్రైమ్లో లేటెస్ట్ గా విడుదలైన ఈ వెబ్ సిరీస్ సోషల్ మీడియాలో ఎలాంటి చర్చకు దారితీసింది? పబ్లిక్ పల్స్ ఏంటి అనేది ఇప్పుడు హాట్ టాపిక్గా మారింది.
ఒక సాధారణ మిల్లు కార్మికుడు ముంబై మట్కా సామ్రాజ్యాన్ని శాసించే స్థాయికి ఎలా ఎదిగాడు అనేదే ఈ సిరీస్ మెయిన్ పాయింట్. అప్పుల్లో కూరుకుపోయిన బ్రిజ్ భట్టి (విజయ్ వర్మ), తన తెలివితేటలతో జూదం ప్రపంచంలో కింగ్ గా మారే ప్రాసెస్ ను దర్శకుడు నాగ్రాజ్ మంజులే చూపించారు. అయితే, సిరీస్ చూసిన ఆడియన్స్ నుంచి మాత్రం మిక్స్డ్ రెస్పాన్స్ వస్తోంది. మేకింగ్ పరంగా రిచ్ గా ఉన్నా, కథనం మాత్రం చాలా నెమ్మదిగా సాగిందనే కామెంట్స్ వినిపిస్తున్నాయి.
నటీనటుల పెర్ఫార్మెన్స్ గురించి చెప్పాలంటే, విజయ్ వర్మ తన నటనతో మరోసారి ఆకట్టుకున్నారు. ఒక మధ్యతరగతి వ్యక్తి డాన్ గా మారే క్రమంలో వచ్చే మార్పులను అతను పర్ఫెక్ట్ గా పండించారు. సాయి తమ్హంకర్, గుల్షన్ గ్రోవర్ తమ పాత్రలకు న్యాయం చేశారు. ముఖ్యంగా 60, 70ల నాటి ముంబై వాతావరణాన్ని స్క్రీన్ మీద చూపించిన విధానం బాగుందని జనం మెచ్చుకుంటున్నారు. సెట్ డిజైన్, విజువల్స్ పక్కాగా కుదిరాయి కానీ, కథలో ఉండాల్సిన వేగం ఎక్కడో మిస్ అయ్యిందని సోషల్ మీడియాలో కామెంట్స్ కనిపిస్తున్నాయి.
సిరీస్ లో ప్రధాన లోపం ఏంటంటే, కథ మనం ముందుగానే ఊహించేలా ఉంటుంది. ఒక వ్యక్తి ఎదగడం, ఆ తర్వాత తన వాళ్లే వెన్నుపోటు పొడవటం వంటి సీన్లు గతంలో చాలా సినిమాల్లో చూసినట్టుగానే అనిపిస్తాయి. స్క్రీన్ ప్లే లో కొత్తదనం లేకపోవడంతో 8 ఎపిసోడ్ల నిడివి ప్రేక్షకుడి ఓపికకు పరీక్ష పెడుతోంది. దర్శకుడు క్యారెక్టర్లను డీప్ గా చూపించాలనే తాపత్రయంలో అసలు కథను పక్కన పెట్టి సోది ఎక్కువ చేశారని కొందరు ఆడియన్స్ పెదవి విరుస్తున్నారు. థ్రిల్లింగ్ ఎలిమెంట్స్ తక్కువగా ఉండటం వల్ల క్రైమ్ డ్రామాలను ఇష్టపడే వారికి ఇది కొంత అసహనం కలిగించే అవకాశం ఉంది.
'మట్కా కింగ్' టెక్నికల్ గా బాగున్నా, కథనం పరంగా ఆశించిన స్థాయిలో మెప్పించలేకపోయిందనే కామెంట్స్ వస్తున్నాయి. ఓటిటీలో ఇలాంటి కథలు ఇప్పుడు చాలానే వస్తున్నాయి, వాటితో పోలిస్తే ఇందులో ఏదో వెలితి కనిపిస్తోంది. పీరియడ్ డ్రామాలను, విజయ్ వర్మ నటనను ఇష్టపడే వారు ఒకసారి చూడొచ్చు కానీ, పక్కా మాస్ క్రైమ్ థ్రిల్లర్ ఆశించి వెళ్తే మాత్రం నిరాశ తప్పదు. విజయ్ వర్మ లాంటి స్టార్ ఉన్నప్పుడు ఇంకా బెటర్ గా ప్లాన్ చేసి ఉండాల్సిందనే అభిప్రాయం వ్యక్తమవుతోంది. మరి ఈ మట్కా కింగ్ మున్ముందు ఎలాంటి వ్యూస్ సాధిస్తాడో చూడాలి.