గ్లామర్ లుక్ లో 'మన్మథుడు' హీరోయిన్ అన్షు రచ్చ.. పిక్స్ వైరల్!

అక్కినేని నాగార్జున బ్లాక్‌బస్టర్ సినిమా 'మన్మథుడు'లో మహేశ్వరి పాత్రతో తెలుగు ప్రేక్షకుల మనసు దోచుకున్న అందాల భామ అన్షు. ఎన్నో సంవత్సరాలుగా వెండితెరకు దూరంగా ఉన్న ఈ హీరోయిన్, తాజాగా సోషల్ మీడియాలో షేర్ చేసిన హాట్ ఫోటోలతో అందరినీ ఆశ్చర్యపరిచింది.. యూఏఈలోని అబుదాబి లగ్జరీ రిసార్ట్‌లో వెకేషన్ ఎంజాయ్ చేస్తూ ఎల్లో ఫ్లోరల్ బికినీలో ఆమె చేసిన గ్లామరస్ ఫోటోషూట్ ప్రస్తుతం నెట్టింట హల్‌చల్ చేస్తోంది.

అబుదాబి రిసార్ట్‌లో హాట్ పిక్స్:

యూఏఈ అబుదాబిలోని ప్రసిద్ధ ఎమిరేట్స్ ప్యాలెస్ మ్యాండరిన్ ఓరియంటల్ లగ్జరీ రిసార్ట్‌లో అన్షు సరదాగా వెకేషన్ గడిపారు. అక్కడ ఎల్లో ఫ్లోరల్ టూ-పీస్ హాల్టర్ నెక్ బికినీ, బ్లాక్ సన్‌గ్లాసెస్ ధరించి దిగిన ఫోటోలను తన ఇన్‌స్టాగ్రామ్‌లో పంచుకున్నారు. ఇక ఈ ఫోటోలు చూసిన నెటిజన్లు 'మన్మథుడు' హీరోయిన్ గ్లామర్ ఏమాత్రం తగ్గలేదంటూ కామెంట్లు వర్షం కురిపిస్తున్నారు.

ఈ కొత్త చాప్టర్ ఎంతో ప్రశాంతంగా ఉంది!:

ఈ హాట్ పిక్స్‌ను షేర్ చేస్తూ అన్షు ఒక ఎమోషనల్ క్యాప్షన్ కూడా రాసుకొచ్చారు. "ఈ కొత్త దశ నాకు చాలా భిన్నంగా, ప్రశాంతంగా అనిపిస్తోంది.. నాలో నేనే ప్రశాంతతను, ఆనందాన్ని పొందుతున్నాను" అని పేర్కొంటూ రిసార్ట్ యాజమాన్యానికి ధన్యవాదాలు తెలిపారు. ఇక తన లైఫ్‌లోని ఈ కొత్త ఫేజ్ ఎంతో హ్యాపీగా సాగుతోందని ఈ పోస్ట్ ద్వారా వెల్లడించారు.

'మన్మథుడు' గుర్తింపు.. ఆ తర్వాత సినిమాలకు దూరం:

ఇంగ్లాండ్‌లో పుట్టి పెరిగిన అన్షు, తన 16 ఏళ్ల వయసులో ఇండియాకు వచ్చినప్పుడు నాగార్జున సరసన 'మన్మథుడు' చిత్రంలో నటించే అవకాశం దక్కించుకున్నారు. తొలి సినిమాతోనే విపరీతమైన క్రేజ్ తెచ్చుకున్న ఈ భామ, ఆ తర్వాత ప్రభాస్‌తో 'రాఘవేంద్ర', అలాగే 'మిస్సమ్మ' చిత్రాల్లో చిన్న పాత్రలు చేశారు. అయితే కెరీర్ పీక్స్‌లో ఉన్న సమయంలోనే ఆఫర్లు వస్తున్నా సెలక్టివ్‌గా ఉంటూ సినిమాలకు దూరమై లండన్ వెళ్లిపోయారు.

రీ-ఎంట్రీకి సిద్ధమైన 'మహేశ్వరి':

సినిమాలకు ఎందుకు దూరమయ్యాననే విషయంపై గతంలో స్పందించిన అన్షు.. చిన్న వయసులోనే ఇండస్ట్రీకి రావడం వల్ల తన తండ్రి ఓవర్ ప్రొటెక్టీవ్‌గా ఉండేవారని, అందుకే బ్రేక్ తీసుకుని లండన్ వెళ్లానని చెప్పారు. ఇక ఇటీవల 'మన్మథుడు' రీ-రిలీజ్ సమయంలో మళ్లీ ఇండియాకు వచ్చి ఆడియన్స్‌ ముందుకు వచ్చారు. సెకండ్ ఇన్నింగ్స్ స్టార్ట్ చేసిన ఈ భామ గత ఏడాది మజాకా మూవీ తో రీ-ఎంట్రీ ఇచ్చింది.

సోషల్ మీడియాలో ట్రెండింగ్:

ఎన్నాళ్లయినా తెలుగు ప్రేక్షకులకు 'మన్మథుడు' మహేశ్వరిగానే గుర్తుండిపోయిన అన్షు, ఇప్పుడు గ్లామరస్ లుక్‌లో దర్శనమివ్వడంతో ఫ్యాన్స్ ఖుషీ అవుతున్నారు. ఒకవైపు సోషల్ మీడియాలో గ్లామర్ పిక్స్‌తో నెటిజన్లను అలరిస్తూనే, మరోవైపు సెకండ్ ఇన్నింగ్స్ లో వెండితెరపై ఎలాంటి పాత్రలతో అలరిస్తుందో వేచి చూడాలి.