SSMB29.. ఆరు నెలలు వాటికి కేటయించారా..?
| RRR తర్వాత మహేష్ తో చేయబోయే సినిమా కోసం రాజమౌళి భారీ ప్లానింగ్ లోనే ఉన్నారు
RRR తర్వాత మహేష్ తో చేయబోయే సినిమా కోసం రాజమౌళి భారీ ప్లానింగ్ లోనే ఉన్నారు. ఎస్.ఎస్.ఎం.బి 29వ సినిమాగా వస్తున్న ఈ సినిమా ప్రీ ప్రొడక్షన్ వర్క్ జరుపుకుంటుంది. ఆగష్టు నుంచి సినిమా వర్క్ మొదలు పెడతారని తెలుస్తుంది. అయితే ఆగష్టు నుంచి ఆరు నెలల పాటు యూనిట్ అంతా వర్క్ షాప్ నిర్వహిస్తారని తెలుస్తుంది. రాజమౌళి ప్రతి సినిమాకు ఈ వర్క్ షాప్ ప్రత్యేకంగా ఉంటుంది. రిహార్సల్స్ పర్ఫెక్ట్ అయ్యాకనే సినిమా షూటింగ్ కు వెళ్తాడు రాజమౌళి.
ఈ వర్క్ షాప్స్ వల్ల సినిమా అనుకున్నది అనుకున్న విధంగా తీయగలుగుతాడు. రాజమౌళి చేసే ప్రతి భారీ సినిమా విషయంలో ఈ వర్క్ షాప్స్ బాగా ఉపయోగపడ్డాయి. అందుకే మహేష్ సినిమాకు కూడా ముందు ఆరు నెలలు వర్క్ షాప్ చేసిన తర్వాత సినిమా రెగ్యులర్ షూట్ మొదలు పెట్టాలని చూస్తున్నాడు. ఫారెస్ట్ అడ్వెంచర్ బ్యాక్ డ్రాప్ తో వస్తున్న రాజమౌళి మహేష్ కాంబో మూవీ హాలీవుడ్ రేంజ్ కి ఏమాత్రం తగ్గకుండా ఉండాలని ప్లాన్ చేస్తున్నారు.
అందుకే ఈ సినిమా కోసం హాలీవుడ్ టెక్నిషియన్స్ ని తీసుకుంటున్నారు. రాజమౌళి సినిమా అంటే వరల్డ్ సినీ లవర్స్ కి ఒక ప్రత్యేకమైన ఆసక్తి ఉంటుంది. బాహుబలి రెండు భాగాలతో పాటుగా ఆర్.ఆర్.ఆర్ సినిమా కూడా ఇంటర్నేషనల్ లెవెల్ లో ఆడియన్స్ ని మెప్పించింది. అందుకే ఇప్పుడు మహేష్ తో చేసే సినిమా కూడా అంతకు మించి అనిపించేలా ప్లాన్ చేస్తున్నారు. ఈ సినిమా బడ్జెట్, మేకింగ్ ఏ విషయంలో కూడా రాజమౌళి కాంప్రమైజ్ అవ్వకూడదని ముందే ఫిక్స్ అయ్యారని తెలుస్తుంది.
సినిమాను ముందే రెండు భాగాలుగా రిలీజ్ చేసేలా షూటింగ్ ప్లాన్ చేస్తున్నారట. ఇన్నాళ్లు ప్రాంతీయ సినిమాతో సూపర్ స్టార్ నేషనల్ వైడ్ గా ఫ్యాన్ ఫాలోయింగ్ ఏర్పరచుకోగా ఇప్పుడు రాజమౌళి సినిమాతో పాన్ వరల్డ్ ఆడియన్స్ ని టార్గెట్ చేశాడు మహేష్. SSMB 29 సినిమా అన్ని అంశాల్లో తెలుగు సినిమా స్టాండర్డ్స్ ని వేరే లెవెల్ లో తీసుకెళ్లేలా ఉండేలా రాజమౌళి అండ్ టీం చూస్తున్నారట. సో సినిమా సెట్స్ మీదకు వెళ్లిన తర్వాత మరిన్ని ఇంట్రెస్టింగ్ అప్డేట్స్ బయటకు వస్తాయి. ఈ సినిమా కోసం సూపర్ స్టార్ ఫ్యాన్స్ ఎంతో ఆసక్తిగా ఎదురుచూస్తున్నారు.