గుంటూరు కారం.. త్వరలోనే ఓ సూపర్​ సర్​ప్రైజ్​

సూపర్ స్టార్ మహేశ్ బాబు హీరోగా మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కుతున్న సినిమా గుంటూరు కారం. భారీ బడ్జెట్​తో కంప్లీట్ మాస్ యాక్షన్ ఎంటర్టైనర్​గా ఈ చిత్రాన్ని రూపొందించే ప్రయత్నాలు చేస్తున్నారు మేకర్స్​. అలానే ఈ చిత్రం మ్యూజికల్​గా చార్ట్ బస్టర్​ హిట్​ అయ్యేలా కూడా ప్రత్యేక శ్రద్ధ తీసుకుంటున్నట్లు తెలిసింది. పర్ఫెక్ట్ కమర్షియల్ ఆల్బమ్​లా సిద్ధం చేస్తున్నారట.

అయితే తాజాగా ఈ సినిమాకు సంబంధించి ఓ క్రేజీ న్యూస్ బయటకు వచ్చింది. చాలా రోజుల నుంచి ఈ సినిమాలోని ఫస్ట్ సింగిల్​ను రిలీజ్ చేస్తారనే ప్రచారం సాగుతుంది తప్ప.. ఏ పాట బయటకు రావట్లేదు. కానీ ఇప్పుడు ఈ విషయంపై ఓ క్లారిటీ వచ్చింది. త్వరలోనే ఈ చిత్రంలో ఉన్న డ్యుయెట్ సాంగ్​ను విడుదల చేసేందుకు మేకర్స్​ రెడీ అయ్యారట. త్వరలోనే విడుదల చేయనున్నట్లు తెలిసింది.

ప్రస్తుతం మ్యూజిక్ డైరెక్టర్ తమన్ ఇదే పనిలో బిజీగా ఉన్నారని టాక్ వినిపిస్తోంది. శ్రోతలను ఉర్రూతలూగించేలా సాంగ్​కు అద్భుతంగా బాణీలు కడుతున్నారుట. గతంలో అలవైకుంఠపురములో తమన్ బాణీలు అందించిన బుట్టబొమ్మ సాంగ్​ ఏ రేంజ్​లో సెన్సేషన్ క్రియేట్ చేసిందో తెలిసిన విషయమే. ఇప్పుడు గుంటూరు కారం కోసం కూడా ఆ రేంజ్​లో ఈ డ్యూయెట్​ సాంగ్​ను ట్యూన్ చేస్తున్నారట. ఈ పాట కచ్చితంగా చార్ట్ బస్టర్​ అవుతుందని ఇన్​సైడ్ నుంచి టాక్ వినిపిస్తోంది. ​

ఇకపోతే ఈ చిత్రంలో మొత్తంగా 4 నుంచి 5 పాటలు , రెండు థీమ్స్ సాంగ్స్​ ఉండేలా ప్రణాళిక సిద్ధం చేస్తున్నారని ఆ మధ్య సమాచారం అందింది. ఇందులోనే ఓ డ్యుయెట్​ సాంగ్ ఉంటుందని అన్నారు. కచ్చితంగా చిత్రంలో రెండు మెయిన్ సాంగ్స్, ఓ థీమ్ సాంగ్ అయితే ఉంటాయట. ఓ పాట.. మహేశ్ బాబు క్యారెక్టరైజేషన్​ను ఎలివేట్ చేస్తూ లిరిక్స్ రాసి అద్భుతమైన విజువల్స్​తో తెరకెక్కిస్తున్నారని కూడా అన్నారు. ఇక స్పెషల్ సాంగ్​ను.. విలేజ్ బ్యాక్ గ్రౌండ్​లో వచ్చేలా ప్లాన్ చేస్తున్నారని కూడా టాక్ వినిపించింది. ఈ సాంగ్స్​ విషయంలో అంతా అనుకున్నట్లు జరిగితే మహేశ్ బాబుకు దూకుడు తర్వాత మరో పక్కా కమర్షియల్ హిట్ ఆల్బమ్ అవుతుందనే చెప్పాలి.

ఈ చిత్రానికి మాటల మాంత్రికుడు త్రివిక్రమ్ దర్శకత్వం వహిస్తున్నారు. శ్రీలీల- మీనాక్షి చౌదరి హీరోయిన్లుగా నటిస్తున్నారు. తమన్ స్వరాలు సమకూరుస్తున్నారు. హారిక అండ్ హాసిని క్రియేషన్స్ బ్యానర్ పై చిత్రాన్ని నిర్మిస్తున్నారు. మనోజ్ పరమహంస ఈ మధ్యే సినిమాటోగ్రాఫర్ గా బాధ్యతలు తీసుకున్నారు. ఇక ఈ చిత్రంలో మహేశ్ మున్నపెన్నడూ కనిపించని సరికొత్త మాస్ లుక్​లో కనిపిస్తారని చిత్రబృందం చెబుతోంది.