హద్దులు దాటిన ప్రశ్న.. లోకేశ్ - శృతిపై షాకింగ్ కామెంట్స్!

సినీ ఇండస్ట్రీలో సెలబ్రిటీల వ్యక్తిగత విషయాల మీద గాసిప్స్ రావడం కొత్తేమీ కాదు. కానీ కొన్నిసార్లు మీడియా అడిగే ప్రశ్నలు అందరినీ విస్మయానికి గురి చేస్తుంటాయి. లేటెస్ట్ గా కోలీవుడ్ స్టార్ డైరెక్టర్ లోకేశ్ కనగరాజ్ విషయంలో కూడా ఇలాంటి ఒక సంఘటనే జరిగింది. లోకేశ్ సినిమా అప్‌డేట్స్ కోసం వెయిట్ చేస్తున్న అభిమానులకు, ఈ అనవసరమైన వివాదం ఇప్పుడు హాట్ టాపిక్‌గా మారింది. సోషల్ మీడియాలో ఈ విషయంపై నెటిజన్లు రకరకాలుగా స్పందిస్తున్నారు.

లోకేశ్ కనగరాజ్ కేవలం మెగా ఫోన్ పట్టి సినిమాలు తీయడమే కాకుండా, ఈ మధ్య మ్యూజిక్ వీడియోలలో కూడా కనిపిస్తున్నారు. శృతి హాసన్‌తో కలిసి ఒక ప్రైవేట్ సాంగ్‌లో ఆయన నటించారు. ఆ సాంగ్ ప్రమోషన్లలో భాగంగా జరిగిన ఒక ఇంటర్వ్యూ ఇప్పుడు చర్చనీయాంశంగా మారింది. సాధారణంగా సినిమాల గురించి అడగాల్సిన జర్నలిస్టులు, వ్యక్తిగత జీవితంపై అభ్యంతరకరమైన ప్రశ్నలు వేయడం ఇప్పుడు విమర్శలకు దారితీస్తోంది.

అసలు పాయింట్ ఏంటంటే.. లోకేశ్ కనగరాజ్, శృతి హాసన్ డేటింగ్‌లో ఉన్నారా అంటూ ఒక జర్నలిస్ట్ నేరుగా ప్రశ్నించారు. అంతటితో ఆగకుండా వారిద్దరూ కలిసి ఒక కొత్త ఫ్యామిలీని స్టార్ట్ చేయబోతున్నారా అని అడగడం అందరినీ షాక్ కి గురి చేసింది. దీనికి లోకేశ్ చాలా హుందాగా సమాధానం ఇస్తూ.. తనకు ఇప్పటికే పెళ్లైందని, ఒక కొడుకు కూడా ఉన్నాడని క్లారిటీ ఇచ్చారు. అయితే ఆ జర్నలిస్ట్ మళ్ళీ హద్దులు దాటి "మరి రెండో ఫ్యామిలీని స్టార్ట్ చేస్తారా?" అని అడగడం చర్చనీయాంశంగా మారింది.

తమిళ మీడియాలో జరిగిన ఈ సంభాషణ ఇప్పుడు వైరల్ అవుతోంది. సెలబ్రిటీలు అంటే కేవలం వార్తల కోసం వాడే వస్తువులు కాదని, వారికి కూడా ప్రైవసీ ఉంటుందని నెటిజన్లు మండిపడుతున్నారు. లోకేశ్ లాంటి సెన్సిబుల్ డైరెక్టర్ ను ఇలాంటి ప్రశ్నలు అడగడం ఏమాత్రం సమంజసం కాదని ఫ్యాన్స్ అభిప్రాయపడుతున్నారు. వృత్తిపరంగా కలిసి నటించినంత మాత్రాన వారి మధ్య ఏదో ఉందనే ముద్ర వేయడం సరైన పద్ధతి కాదు.

ప్రస్తుతం లోకేశ్ కనగరాజ్ తన నెక్స్ట్ ప్రాజెక్టు పనుల్లో బిజీగా ఉన్నారు. ఇటీవల అల్లు అర్జున్ తో ఒక సినిమా ఫిక్స్ అయిన విషయం తెలిసిందే. అలాగే తన సినిమాటిక్ యూనివర్స్ LCU లో భాగంగా మరిన్ని క్రేజీ ప్రాజెక్టులను లైన్ లో పెట్టారు. ఇలాంటి బిజీ షెడ్యూల్ లో ఉన్న ఒక టాలెంటెడ్ డైరెక్టర్ ను పట్టుకుని, ఇలాంటి అసభ్యకరమైన ప్రశ్నలు అడగడం వల్ల జర్నలిజం విలువలు పడిపోతున్నాయని విశ్లేషకులు భావిస్తున్నారు. ఈ ఇంటర్వ్యూ క్లిప్స్ చూసిన వారంతా ఆ జర్నలిస్ట్ తీరును తప్పుబడుతున్నారు.

ఏదేమైనా లోకేశ్ కనగరాజ్ ఈ వివాదానికి చాలా కూల్ గా ఫుల్ స్టాప్ పెట్టారు. అనవసరమైన గాసిప్స్ కు చోటు ఇవ్వకుండా తన పని తాను చేసుకుపోతున్నారు. శృతి హాసన్ కూడా ఈ విషయంలో తనదైన శైలిలో క్లారిటీ ఇచ్చారు. సెలబ్రిటీల పర్సనల్ లైఫ్ లోకి తొంగి చూడటం మానేసి, వారి వర్క్ గురించి మాట్లాడితే బాగుంటుందనే అభిప్రాయం వ్యక్తమవుతోంది. బాధ్యతాయుతమైన మీడియా ఇలాంటి ప్రశ్నల విషయంలో జాగ్రత్తగా ఉండాల్సిన అవసరం ఎంతైనా ఉంది.