వెంకీ 'ఆదర్శ కుటుంబం'.. అంత తొందరగానా..?

టాలీవుడ్‌లో విక్టరీ వెంకటేష్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌కు ఒక ప్రత్యేకమైన క్రేజ్ ఉంది. వీరిద్దరి కలయికలో వస్తున్న 'ఆదర్శ కుటుంబం హౌస్ నెం. 47' (AK 47) సినిమా కోసం ఆడియన్స్ చాలా కాలంగా ఈగర్‌గా వెయిట్ చేస్తున్నారు. గతంలో త్రివిక్రమ్ కేవలం రైటర్‌గా ఉన్నప్పుడే వెంకీకి అదిరిపోయే హిట్స్ ఇచ్చారు. ఇప్పుడు డైరెక్టర్‌గా కూడా మొదటిసారి ఈ ఇద్దరు కలవడంతో అంచనాలు గట్టిగానే పెరుగుతున్నాయి. సినిమా అనౌన్స్ చేసినప్పటి నుండి ఎప్పుడెప్పుడు వస్తుందా అని అంతా ఆసక్తిగా ఎదురుచూస్తున్నారు.

ప్రస్తుతం ఈ సినిమా షూటింగ్ హైదరాబాద్ పరిసర ప్రాంతాల్లో గ్యాప్ లేకుండా జెట్ స్పీడ్‌లో జరుగుతోంది. వెంకటేష్ తన గత ప్రాజెక్ట్ పనులు పూర్తి చేసుకుని ఈ మూవీ సెట్స్‌లో జాయిన్ అయ్యారు. త్రివిక్రమ్ కూడా ఎక్కడా కాంప్రమైజ్ అవ్వకుండా రోజుకు ఎక్కువ సీన్స్ షూట్ చేస్తూ చిత్రీకరణను ముందుకు తీసుకెళ్తున్నారు. ఫ్యామిలీ ఎంటర్‌టైన్‌మెంట్ విత్ క్రైమ్ టచ్ ఉన్న ఈ కథలో వెంకీ తన మార్క్ పెర్ఫార్మెన్స్‌తో మరోసారి మెప్పించబోతున్నారు. శ్రీనిధి శెట్టి హీరోయిన్‌గా నటిస్తున్న ఈ ప్రాజెక్ట్ చుట్టూ ఇప్పుడు అదిరిపోయే బజ్ ఉంది.

ఈ సినిమా రిలీజ్ విషయంలో వస్తున్న సరికొత్త అప్‌డేట్ ఇప్పుడు ఫ్యాన్స్‌లో ఫుల్ జోష్ నింపుతోంది. దసరా లేదా దీపావళి అని కాకుండా, మే 2026లో ఈ చిత్రాన్ని గ్రాండ్‌గా రిలీజ్ చేయడానికి మేకర్స్ ప్లాన్ చేస్తున్నారట. అంటే 2026 సమ్మర్ కానుకగా బాక్సాఫీస్ వద్ద విక్టరీ జాతర ఖాయంగా కనిపిస్తోంది. సమ్మర్ హాలిడేస్‌ను పక్కాగా క్యాష్ చేసుకునేలా మే నెలలో రిలీజ్ డేట్ లాక్ చేసినట్లు ట్రేడ్ వర్గాల సమాచారం. త్రివిక్రమ్ కూడా మే నాటికి పనులన్నీ పూర్తి చేసి సినిమాను సిద్ధం చేయాలని టార్గెట్‌గా పెట్టుకున్నారు.

సినిమాలో మరో ఇంట్రెస్టింగ్ ఎలిమెంట్ ఏంటంటే.. యంగ్ హీరో నారా రోహిత్ ఇందులో ఒక పవర్ ఫుల్ పాత్రలో కనిపించబోతున్నారు. ఆయన యాంటీ కాప్ రోల్ చేస్తున్నారని, ఆ క్యారెక్టర్ కథలో ఒక మేజర్ మలుపుగా ఉంటుందని టాక్ వినిపిస్తోంది. వెంకటేష్ వంటి సీనియర్ హీరోతో నారా రోహిత్ కాంబో సీన్స్ సినిమాకు మెయిన్ హైలైట్ కానున్నాయి. ఇద్దరు టాలెంటెడ్ హీరోలను ఒకే ఫ్రేమ్‌లో చూడటం ఆడియన్స్‌కు ఒక కొత్త అనుభూతిని ఇస్తుంది. దీనివల్ల సినిమా రేంజ్ మరింత పెరిగే అవకాశం ఉంది.

హారిక అండ్ హాసిని క్రియేషన్స్ నిర్మిస్తున్న ఈ విజువల్ వండర్‌కు హర్షవర్ధన్ రామేశ్వర్ మ్యూజిక్ అందిస్తున్నారు. త్రివిక్రమ్ మార్క్ డైలాగ్స్, వెంకీ ఎనర్జీ తోడైతే బాక్సాఫీస్ దగ్గర పూనకాలు ఖాయం. ఇప్పటికే రిలీజైన ఫస్ట్ లుక్ లో వెంకటేష్ లుక్ ఫ్యామిలీ ఆడియన్స్‌కు బాగా కనెక్ట్ అయ్యింది. పక్కా కమర్షియల్ హంగులతో వస్తున్న ఈ 'ఆదర్శ కుటుంబం' బాక్సాఫీస్ దగ్గర ఎలాంటి రికార్డులను సృష్టిస్తుందో చూడాలి.