ఏంటీ.. భాగ్య శ్రీ ఫస్ట్ ఫిలిం 'కాంతా' నా.. క్లారిటీ ఇచ్చిన రానా!

ప్రస్తుతం తెలుగు ఫిలిం ఇండస్ట్రీలో మంచి గుర్తింపు సాధించుకున్న హీరోయిన్స్ లో భాగ్యశ్రీ ఒకరు. హరీష్ శంకర్ దర్శకత్వంలో రవితేజ నటించిన మిస్టర్ బచ్చన్ సినిమాలో మొదటిసారి కనిపించింది. ఎన్నో అంచనాల మధ్య వచ్చిన ఆ సినిమా బాక్స్ ఆఫీస్ వద్ద ఊహించిన సక్సెస్ సాధించలేదు. వాస్తవానికి హరీష్ శంకర్, రవితేజ కాంబినేషన్ అంటేనే కొన్ని రకాల ఎక్స్పెక్టేషన్స్ ఉంటాయి. అయితే ఆ అంచనాలను మినిమం అందుకోలేకపోయింది.

సినిమా విడుదల కాకముందే భాగ్యశ్రీ గురించి విపరీతమైన పాజిటివ్ పోస్టులు కనిపించాయి. తన పర్ఫామెన్స్, అందం చూసి తెలుగు ప్రేక్షకులు ఫిదా అయిపోయారు. ఆ తర్వాత విజయ్ దేవరకొండ హీరోగా నటించిన కింగ్డమ్ అనే సినిమాలో నటించింది. గౌతమ్ దర్శకత్వం వహించిన ఈ సినిమా గురించి నిర్మాత నాగవంశీ పలు సందర్భాలలో విపరీతమైన ఎలివేషన్స్ ఇచ్చాడు. అయితే ఆ సినిమా కూడా బాక్స్ ఆఫీస్ వద్ద మిక్స్డ్ రివ్యూ సాధించుకుంది. తర్వాత డిజాస్టర్ గా నిలిచింది.

భాగ్య శ్రీ ఫస్ట్ ఫిలిం కాంతా

ప్రస్తుతం భాగ్యశ్రీ కాంత అనే సినిమాలో నటిస్తున్న సంగతి తెలిసిందే. ఈ సినిమాకి సంబంధించిన వీడియో కంటెంట్ కూడా విపరీతంగా ఆకట్టుకుంది. ఒక దర్శకుడు మరియు నటుడు మధ్య సాగే ఇగో గురించి ఈ సినిమా కథ నడుస్తుంది.

ఈ సినిమాకి సంబంధించి దాదాపు ఒక 60, 70 మందిని హీరోయిన్ గా అనుకున్నారట. రానా ఫోన్లో అంతమంది ఫోటోలు కూడా ఆ రోజుల్లో ఉండేవి. ఒకరోజు చెన్నైలో భాగ్యశ్రీ ఈ సినిమా కోసం ఆడిషన్ కి వచ్చారు. అయితే ఆడిషన్ కి వచ్చినప్పుడు స్టైల్ గా క్యాప్ కూడా పెట్టుకొని వచ్చారట. పైగా ఈమెకు ఇది తొలి సినిమా.. అందుకే అలా స్టైలిష్ లో వచ్చిందట.

కానీ ఒక్కసారి చీరలో ఈ సినిమాకి సంబంధించి ఆడిషన్ ఇచ్చిన తర్వాత సినిమాకి పర్ఫెక్ట్ గా సెట్ అయిపోతుంది అని అప్పుడే ఫిక్స్ అయ్యారట నిర్మాత రానా. ఈ సినిమా నవంబర్ 14న ప్రేక్షకులు ముందుకు వస్తుంది. ఈ తరుణంలో జరిగిన ప్రమోషనల్ ఇంటర్వ్యూలో ఈ ఆసక్తికర విషయాలన్నీ బయటకు రివిల్ చేశారు రానా.

ఈ సినిమా చేస్తూనే ఆ సినిమాలు

అయితే ఇక్కడ ఇంకో ఆసక్తికరమైన విషయం ఏంటి అంటే.. కాంతా సినిమా మొదలు పెట్టడానికి దాదాపు చాలా సమయం పట్టిందట. ముఖ్యంగా ఈ సినిమా కోసం తన ఫ్యామిలీతో పాటు పెట్ డాగ్ ని కూడా తీసుకొచ్చి.. చెన్నైలో అద్దె ఇంట్లో దిగిందట భాగ్యశ్రీ. సినిమా షూటింగ్ గురించి ఎప్పుడు అడిగినా ఇదిగో అని చెప్పేవారట రానా.. దాంతో ఎంతకి ఈ సినిమా షూటింగ్ ప్రారంభం కాకపోవడంతో తిరిగి ముంబై వెళ్ళిపోయిందట భాగ్యశ్రీ. ఆ తర్వాత వేరే సినిమాలలో అవకాశాలు వచ్చినట్లు తెలిపింది. అలా కాంతా సినిమా మొదలుపెట్టిన టైం కి భాగ్యశ్రీ.. ఈ సినిమాతో పాటు మిగతా సినిమాలు కూడా చేశారట. ఈ సినిమా రిలీజ్ లేట్ అవ్వడం వలన ఆ సినిమాలు ముందు రిలీజ్ అయిపోయాయి.

అయితే ఇప్పటివరకు భాగ్యశ్రీ కి హీరోయిన్ గా చెప్పుకునే హిట్ సినిమా పడలేదు. ఇక కాంత సినిమా ఏ స్థాయిలో సక్సెస్ సాధిస్తుందో వేచి చూడాలి. మరోవైపు రాం పోతినేని హీరోగా ఆంధ్ర కింగ్ తాలూకా అనే సినిమా చేస్తున్న సంగతి తెలిసిందే. ఈ సినిమాలో భాగ్యశ్రీ హీరోయిన్ గా నటిస్తోంది . ఈ సినిమా మీద విపరీతమైన అంచనాలు ఉన్నాయి. అలానే సినిమాకి సంబంధించిన కంటెంట్ కూడా విపరీతంగా ఆకట్టుకుంటుంది. ఈ రెండు సినిమాలు భాగ్యశ్రీకి ఏ సినిమా పేరు తీసుకొస్తుందో చూడాలి.