వార్ 2 మొదటి రోజు కలెక్షన్స్.. అనుకున్న దాని కంటే తక్కువే..

హృతిక్ రోషన్ - జూనియర్ ఎన్టీఆర్ కాంబినేషన్‌లో రూపొందిన భారీ యాక్షన్ ఎంటర్టైనర్ వార్ 2 ఆగస్టు 14న ప్రపంచవ్యాప్తంగా గ్రాండ్‌గా విడుదలైంది. యాష్ రాజ్ ఫిలిమ్స్ స్పై యూనివర్స్‌లో భాగంగా రూపొందిన ఈ సినిమా పై రిలీజ్‌కి ముందే విపరీతమైన హైప్ నెలకొంది. అభిమానులు, సినీప్రియులు ఈ చిత్రాన్ని భారీ ఎత్తున ఎంజాయ్ చేయడానికి థియేటర్లకు తరలివచ్చారు. అయినప్పటికీ, మొదటి రోజు వసూళ్లు అంచనాలకు తగ్గట్టు లేవని ట్రేడ్ టాక్.

ప్రీ రిలీజ్ బిజినెస్

ట్రేడ్ వర్గాల అంచనాల ప్రకారం సుమారు రూ. 400 కోట్ల బడ్జెట్‌తో తెరకెక్కిన ఈ సినిమాకు హిందీ, తెలుగు, తమిళం, కన్నడ, అంతర్జాతీయ హక్కుల రూపంలో భారీ ప్రీ రిలీజ్ బిజినెస్ జరిగింది. తెలుగు రాష్ట్రాల్లోనే ఈ సినిమా హక్కులు 80 నుంచి 90 కోట్ల మధ్యలో విక్రయమైనట్టు సమాచారం. హిందీ మార్కెట్‌లో కూడా మంచి ధరకు అమ్ముడైన ఈ చిత్రం, బ్రేక్ ఈవెన్ కోసం కనీసం 700 కోట్ల గ్రాస్ సాధించాల్సి ఉంటుంది.

విదేశాల్లో కూడా వార్ 2కు మంచి క్రేజ్ కనిపించింది. ముఖ్యంగా USA, UAE, ఆస్ట్రేలియా మార్కెట్లలో ప్రీమియర్ షోస్ నుంచే బలమైన వసూళ్లు నమోదయ్యాయి. అయితే, కూలీతో పోలిస్తే ఓవర్సీస్ వసూళ్లలో తక్కువగానే ఉందని విశ్లేషకులు అంటున్నారు.

తెలుగు రాష్ట్రాల వసూళ్లు

తెలుగు వెర్షన్‌లో జూనియర్ ఎన్టీఆర్ ఫ్యాన్ బేస్ కారణంగా మంచి ఓపెనింగ్స్ వచ్చాయి. మొదటి రోజు తెలంగాణ, ఆంధ్రప్రదేశ్ కలిపి అంచనాల ప్రకారం సుమారు రూ. 19 కోట్ల గ్రాస్ వసూలు చేసినట్లు అంచనా. ముఖ్యంగా నైజాం, సీడెడ్, గుంటూరు వంటి సెంటర్లలో హౌస్‌ఫుల్ షోస్ కనిపించాయి.

హిందీ, తమిళ, కన్నడ కలెక్షన్స్

హిందీ బెల్ట్‌లో హృతిక్ రోషన్ క్రేజ్ ఉన్నప్పటికీ, కలెక్షన్లు అంచనాలకు తక్కువగా వచ్చాయి. మొదటి రోజు హిందీలో అంచనాల ప్రకారం రూ. 32 కోట్ల గ్రాస్ వసూలైనట్టు సమాచారం. తమిళనాడులో అంచనాల ప్రకారం 25 లక్షల రూపాయల వరకు మాత్రమే వచ్చిందని, కన్నడ రాష్ట్రంలో కూడా తక్కువగానే వసూళ్లు నమోదైనట్టు చెబుతున్నారు.

టోటల్ కలెక్షన్స్ (అంచనా)

హిందీ: రూ.31.97 కోట్లు (గ్రాస్)

తెలుగు: రూ.19.38 కోట్లు (గ్రాస్)

తమిళం: రూ.0.25 కోట్లు (గ్రాస్)

వార్ 2 సినిమాకు మంచి వసూళ్లు దక్కాయి కానీ కూలీ కంటే తక్కువే. మొత్తం వరల్డ్ వైడ్ కలిపి సుమారు 82 కోట్ల గ్రాస్‌తో మొదటి రోజు ముగిసినట్టు అంచనా. ఇది పర్వాలేదు అనే ఓపెనింగ్ అయినప్పటికీ, అంచనాల ప్రకారం 100 కోట్ల మార్క్‌ను చేరుకోలేకపోయింది. రాబోయే సెలవు రోజులు, పాజిటివ్ మౌత్ టాక్ సినిమాకు సహాయపడతాయా అన్నది చూడాలి.