హాయ్ నాన్న.. ఉందా ఊడిందా ముందే తెలిసిపోతుంది

నేచురల్ స్టార్ నాని నుంచి నెక్స్ట్ రాబోతున్న మూవీ హాయ్ నాన్న. కూతురు సెంటిమెంట్ తో రాబోతున్న ఈ సినిమాలో మంచి లవ్ స్టోరీ కూడా ఉండబోతున్నట్లు నాని తెలియజేశాడు. ముఖ్యంగా స్క్రీన్ ప్లే చాలా ఎట్రాక్ట్ చేస్తుందని కూడా చెబుతున్నారు. ఇక ప్రమోషన్స్ విషయంలో అయితే నాని గ్యాప్ లేకుండా చాలా హార్డ్ వర్క్ అయితే చేస్తున్నాడు.

ఇతర సినిమాలతో హీరోయిన్ మృణాల్ ఠాగూర్ బిజీగా ఉన్నప్పటికీ కూడా నాని అయితే అసలు రెస్టు తీసుకోకుండా వీలైనంత వరకు సినిమాకు మంచి హైప్ క్రియేట్ చేయడానికి ప్రయత్నం చేస్తున్నాడు. మీడియా లో ఇప్పటికే చాలా ఇంటర్వ్యూలు ఇచ్చిన నాని ఇక సోషల్ మీడియాలో కూడా ఫాన్స్ ను ఆకట్టుకునే విధంగా ట్వీట్స్ కూడా చేస్తున్నాడు.

రీసెంట్ గా ఫాలోవర్స్ అడిగిన ప్రశ్నలకు కూడా నాని తనదైన శైలిలో సమాధానాలు చెప్పుకుంటూ వచ్చాడు. అయితే ఈ సినిమా విడుదలకు ముందు ప్రీమియర్ షోలు ఉంటాయి అని ముందుగానే ఒక టాక్ అయితే వినిపించింది. నిజానికి నిర్మాతలు కూడా కొన్ని ఏరియాలలో ప్రీమియర్ షోలు వేయాలని అనుకున్నారు. డిసెంబర్ 7న హాయ్ నాన్న అఫీషియల్ గా విడుదల కాబోతోంది.

అంటే డిసెంబర్ 6 నుంచి కొన్ని ప్రీమియర్ షోలు ప్రదర్శించాలని అనుకున్నారు. అయితే ఇదే విషయంలో ఒక నెటిజన్ నానిని అడగగా ఊహించని సమాధానం వచ్చింది. పేయిడ్ ప్రీమియర్స్ అయితే లేవు కాని డిసెంబర్ 6వ తేదీన AMB లో కొంతమంది ప్రత్యేకమైన గెస్ట్ లకు అలాగే మీడియా మిత్రులకు స్పెషల్ షో ఉంటుంది. ఆ రోజు రాత్రి కళ్ళా సినిమా ఉందా ఊడిందా అనేది తెలిసిపోతుంది. ఉండిపోతుంది ఎప్పటికీ అని నా ఫీలింగ్.. అంటూ నాని తన సమాధానం ఇచ్చాడు.

సినిమా రిజల్ట్ ఏమిటి అనేది ఒకరోజు ముందుగానే తెలిసిపోతుంది అని క్లారిటీ ఇచ్చిన నాని.. అసలు నిరాశపరచదు అని తన కాన్ఫిడెంట్ ను కూడా తెలియజేశాడు. మరి నాని అంచనాలకు తగ్గట్టుగా ఈ సినిమా ఎంతవరకు అట్రాక్ట్ చేస్తుందో చూడాలి. హాయ్ నాన్న సినిమాలో శృతిహాసన్ కూడా ఒక ప్రత్యేకమైన పాత్రలో కనిపించబోతోంది. కొత్త దర్శకుడు శౌర్యువ్ తెరపైకి తీసుకురాబోతున్న ఈ సినిమా కు హేశమ్ అబ్దుల్ మ్యూజిక్ అందించారు.