మీనాక్షి చౌదరి.. ఎట్టకేలకు ఒక పెద్ద హిట్..
| ఆ తర్వాత రెండేళ్ల గ్యాప్ లో తెలుగు సినీ ప్రియులకు హీరోయిన్ గా పరిచయమయ్యారు.
హీరోయిన్ మీనాక్షి చౌదరి.. ఈ హర్యానా బ్యూటీ యంగ్ హీరో సుశాంత్ ఇచ్చట వాహనములు నిలపరాదు మూవీతో టాలీవుడ్ లోకి ఎంట్రీ ఇచ్చిన విషయం తెలిసిందే. అవుట్ ఆఫ్ లవ్ వెబ్ సిరీస్ తో యాక్టింగ్ కెరీర్ స్టార్ట్ చేసిన బ్యూటీ.. అప్ స్టార్స్ట్ మూవీతో బాలీవుడ్ సినీ ఇండస్ట్రీలోకి అడుగు పెట్టారు. ఆ తర్వాత రెండేళ్ల గ్యాప్ లో తెలుగు సినీ ప్రియులకు హీరోయిన్ గా పరిచయమయ్యారు. తన అందం, అభినయంతో మెప్పించారు.
ఆ తర్వాత మాస్ మహారాజా రవితేజతో నటించే ఛాన్స్ దక్కించుకున్నారు మీనాక్షీ చౌదరి. ఖిలాడీ సినిమాలో నటించి అందరినీ ఆకట్టుకున్నారు. అదే ఏడాది అడివి శేష్ తో హిట్- ది సెకండ్ కేస్ మూవీలో నటించి మెప్పించారు. తన కెరీర్ లో తొలి హిట్ ను సొంతం చేసుకున్నారు. ఆ తర్వాత కొలై సినిమాతో కోలీవుడ్ లోకి ఎంట్రీ ఇచ్చారు. 2024 ఏడాది సంక్రాంతికి గుంటూరు కారం మూవీతో ప్రేక్షకుల ముందుకు వచ్చారు.
త్రివిక్రమ్ డైరెక్షన్ లో తెరకెక్కిన గుంటూరు కారంలో సెకండ్ హీరోయిన్ గా నటించారు. పెద్దగా స్కోప్ లేని రోల్ లో కనిపించినా.. తన యాక్టింగ్ తో మెప్పించారు. రీసెంట్ గా విజయ్ దళపతి ది గ్రేటెస్ట్ ఆఫ్ ఆల్ టైమ్ లో నటించారు. కానీ సాంగ్స్, మూడు సీన్స్ కే పరిమితమయ్యారు. ఇప్పుడు చేతి నిండా సినిమాలతో టాక్ ఆఫ్ ది ఇండస్ట్రీగా మారిపోయారు. వరుస ప్రాజెక్టుల్లో మీనాక్షి నటిస్తున్నారు.
దీపావళి కానుకగా లక్కీ భాస్కర్ చిత్రంతో ఇప్పుడు థియేటర్లలో సందడి చేస్తున్నారు. మాలీవుడ్ స్టార్ హీరో దుల్కర్ సల్మాన్ సరసన నటించారు. యంగ్ డైరెక్టర్ వెంకీ అట్లూరి దర్శకత్వం వహించిన ఆ మూవీ ప్రీమియర్స్ షోస్ నిన్ననే పడ్డాయి. సినిమా అదిరిపోయిందని అంతా రివ్యూస్ ఇస్తున్నారు. చాలా బాగుందని చెబుతున్నారు. మీనాక్షి యాక్టింగ్ సూపర్ అని కొనియాడుతున్నారు. అదే సమయంలో ఎట్టకేలకు మీనాక్షి చౌదరి మంచి హిట్ అందుకున్నారని నెటిజన్లు అంటున్నారు.
వాస్తవానికి అది నిజమే.. హిట్-2 తర్వాత మీనాక్షి ఇప్పుడే సరైన హిట్ ను దక్కించుకున్నారు. అదే సమయంలో మాస్ కా దాస్ విశ్వక్ సేన్ తో ప్రస్తుతం మెకానిక్ రాకీ చిత్రంలో నటిస్తున్నారు. మెగా ప్రిన్స్ వరుణ్ తేజ్ సరసన పాన్ ఇండియా మూవీ మట్కాలో యాక్ట్ చేస్తున్నారు. వెంకటేష్, అనిల్ రావిపూడి ప్రాజెక్ట్ లో కనిపించనున్నారు. మెగాస్టార్ చిరంజీవి విశ్వంభరలో నటిస్తున్నట్లు వార్తలు వచ్చినా.. అది నిజం కాదని రీసెంట్ గా మీనాక్షి క్లారిటీ ఇచ్చారు. మరి ముద్దుగుమ్మ.. ఫ్యూచర్ లో ఇంకెన్ని హిట్స్ అందుకుంటారో చూడాలి.