'చిట్టి' క్రేజీ స్టెప్పులు.. ఫరియా అబ్దుల్లా డాన్స్ వీడియో వైరల్!

జాతి రత్నాలు' సినిమాలో అమాయకమైన 'చిట్టి' పాత్రతో తెలుగు ప్రేక్షకుల గుండెల్లో గూడు కట్టుకుంది హైదరాబాద్ బ్యూటీ ఫరియా అబ్దుల్లా. తన పొడుగు కాళ్లతో, క్యూట్ నటనతో మెప్పించే ఈ పొడుగు సుందరి.. సోషల్ మీడియాలో ఎప్పుడూ యాక్టివ్‌గా ఉంటుంది. తాజాగా ఆమె తన ఇన్‌స్టాగ్రామ్‌లో షేర్ చేసిన ఒక అదిరిపోయే డాన్స్ వీడియో ఇప్పుడు ఇంటర్నెట్‌ను షేక్ చేస్తోంది. ఆ వీడియో విశేషాలు, ఆమె లేటెస్ట్ లుక్ ముచ్చట్లు మీకోసం..

మ్యూజిక్‌కు తగ్గట్టు అదిరిపోయే స్టెప్పులు:

"గానే కా నామ్ ఆప్ట్ తో హై భాయ్" (పాట పేరు సరిగ్గా సరిపోయింది భాయ్) అంటూ ఫరియా అబ్దుల్లా ఇన్‌స్టాగ్రామ్‌లో ఒక క్రేజీ డాన్స్ వీడియోను పోస్ట్ చేసింది. జుల్స్, కిడా కుడ్జ్, ఎమ్‌ఎస్ బ్యాంక్స్, పా సాలీయుల పాపులర్ మ్యూజిక్‌కు ఆమె వేసిన స్టెప్పులు నెటిజన్లను విపరీతంగా ఆకట్టుకుంటున్నాయి.ఇక ఎంతో స్టైలిష్‌గా, ఈజీగా ఆమె వేసిన మూవ్స్ చూసి ఫ్యాన్స్ ఫిదా అయిపోతున్నారు.

డాన్సింగ్ డాల్ అంటూ కామెంట్స్ వర్షం:

ఫరియా డాన్స్ వీడియో సోషల్ మీడియాలో పోస్ట్ చేసిన కొద్దిసేపటికే వైరల్‌గా మారింది. ఆమె ఎనర్జీని, స్టైల్‌ను చూసిన నెటిజన్లు కామెంట్ల వర్షం కురిపిస్తున్నారు. ఇక చాలామంది ఆమెను "డాన్స్ క్వీన్" అని, మరికొందరు "డాన్సింగ్ డాల్" అని పొగుడుతున్నారు. తన డాన్స్ టాలెంట్‌తో ఫరియా మరోసారి సోషల్ మీడియాను తనవైపు తిప్పుకుంది.

మంచు కొండల్లో స్టైలిష్ లుక్:

ఈ వీడియోలో ఫరియా డాన్సే కాదు, ఆమె వేసుకున్న డ్రెస్ స్టైల్ కూడా హైలైట్‌గా నిలిచింది. అందమైన మంచు కొండల బ్యాక్‌డ్రాప్‌లో.. ఆలివ్ గ్రీన్ టై-డై ఓవర్‌సైజ్డ్ టీషర్ట్, వైట్ కార్గో ప్యాంట్స్ వేసుకుని కనిపించింది. తలకు పెట్టుకున్న ఫ్యాషన్ క్యాప్, స్టైలిష్ సన్‌గ్లాసెస్ ఆమె లుక్‌ను నెక్స్ట్ లెవెల్‌కు తీసుకెళ్లాయి. ఇక చలి ప్రదేశంలో కూడా ఎంతో స్ట్రీట్ స్టైల్ ఫ్యాషన్‌తో ఆమె మెరిసిపోయింది.

కెరీర్ పరంగా ఫుల్ బిజీ:

ఇక సినిమాల విషయానికి వస్తే, ఫరియా చేతినిండా ప్రాజెక్టులతో బిజీగా ఉంది. రీసెంట్‌గా 'గాయపడ్డ సింహం' సినిమాలో స్పెషల్ అప్రియరెన్స్‌తో అలరించిన ఈ భామ, 'మత్తు వదలరా 2' సినిమాలో ఫుల్ లెంగ్త్ రోల్‌తో ప్రేక్షకులను నవ్వించింది. టాలీవుడ్‌లోనే కాకుండా, ప్రస్తుతం కోలీవుడ్ లో కూడా అడుగుపెట్టి అక్కడ తన అదృష్టాన్ని పరీక్షించుకుంటోంది.

కేవలం నటనతోనే కాకుండా, తనలో ఉన్న డాన్స్ టాలెంట్‌తోనూ ఫరియా అబ్దుల్లా ప్రేక్షకులను అలరిస్తూనే ఉంది. వెండితెరపైన, సోషల్ మీడియాలోనూ తనదైన ముద్ర వేస్తున్న ఈ 'జాతి రత్నం' రాబోయే రోజుల్లో మరిన్ని వైవిధ్యమైన పాత్రలతో మెప్పించాలని, కోలీవుడ్‌లోనూ సక్సెస్ సాధించాలని కోరుకుందాం.