ఓటీటీలోకి ధనుష్ కర.. స్ట్రీమింగ్ ఎప్పుడు? ఎక్కడంటే?

కోలీవుడ్ స్టార్ హీరో ధనుష్ వైవిధ్యమైన సినిమాలతో ప్రేక్షకులను పలకరిస్తుంటారు. ధనుష్ క్రేజీ బ్యూటీ మమితా బైజు జంటగా నటించిన తాజా చిత్రం ‘కర’. ఏప్రిల్ 30న థియేటర్లలో విడుదలైన ఈ సైకలాజికల్ యాక్షన్ డ్రామా మూవీ ఇప్పుడు ఓటీటీ ప్రియులను అలరించేందుకు సిద్ధమైంది. ఈ సినిమా డిజిటల్ రిలీజ్ డేట్‌ను ప్రముఖ ఓటీటీ సంస్థ నెట్‌ఫ్లిక్స్ అధికారికంగా ప్రకటించింది. థియేటర్లలో మిస్ అయిన వారు ఇంట్లోనే కూర్చుని ఈ యాక్షన్ థ్రిల్లర్‌ను ఎప్పుడు చూడొచ్చో ఇప్పుడు తెలుసుకుందాం.

స్ట్రీమింగ్ ఎప్పుడు? ఏ ఏ భాషల్లో?:

గత కొన్ని రోజులుగా ‘కర’ సినిమా ఓటీటీ రిలీజ్ గురించి సోషల్ మీడియాలో రకరకాల వార్తలు వినిపించాయి. వాటన్నింటికీ తెరదించుతూ నెట్‌ఫ్లిక్స్ క్లారిటీ ఇచ్చేసింది. ఈ నెల 28వ తేదీ (మే 28) నుంచి ఈ సినిమా నెట్‌ఫ్లిక్స్‌లో స్ట్రీమింగ్ కానుంది. ఇక కేవలం తమిళంలోనే కాకుండా తెలుగు, కన్నడ, మలయాళం, హిందీ భాషల్లో కూడా ఈ చిత్రం అందుబాటులోకి రాబోతోంది. కాబట్టి అన్ని భాషల ప్రేక్షకులకు ఇది గుడ్ న్యూస్ అని చెప్పాలి.

అసలు కథేంటంటే?:

ఈ సినిమా కథ 1990ల కాలంలో సాగుతుంది. ఇందులో ‘కర స్వామి’ (ధనుష్) ఒక పల్లెటూరి దొంగ. తండ్రి కోదండం (కేఎస్ రవికుమార్)తో గొడవపడి ఇల్లు వదిలి వచ్చేస్తాడు. ఇక సొంతంగా ఒక హోటల్ పెట్టుకోవాలనేది కర ఆశ. కానీ బ్యాంకులు అతడికి లోన్ ఇవ్వవు. అదే సమయంలో ఊరిలో ఉన్న తన తండ్రి మరణిస్తాడు. తన తండ్రి చావుకు, ఊరిలోని రైతుల కష్టాలకు బ్యాంక్ వ్యవహార శైలే కారణమని కర తెలుసుకుంటాడు.

బ్యాంకులే టార్గెట్‌గా రాబరీలు:

బ్యాంకుపై పగ పెంచుకున్న కర.. అదే బ్యాంకు శాఖల్లో వరుసగా దొంగతనాలకు పాల్పడుతుంటాడు. మరి కర చేసిన ఈ బ్యాంకు దొంగతనాలను డీఎస్పీ భరతన్ (సూరజ్ వెంజరమూడు) ఎలా అడ్డుకున్నాడు? ఈ కథలోకి బ్యాంకు మేనేజర్ ముత్తు సెల్వన్ (జయరామ్) ఎలా వచ్చాడు? అసలు కర బ్యాంకుల ఆట ఎలా కట్టించాడు? అనే విషయాలు తెలియాలంటే సినిమా చూడాల్సిందే.

బాక్సాఫీస్ టాక్ ఎలా ఉందంటే?:

‘పోర్ తొళిల్’ వంటి సూపర్ హిట్ థ్రిల్లర్‌ను అందించిన దర్శకుడు విఘ్నేష్ రాజా ఈ సినిమాను తెరకెక్కించారు. భారీ అంచనాల మధ్య థియేటర్లలోకి వచ్చిన ఈ చిత్రానికి మిక్స్‌డ్ టాక్ వచ్చింది. అందువల్ల బాక్సాఫీస్ దగ్గర ఆశించిన స్థాయిలో కలెక్షన్లు రాబట్టలేకపోయింది. కానీ థ్రిల్లర్ సినిమాలకు ఓటీటీలో మంచి రెస్పాన్స్ వస్తుంది కాబట్టి, నెట్‌ఫ్లిక్స్‌లో ఈ సినిమాకు మంచి ఆదరణ దక్కే అవకాశం ఉంది.

థియేటర్లలో ఆశించిన స్థాయిలో ఆడకపోయినా, ధనుష్ నటన మరియు విఘ్నేష్ రాజా టేకింగ్ కోసం ఈ సినిమాను ఒకసారి తప్పకుండా చూడొచ్చు. ఇక ముఖ్యంగా యాక్షన్, సస్పెన్స్ థ్రిల్లర్ సినిమాలను ఇష్టపడే వారికి ‘కర’ మంచి ఛాయిస్ అవుతుంది. మరి లేట్ చేయకుండా ఈ మే 28న నెట్‌ఫ్లిక్స్‌లో ఈ సినిమాను చుసేందుకు రెడీ అవ్వండి.