కూలీ నిడివి.. కథ పెద్దదే!

సూపర్ స్టార్ రజినీకాంత్‌ నటిస్తున్న లేటెస్ట్ మూవీ కూలీ పై అప్పుడే భారీ అంచనాలు నెలకొన్నాయి. ఈ చిత్రం ద్వారా లేటెస్ట్ పాన్ ఇండియా ట్రెండ్‌ను మరింత ఎత్తుకు తీసుకెళ్లే ప్రయత్నం చేస్తున్నారు దర్శకుడు లోకేష్ కనగరాజ్‌. ఇప్పటికే కబాలి, కాలా, జైలర్ సినిమాలతో మళ్లీ ఫామ్‌లోకి వచ్చిన రజినీ.. ఈ సినిమాలో ఒక ఊహించని మాస్ షేడ్స్‌తో కనిపించబోతున్నట్టు తెలుస్తోంది. టైటిల్, టీజర్‌తోనే ఫ్యాన్స్‌ను ఫుల్ ఎగ్జైట్ చేసిన కూలీ జూలై 14న ప్రపంచవ్యాప్తంగా విడుదల కానుంది.

ఈ సినిమాలో రజినీ సరసన శ్రుతి హాసన్ హీరోయిన్‌గా నటిస్తున్నారు. స్పెషల్ సాంగ్ కోసం పూజా హెగ్డే హైలెట్ అవుతుండగా, నాగార్జున ఓ కీలక పాత్రలో కనిపించనున్నారు. అదనంగా కన్నడ స్టార్ ఉపేంద్ర, బాలీవుడ్ మిస్టర్ పెర్‌ఫెక్షనిస్ట్ అమీర్ ఖాన్ కీలక పాత్రల్లో కనిపించబోతున్నారు. ఈ భారీ తారాగణంతో పాటు సన్ పిక్చర్స్ సంస్థ భారీ బడ్జెట్‌తో ఈ చిత్రాన్ని నిర్మిస్తోంది. అంతే కాదు.. ఈ సినిమాను 5 ఇండియన్ భాషలతో పాటు ఇంటర్నేషనల్ లెవెల్లో ఐమ్యాక్స్ స్క్రీన్‌లపై విడుదల చేయడానికి సన్నాహాలు చేస్తున్నారు.

తాజాగా ఈ చిత్ర నిడివి గురించి ఆసక్తికర సమాచారం బయటకు వచ్చింది. కూలీ ఫైనల్ రన్ టైమ్‌ 3 గంటల 3 నిమిషాలుగా లాక్ అయ్యిందట. ప్రస్తుతం ఇది ఇండస్ట్రీలో హాట్ టాపిక్‌గా మారింది. ఎందుకంటే, ఇటీవల విడుదలవుతున్న చాలా పెద్ద సినిమాలు 2 గంటల 30 నిమిషాల లోపే కంప్లీట్ అవుతుండగా.. కూలీ మాత్రం మరో స్థాయిలో ఉండబోతోందన్న సంకేతాలు ఇవి. దర్శకుడు లోకేష్ కనగరాజ్ కథలోని ఎమోషన్, యాక్షన్, మాస్ ఎలిమెంట్స్ అన్నీ చక్కగా కుదిరేలా ఈ డ్యూరేషన్‌ను ఖరారు చేసినట్టు తెలుస్తోంది.

ఇక ఈ నిడివి విషయమై ఫ్యాన్స్ మధ్య రెండు విభిన్న అభిప్రాయాలు వినిపిస్తున్నాయి. కొంతమంది ఇలా మూడు గంటల పైన సినిమా అంటే బోర్ కొట్టే ప్రమాదం ఉందని భావిస్తుండగా, మరికొంతమంది మాత్రం ఇది పూర్తిగా రజినీ కోసం రూపొందిన ఫ్యాన్స్ ఫెస్టివల్ అని చెబుతున్నారు. మరి ఈ మూడు గంటల ప్రయాణం ప్రేక్షకులను ఎంతవరకు ఎంగేజ్ చేయగలదో రిలీజ్ తర్వాత తెలుస్తుంది. అయితే, లోకేష్ ఫైనల్ స్క్రీన్‌ప్లే ప్రెజెంటేషన్‌పై నమ్మకం పెంచేలా ఇప్పటి వరకు వచ్చిన టీజర్, పోస్టర్లు ఉన్నాయి.

పూర్తిగా యాక్షన్, మాస్ డోసుతో పాటు సోషల్ అంశాలను టచ్ చేసే విధంగా కూలీ కథ తయారైందని సమాచారం. అందుకే సినిమా నిడివిని తక్కువ చేయకుండా పూర్తి కథను చూపించాలన్న పట్టుదలతోనే ఈ నిర్ణయం తీసుకున్నారట మేకర్స్. ఇదిలా ఉంటే, ప్రస్తుతం బిజీగా ఉన్న పోస్ట్ ప్రొడక్షన్ పనులు జూలై చివరి వారంలో పూర్తి చేసి ప్రమోషన్స్ మొదలుపెట్టాలని ప్లాన్ చేస్తున్నారు.