• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  Entertainment >  వేధింపుల‌పై 8 ఏళ్ల...

వేధింపుల‌పై 8 ఏళ్ల చిన్నారి రియ‌లైజేష‌న్‌.. తెలుగు దర్శ‌కుడికి హ్యాట్సాఫ్‌!

| అనీల్ రావిపూడి తెర‌కెక్కించిన `భ‌గ‌వంత్ కేస‌రి` సినిమా విడుద‌లై బ్లాక్ బ‌స్ట‌ర్ విజ‌యం సాధించి అవార్డులు రివార్డుల‌ను గెలుచుకుంది.

By - Sivaji Kontham
Update: 2026-08-10 03:58 GMT

అనీల్ రావిపూడి తెర‌కెక్కించిన `భ‌గ‌వంత్ కేస‌రి` సినిమా విడుద‌లై బ్లాక్ బ‌స్ట‌ర్ విజ‌యం సాధించి అవార్డులు రివార్డుల‌ను గెలుచుకుంది. ఈ చిత్రంలో న‌ట‌సింహం నంద‌మూరి బాల‌కృష్ణ న‌ట‌న‌కు జేజేలు ప‌లికారు. ముఖ్యంగా ఈ సినిమాలోని ఒక స‌న్నివేశం ఇప్పుడు చెన్నైలోని ఒక 8ఏళ్ల‌ చిన్నారి త‌న‌పై జ‌రుగుతున్న దారుణ అఘాయిత్యాన్ని తెలుసుకునేలా చేసింది అంటే న‌మ్మ‌గ‌ల‌రా? కానీ ఇది నిజం.

భ‌గ‌వంత్ కేస‌రిలోని ఈ స‌న్నివేశం స్ఫూర్తితోనే ద‌ళ‌ప‌తి విజ‌య్ న‌టించిన `జ‌న‌నాయ‌గ‌న్` లో కొన్ని స‌న్నివేశాలు రూపొందాయి. గుడ్ ట‌చ్ బ్యాడ్ టచ్ లో ఉన్న తేడా ఏమిటో తెలుసుకునే సీన్ ని విజ‌య్ సినిమాలో చూపించ‌గా చెన్నైకి చెందిన 8 ఏళ్ల బాలిక అప్ప‌టివ‌ర‌కూ త‌న‌పై జ‌రుగుతున్న దారుణం ఏమిటో గ్ర‌హించ‌గ‌లిగింది. ఒక వ్య‌క్తి త‌న‌ను బ్యాడ్ గా ట‌చ్ చేయ‌డం గురించి ఆ బాలిక తెలుసుకోగ‌లిగింది. ఈ విష‌యాన్ని త‌న తండ్రికి నేరుగా వెళ్లి చెప్ప‌డంతో వెంట‌నే అత‌డు పోలీసుల‌కు ఫిర్యాదు చేసారు. ఆ త‌ర్వాత ఆ చిన్నారిపై వేధింపుల‌కు పాల్ప‌డుతున్న విష‌యం బ‌య‌ట‌ప‌డింది. ప్ర‌స్తుతం అత‌డిపై పోలీసులు పోక్సో (POCSO) కేసు న‌మోదు చేసి ద‌ర్యాప్తు సాగిస్తున్నారు.

స‌మాజంపై సినిమాలు చెడు ప్ర‌భావం మాత్ర‌మే చూపుతాయ‌ని తీసిపారేసే వారికి ఇది క‌నువిప్పు. సినిమాల నుంచి మంచిని కూడా గ్ర‌హించ‌వ‌చ్చ‌ని చెన్నై బాలిక ఘ‌ట‌న నిరూపించింది. ఇదే త‌ర‌హాలో చాలా సినిమాల నుంచి మంచి విష‌యాల‌ను గ్ర‌హించి ఎదిగిన యువ‌త‌రం ఉన్నారు.

సినిమాల నుండి నేర్చుకుంటూ.. సమాజ హితానికి బాటలు..

సినిమా అనేది కేవలం రెండు మూడొంటల వినోదం మాత్రమే కాదు..అది సమాజాన్ని తీవ్రంగా ప్రభావితం చేయగల ఒక శక్తివంతమైన సాధనం. నిత్య జీవితంలో మనుషులు చుట్టూ ఉండే ప్రపంచాన్ని చూసి ఎంత నేర్చుకుంటారో... వెండితెరపై కనిపించే పాత్రలు, దృశ్యాల నుండి అంతకంటే ఎక్కువ నేర్చుకుంటారు. మంచి నైతిక విలువలు, మానవతా దృక్పథం, వ్యక్తిత్వ వికాసం, కష్ట సమయాల్లో ధైర్యంగా నిలబడే తత్వాన్ని సినిమాలు ప్రేక్షకులకు సులభంగా బోధిస్తాయి. గొప్ప కథనాలు, ఉద్వేగభరిత సన్నివేశాల ద్వారా మనుషుల్లో నైతిక పరివర్తనను తీసుకురావడంలో సినిమాలు ప్రముఖ పాత్ర పోషిస్తున్నాయి.

కేవలం మానసిక వికాసమే కాకుండా.. సామాజిక చైతన్యాన్ని రగిలించడంలో సినిమాలు ముందుంటాయి. ముఖ్యంగా సమాజంలో వేళ్లూనుకున్న మూఢనమ్మకాలు, కుల-మత వైషమ్యాలు, లింగ వివక్ష , మహిళలపై జరుగుతున్న అన్యాయాలకు వ్యతిరేకంగా సినిమాలు ప్రశ్నిస్తాయి. `గుడ్ టచ్ - బ్యాడ్ టచ్` వంటి సున్నితమైన అంశాలపై చిన్న పిల్లలకు అవగాహన కల్పించడం, ఆరోగ్య స్పృహ, పర్యావరణ పరిరక్షణ, చట్టాలపై చైతన్యం తీసుకురావడం వంటివి సినిమాల ద్వారా నేరుగా ప్రజల గుండెల్లోకి దూసుకుపోతాయి. సమాజంలో మూలనపడ్డ అనేక సమస్యలను వెలుగులోకి తెచ్చి.. వాటిపై చర్చ జరిగేలా చేసి చట్టాల్లో.. ప్రజా ఆలోచనల్లో మార్పు తీసుకురావడానికి ఇవి తోడ్పడతాయి.

అంతేకాకుండా దేశభక్తిని పెంపొందించడంలో...మన సంస్కృతి సంప్రదాయాలను తదుపరి తరాలకు అందించడంలో సినీరంగం వహిస్తున్న పాత్ర అపారమైనది. చారిత్రక పోరాటాలు, మహనీయుల జీవిత గాథలను కళ్లకట్టినట్లు చూపిస్తూ యువతలో స్ఫూర్తిని నింపుతాయి. ప్రతికూల అంశాల కంటే సానుకూల అంశాలను స్వీకరించినప్పుడు.. సినిమాలు ఒక మానసిక చికిత్సగా... సామాజిక మార్పుకు ఆయుధంగా ఉపయోగపడతాయి. సరైన సందేశంతో రూపుదిద్దుకునే ప్రతి చిత్రం సమాజంలో ఒక కొత్త వెలుగును నింపి.. మానవత్వాన్ని వర్ధిల్లేలా చేయగలదనడంలో సందేహం లేదు.

Tags:    
  • bhagavanthkesari 
  • jananayagan 
  • balakrishna 
  • thalapathyvijay 
  • anilravipudi 
  • goodtouchbadtouch 

Similar News

యంగ్ హీరోలతో సుకుమార్.. లిస్టు పెరుగుతూనే ఉందిగా..

2026-11-19 22:30 GMT

'మనం' లాంటి కొత్త స్క్రిప్టు.. అంచ‌నాలు పెంచేసాడే!

2026-11-19 21:13 GMT

ర‌ష్మిక స్పీచ్ స‌రే.. ఆ మెడ‌లో కేజీ బంగారు క‌డియంపైనే క‌న్ను!

2026-11-19 21:12 GMT

ఆ హీరోని సొంత కొడుకులా చూసుకున్న సూర్య..!

2026-11-19 21:10 GMT

సాయి పల్లవి వేసుకునే రుద్రాక్ష మాల వెనుక ఇంత కథ ఉందా?

2026-11-19 21:10 GMT

కూతురి పెళ్లి జీవితంపై వివాదం.. మౌనం వీడిన అర్జున్ సర్జా.. సంచలన నిర్ణయం!

2026-11-19 21:10 GMT

ఇద్దరు కొడుకుల ముందు మనసులో మాట చెప్పిన ధనుష్..!

2026-11-19 21:09 GMT

రాజమౌళికి లేని రికార్డ్.. రామాయణ డైరెక్టర్ ఖాతాలో!

2026-11-19 21:08 GMT

నా చిన్న కూతుర్ని కూడా వదలరా? ట్రోలర్స్‌పై రేణు దేశాయ్ ఫైరింగ్!

2026-11-19 21:08 GMT

షారుక్ కుమారుడిలో నిగ‌ర్విని చూసిన స్టార్ డైరెక్ట‌ర్!

2026-11-19 21:07 GMT

చూడ‌ముచ్చ‌టైన జంట‌కు దిష్ఠి త‌గులుతుందేమో!

2026-11-19 21:07 GMT

ఈ కుర్రాడు విజయ్ సేతుపతి రూట్లో వెళతాడా..

2026-11-19 21:06 GMT

Copyright @2026

Powered by Blink CMS