'దాదా'గిరి డిసెంబర్‌లో చేయాల్సిందే..!

సంక్రాంతి బరిలోకి దిగకముందే బాక్సాఫీస్‌పై దండయాత్ర చేయాలన్నదే దాదా ప్లాన్‌లా కనిపిస్తోంది. నందమూరి బాలకృష్ణ హీరోగా గోపీచంద్ మలినేని తెరకెక్కిస్తున్న ఈ గ్యాంగ్‌స్టర్ యాక్షన్ డ్రామా విషయంలో డిసెంబర్ రిలీజ్ ఇప్పుడు ఆసక్తికరంగా మారింది. సాధారణంగా బాలయ్య సినిమా అంటే మాస్ ఆడియన్స్‌లో ఉండే క్రేజ్ వేరు. అలాంటి స్టార్ మూవీని సంక్రాంతి సినిమాల కంటే ముందే థియేటర్లలోకి తీసుకురావడం వెనుక కేవలం రిలీజ్ డేట్ లెక్కలు మాత్రమే కాకుండా, పండుగ సీజన్ మార్కెట్‌ను ముందుగానే అందిపుచ్చుకునే స్ట్రాట‌జీ కూడా ఉన్నట్టు కనిపిస్తోంది.

సాధారణంగా డిసెంబర్ చివరి వారాల నుంచి సంక్రాంతి వరకు తెలుగు సినిమా మార్కెట్‌లో ఆడియ‌న్స్ పెట్టే ఖర్చు, థియేటర్ల ఆక్యుపెన్సీ, ఫ్యామిలీ ఆడియన్స్ మూవ్‌మెంట్స్ పెరుగుతుంటాయి. ఇలాంటి టైమ్ లో స్టార్ హీరో సినిమా థియేటర్లలో ఉండటం అంటే కేవలం ఓపెనింగ్స్‌ కోసమే కాకుండా, పండుగ వాతావరణాన్ని ముందుగానే క్యాష్ చేసుకునే అవకాశం కూడా ఉంటుంది. అదే సమయంలో సంక్రాంతికి వచ్చే భారీ సినిమాలతో నేరుగా తలపడకుండా, వాటికి కొంత ముందుగానే ప్రేక్షకుల దృష్టిని తనవైపు తిప్పుకోవడం దాదా కు మరో అడ్వాంటేజ్ గా మారొచ్చు. ఈ నేప‌థ్యంలో డిసెంబర్ రిలీజ్ అనేది పోటీ నుంచి తప్పించుకోవడమే కాకుండా, పండుగ సీజన్‌లోకి ముందుగానే ఎంట్రీ ఇచ్చే బిజినెస్ స్ట్రాటజీగా మారే అవకాశం ఉంది.

అందుకే ప్రస్తుతం దాదా షూటింగ్ విషయంలో కూడా డెడ్‌లైన్‌కు ప్రాధాన్యత ఇస్తున్నట్టు తెలుస్తోంది. ఇంకా దాదాపు 20 నుంచి 25 రోజుల షూటింగ్ బ్యాలెన్స్ ఉన్నప్పటికీ, మొత్తం షూటింగ్ ను అక్టోబర్ నాటికి పూర్తి చేయాలనే టార్గెట్ తో టీమ్ ముందుకు వెళ్తున్నట్టు తెలుస్తోంది. ఈ ప్లాన్ వెనుక అసలు ఉద్దేశం షూటింగ్‌ను త్వరగా ముగించడం మాత్రమే కాకపోవచ్చు. అక్టోబర్‌లో షూటింగ్ పూర్తైతే నవంబర్‌ను పోస్ట్ ప్రొడక్షన్ వ‌ర్క్స్ కు కేటాయించే అవకాశం ఉంటుంది. ఎడిటింగ్, డబ్బింగ్, రీ రికార్డింగ్, బ్యాక్‌గ్రౌండ్ స్కోర్, అవసరమైన విజువల్ ఎఫెక్ట్స్ వంటి ప‌నుల్ని హడావుడి లేకుండా పూర్తి చేయడానికి ఇది ఉపయోగపడుతుంది. త‌మన్ సంగీతం అందిస్తున్న ఈ సినిమాకు బ్యాక్‌గ్రౌండ్ స్కోర్ కూడా కీలకంగా మారే అవకాశం ఉండటంతో ఈ ఎక్స్‌ట్రా టైమ్ మరింత ఉపయోగకరంగా ఉండొచ్చు.

అంతే కాదు, డిసెంబర్ రిలీజ్ అంటే ప్రమోషన్స్‌కు కూడా ముందుగానే రంగం సిద్ధం చేయాల్సి ఉంటుంది. సాంగ్స్, ట్రైలర్ తో పాటు బాలయ్య ఫ్యాన్స్ ను థియేటర్ల వైపు తీసుకురావడానికి అవసరమైన ప్రమోషనల్ క్యాంపెయిన్‌ను దశలవారీగా ప్లాన్ చేసుకునే వీలు ఉంటుంది. భారీ బడ్జెట్‌తో వృద్ది సినిమాస్ నిర్మిస్తున్న ఈ సినిమాకు క్వాలిటీ విషయంలో కూడా రాజీ లేకుండా ఆఖ‌రి ద‌శ ప‌నుల్ని పూర్తి చేస్తున్న‌ట్టు తెలుస్తోంది. అందుకే దాదా విషయంలో డిసెంబర్ టార్గెట్ వెనుక కేవలం రిలీజ్ డేట్ మాత్రమే లేదని, దాని చుట్టూ మొత్తం థియేట్రికల్, పోస్ట్ ప్రొడక్షన్, ప్రమోషన్ ప్లాన్‌ను నిర్మిస్తున్నట్టు కనిపిస్తోంది. సంక్రాంతి సందడికి ముందే బాలయ్య మాస్ జోష్‌ను థియేటర్లలోకి తీసుకురావాలంటే.. ఈసారి ‘దాదా’గిరి డిసెంబర్‌లో చేయాల్సిందే!