`విశ్వ‌రూపం 2` ర‌న్‌ టైమ్?

విశ్వ‌న‌టుడు క‌మ‌ల్ హాస‌న్ డ్రీమ్ ప్రాజెక్ట్ `విశ్వ‌రూపం` 2013లో రిలీజై సంచ‌ల‌న విజ‌యం సాధించింది. వివాదాల‌తో పాటు బాక్సాఫీస్ వ‌ద్ద భారీ క‌లెక్ష‌న్లు తేవ‌డంలోనూ ఈ సినిమా స‌క్సెసైంది. ఆ మ‌రుస‌టి సంవ‌త్స‌ర‌మే `విశ్వ‌రూపం 2` రిలీజ్ చేయాల‌ని క‌మ‌ల్‌ హాస‌న్ ఎంతో క‌సిగా ప‌ని చేశారు. అయితే కొన్ని సాంకేతిక‌ కార‌ణాల వ‌ల్ల ఈ సినిమాకి ఎన్నో అవాంత‌రాలు ఎదుర‌య్యాయి. ఎట్ట‌కేల‌కు విశ్వ‌రూపం రిలీజైన ఐదేళ్ల‌కు `విశ్వ‌రూపం 2` రిలీజ‌వుతుండ‌డం చ‌ర్చ‌కొచ్చింది.

నిన్న మొన్న‌టి వ‌ర‌కూ `విశ్వ‌రూపం 2` ర‌క‌ర‌కాల వివాదాల కార‌ణంగా రిలీజ్ సందిగ్ధ‌త నెల‌కొంది. రీసెంటుగానే క‌మ‌ల్ హాస‌న్ తన సినిమా రిలీజ్‌కి క్లియ‌రెన్స్ తెచ్చుకున్నారు. ఆగ‌స్టు 10న రిలీజ్ ఖాయ‌మైంద‌ని ప్ర‌క‌టించారు. ఆ క్ర‌మంలోనే ప్ర‌పంచ‌వ్యాప్తంగా ఉన్న క‌మ‌ల్ అభిమానుల్లో ఎంతో ఎగ్జ‌యిట్‌ మెంట్ పెరిగింది. తాజాగా మ‌రో అప్‌డేట్ అందింది. ఈ సినిమా ర‌న్‌ టైమ్‌ ని లాక్ చేశారు. దాదాపు 120 నిమిషాల పాటు అంటే రెండుగంట‌ల పాటు ఆద్యంతం సినిమా అల‌రిస్తుందిట. ముఖ్యంగా  ఈ స్పై థ్రిల్ల‌ర్‌ కి శంక‌ర్‌- ఎహ‌సాన్‌-లాయ్ త్ర‌యం ఇచ్చిన రీరికార్డింగ్ ఒళ్లు గ‌గుర్పాటుకు గురి చేస్తుందిట‌. మొద‌టి భాగంలో న‌టించిన పూజా కుమార్ పార్ట్‌2 లోనూ క‌మ‌ల్‌ కి జోడీగా న‌టించింది.