ట్రెండీ టాక్‌: ఘ‌ట్ట‌మ‌నేని `మ‌నం`

అక్కినేని హీరోలంతా క‌లిసి న‌టించిన `మ‌నం` టాలీవుడ్ క్లాసిక్ హిట్ గా నిలిచిన సంగ‌తి తెలిసిందే. ఏఎన్నార్ న‌టించిన చిట్టచివ‌రి చిత్ర‌మిది. అక్కినేని నాగేశ్వ‌ర‌రావు- నాగార్జున‌- నాగ‌చైత‌న్య - అఖిల్ - స‌మంత .. ఇలా ఫ్యామిలీ స్టార్స్ అంతా తెర‌పై క‌నిపించారు. అక్కినేని హీరోల‌కే కాదు.. ద‌ర్శ‌కుడు విక్ర‌మ్ కె కుమార్ కెరీర్ కి ఈ మూవీ బిగ్ బూస్ట్ అయ్యింది. ఆ త‌ర్వాత మంచు ఫ్యామిలీ మ‌ల్టీస్టార‌ర్లు చూశాం.

ఇక మెగా మ‌ల్టీస్టార‌ర్ .. ఘ‌ట్ట‌మ‌నేని మల్టీస్టార‌ర్ .. ద‌గ్గుబాటి మ‌ల్టీస్టార‌ర్ పెండింగ్ లో ఉన్నాయి. తాజాగా చిరంజీవి- చ‌ర‌ణ్ మ‌ల్టీస్టార‌ర్ ని కొర‌టాల తెరకెక్కిస్తున్న సంగ‌తి తెలిసిందే. అలాగే ఘ‌ట్ట‌మ‌నేని మల్టీస్టార‌ర్ తెర‌కెక్క‌నుంద‌ని తెలుస్తోంది. ఇందులో సూప‌ర్ స్టార్ మ‌హేష్‌- కృష్ణ - న‌మ్ర‌త వీళ్ల‌తో పాటే చిన్నారులు గౌత‌మ్ - సితార క‌నిపించ‌నున్నార‌ట‌. ఇంత‌కీ ఈ మ‌ల్లీస్టార‌ర్ కి ఎవ‌రు ద‌ర్శ‌క‌త్వం వ‌హిస్తారు? అంటే.. వంశీ పైడిప‌ల్లి తెర‌కెక్కిస్తున్న తాజా చిత్రంతోనే ఈ ఫీట్ సాధ్య‌మ‌వుతోందని తెలుస్తోంది.

మ‌హేష్ హీరోగా న‌టించే ఈ సినిమా గ్యాంగ్ స్ట‌ర్ క‌థాంశంతో తెర‌కెక్క‌నుంది. ఇందులో సూప‌ర్ స్టార్ కృష్ణ ఓ కీల‌క పాత్ర పోషిస్తార‌ట‌. న‌మ్ర‌త అలాగే కిడ్స్ ఇందులో న‌టించ‌నున్నార‌ట‌. ఇటీవ‌లే మ‌హేష్ - న‌మ్ర‌త‌- గౌత‌మ్ - సితార అంతా క‌లిసి ఓ వాణిజ్య ప్ర‌క‌ట‌న‌ లో న‌టించారు. ఆ ప్ర‌క‌ట‌న అభిమానుల్లో హాట్ టాపిక్ అయ్యింది. ఇప్పుడు పూర్తి నిడివి సినిమాలో ఘ‌ట్ట‌మ‌నేని ఫ్యామిలీ మెంబ‌ర్స్ అంతా క‌నిపించ‌డం ఫ్యాన్స్ కి ఎగ్జ‌యిటింగ్ మూవ్ మెంట్ అనే చెప్పాలి. వంశీ చిత్రంలో మ‌హేష్ - న‌మ్ర‌త జంట‌గా న‌టించారు. మ‌హేష్ - గౌత‌మ్ 1 నేనొక్క‌డినే చిత్రంలో న‌టించారు. సూప‌ర్ స్టార్ కృష్ణ‌- మ‌హేష్ ఎన్నో చిత్రాల్లో క‌లిసి న‌టించారు. ఇప్పుడు ఫ్యామిలీ అంతా క‌లిసి న‌టించ‌డం ఇంట్రెస్టింగ్. ఇక ఎంబీ27 గా చెబుతున్న ఈ చిత్రం వైజాగ్ బ్యాక్ డ్రాప్ లో తెర‌కెక్క‌నుంది.