మాస్ ఇమేజ్ ఉందని భావిస్తూ క్లాస్ ఇమేజ్ కోసం ట్రై చేస్తున్న యువ హీరో..!

సినిమాలతో కంటే తన యాటిట్యూడ్ తో వివాదాస్పద వ్యాఖ్యలతో గుర్తింపు తెచ్చుకున్నాడు ఒక టాలీవుడ్ యువ హీరో. ఫస్ట్ సినిమా ప్రేక్షకులకు తెలిసేలోపే థియేటర్స్ నుంచి వెళ్లిపోయింది. అయితే ఆ తర్వాత వచ్చిన సినిమాతో యూత్ ఫుల్ ఎంటర్టైనర్ తో ఓ వర్గం ఆడియన్స్ కి దగ్గరయ్యాడు. ఈ క్రమంలో హోమ్ బ్యానర్ లో తాను నటించే సినిమాకి దర్శకత్వం కూడా వహించాడు. ఈ సినిమా కంటెంట్ ఎలా ఉన్నా కొందరిని మెప్పించగలిగింది. అదే సమయంలో మరో హీరో ప్రొడ్యూసర్ గా వ్యవహరించిన సినిమాలో నటించాడు. ఇది అతనికి మంచి పేరునే తెచ్చిపెట్టినప్పటికీ ఆశించిన స్థాయిలో డబ్బులు మాత్రం రాబట్టలేకపోయింది. దీంతో ఆ సినిమా హిట్ కి ప్లాపుకి మధ్యలో నిలిచిపోయింది.

అయితే ఇన్నాళ్లు తనకు మాస్ ఇమేజ్ ఉందని భావిస్తూ వచ్చిన సదరు హీరో ఇప్పుడు క్లాస్ ఇమేజ్ కోసం ట్రై చేస్తున్నాడ‌ని తెలుస్తోంది. యంగ్ హీరో ఇటీవల కొత్త దర్శకుడితో ఓ సినిమా అనౌన్స్ చేశాడు. వెరైటీ టైటిల్ తో రాబోతున్న ఈ సినిమా రెగ్యులర్ షూటింగ్ కూడా ప్రారంభమైంది. ఇక ఈ సినిమాతో ల‌వ‌ర్ బాయ్ ఇమేజ్ తెచ్చుకోవాల‌ని ట్రై చేస్తున్న హీరో.. దానికి తగ్గట్టే స్టోరీని ఎంచుకున్నాడు. హీరో తొమ్మిది మంది అమ్మాయిలతో లవ్ లో పడే కాన్సెప్ట్ తో ఈ సినిమా తెరకెక్కుతుందని సమాచారం. దీనికి తగ్గట్టే హీరో లుక్ ని కూడా మార్చేశాడు. అయితే అలాంటి కాన్సెప్ట్ తో ఇంతకముందు వచ్చిన సినిమాలన్నీ ఘోరంగా ఫెయిల్ అయ్యాయి. మరి ఇప్పుడు యువ హీరోకి ఎలాంటి ఫలితాన్ని ఇస్తుందో చూడాలి.