అబ్బో.. రోబో లుక్ లో మిల్కీ

ప్రస్తుతం కోలీవుడ్ లోనే కాకుండా టాలీవుడ్ - బాలీవుడ్ అలాగే ఇతర బాషల వారు అందరు ఎదురుచూస్తున్న చిత్రం 2.ఓ. ఇండియాలోనే అత్యధిక బడ్జెట్ తో మొదటి సారి తెరకెక్కుతున్న ఈ సినిమాపై అంచనాలు భారీగానే ఉన్నాయి. సంచలన దర్శకుడు శంకర్ ఇండియన్ సూపర్ స్టార్ రజినీకాంత్ కాంబినేషన్ లో వస్తోన్న ఈ చిత్ర ఆడియో వేడుకను దుబాయ్ లో నిర్వహిస్తున్నారు.

ఘనంగా నిర్వహించిన ఈ ఆడియో వేడుకలో అన్ని స్పెషల్ అని చెప్పాలి. మరికొన్ని గంటల్లో మొదలవ్వబోతోన్న ఈ షోలో మిల్కీ బ్యూటీ తమన్నా స్పెషల్ సాంగ్ లో అలరించనుంది. అందుకు సంబందించిన ఫొటోలు కూడా సోషల్ మీడియాలో హల్ చల్ చేస్తున్నాయి. తమన్నా రోబో కాస్ట్యూమ్ తో అదరగొట్టేసిందనే చెప్పాలి. నెటిజన్స్ కూడా తమన్నా రోబో లుక్ లో చాలా బావుందని కామెంట్స్ చేస్తున్నారు.  అమ్మడు రోబో కాస్ట్యూమ్ బాగానే వేసుకుంది గాని ఎలాంటి పర్ఫామెన్స్ చేస్తుందా అని అందరు ఎదురుచూస్తున్నారు.

గత కొంత కాలంగా తమన్నా కి అంతగా విజయాలు అందడం లేదు. ఫైనల్ గా ఐరెన్ లెగ్ అనే టాక్ కూడా తెచ్చుకుంటోంది. మరి 2.ఓ ఆడియో వేడుకలో తన డ్యాన్స్ తో ఎంతవరకు ఆకర్షిస్తుందో చూడాలి.