దీపావళికి దడిపించనున్న త్రిపుర

కలర్స్ స్వాతి కొత్తగా కనిపించనున్న చిత్రం త్రిపుర. హారర్ థ్రిల్లర్ కాన్సెప్ట్ తో తెరకెక్కిన ఈ చిత్రాన్ని గీతాంజలి ఫేం రాజ్ కిరణ్ దర్శకత్వం వహిస్తున్నాడు. మరోవైపు స్వామిరారా - కార్తికేయల తర్వాత స్వాతి కనిపించనున్న మూవీ కూడా ఇదే. ప్రస్తుతం ఈ మూవీకి సంబంధించిన పోస్ట్ ప్రొడక్షన్ వర్క్స్ కూడా పూర్తి చేసుకుంది.

ఈ నెల 29న సాంగ్స్ రిలీజ్ చేసి.. దీపావళి సందర్భంగా అక్టోబర్ 6న రిలీజ్ చేసేందుకు ట్రై చేస్తున్నామంటున్నారు నిర్మాతలు. తెలుగు, తమిళ భాషల్లో ఈ మూవీ ఒకేసారి రిలీజ్ చేయబోతున్నారు. కోలీవుడ్ లో తిరుపుర సుందరి పేరుతో విడుదలవుతోంది ఈ చిత్రం.

నావెల్ పాయింట్ ఆధారంగా బలమైన కథతో ఈ మూవీ తీశామంటున్నాడు డైరెక్టర్ రాజ్ కిరణ్. అయితే.. త్రిపుర సినిమాకి సంబంధించినంతవరకూ స్వాతి కేరక్టరే ప్రధానమైనది అయినా.. త్రిపుర ఏం చేస్తుందో మాత్రం సిల్వర్ స్క్రీన్ పైనే చూడాలంటున్నాడు. తొలిసారిగా సప్తగిరి ఫుల్ లెంగ్త్ రోల్ లో ఈ మూవీలో నటిస్తున్నాడు. సప్తగిరి కామెడీ ఈ చిత్రానికి హైలైట్ గా నిలవనుందని టాక్.