'శ్రీదేవి సోడా సెంటర్' లో సుధీర్ బాబు దీపావళి సెలబ్రేషన్స్..!

టాలీవుడ్ లో వైవిధ్యమైన చిత్రాలతో తనకంటూ ప్రత్యేక గుర్తింపు తెచ్చుకున్న సుధీర్ బాబు నటిస్తున్న లేటెస్ట్ మూవీ ''శ్రీదేవి సోడా సెంటర్''. 'పలాస 1978' సినిమాతో అందరి చూపు తనవైపు తిప్పుకున్న కరుణ కుమార్ దర్శకత్వం వహిస్తున్నారు. ఇటీవలే ఈ సినిమా చిత్రాన్ని అనౌన్స్ చేసిన మేకర్స్.. టైటిల్ మరియు ఫస్ట్ లుక్ మోషన్ పోస్టర్ తో మూవీపై ఆసక్తిని కలిగించారు. ఇందులో సుధీర్ బాబు 'సూరిబాబు' అనే లైటింగ్ బాయ్ పాత్ర పోషిస్తున్నాడు. మోషన్ పోస్టర్ లో మెడ మీద కర్చీఫ్ - భుజానికి డెక‌రేష‌న్ లైట్స్‌ తగిలించుకుని చేతిలో గోళీసోడా పట్టుకొని ఉన్న సుధీర్ బాబు మాస్ లుక్ విశేషంగా ఆకట్టుకుంది. దీపావళి పండుగ సందర్భంగా ఈ చిత్రం నుంచి తాజాగా మరో పోస్టర్ ని రిలీజ్ చేశారు.

ప్రేక్షకులకు దీపావళి శుభాకాంక్షలు తెలియజేస్తున్న 'శ్రీదేవి సోడా సెంటర్' లేటెస్ట్ పోస్టర్ లో హీరో సుధీర్ బాబు ఓ బెంచ్ పై కూర్చుని ఉన్నాడు. గోళీసోడాలో పెట్టిన తారాజువ్వను సుధీర్ తీక్షణంగా చూస్తూ కనిపిస్తున్నాడు. టైటిల్ తోనే సినిమాపై బజ్ క్రియేట్ చేసిన ఈ సినిమా సుధీర్ బాబు కెరీర్లోనే డిఫరెంట్ మూవీగా నిలిచిపోనుందని తెలుస్తోంది. గతంలో సుధీర్ తో 'భలే మంచి రోజు' చిత్రాన్ని తీసిన 70ఎమ్.ఎమ్ ఎంటర్టైన్మెంట్స్ బ్యానర్ పై విజయ్ చిల్లా - శశి దేవిరెడ్డి ఈ చిత్రాన్ని నిర్మించనున్నారు. సంగీత బ్రహ్మ మణిశర్మ సంగీతం అందించనున్నారు. శ్యామ్ దత్ సైనుద్దీన్ సినిమాటోగ్రాఫర్ గా.. శ్రీకర్ ప్రసాద్ ఎడిటర్ గా వర్క్ చేయనున్నారు. 'శ్రీదేవి సోడా సెంటర్' షూటింగ్ త్వరలోనే ప్రారంభం కానుంది.