శ్రుతి.. కొత్త లవ్ స్టోరీ?

బాలీవుడ్ లో ఫిల్మ్ బ్యాగ్రౌండ్ నుంచి వచ్చిన హీరోయిన్లు కూడా చాలా బోల్డ్ గా ఉంటారు. పద్ధతిగా ఉండే పాత్రలు వేయాలి, ఎక్స్ పోజింగుకి దూరంగా ఉండాలి, ఎఫైర్లు జోలికి వెళ్లకూడదు.. ఇలాంటి ఆంక్షలేమీ ఉండవు అక్కడి హీరోయిన్లకు. సౌత్ లో ఈ పరిస్థితి కనిపించదు. బ్యాగ్రౌండ్ ఉన్న ఫ్యామిలీల నుంచి హీరోయిన్లు రావడమే గగనం. వచ్చినా వాళ్లకు సవాలక్ష ఆంక్షలుంటాయి.

కానీ కమల్ హాసన్ మాత్రం తన కూతురు శ్రుతి హాసన్ కు అలాంటి కండిషన్లేమీ పెట్టలేదు. పిల్లలకు పూర్తి ఫ్రీడమ్ ఇవ్వాలి, ఇండివిడువల్ గా వదిలేయాలి అన్న కాన్సెప్ట్ కమల్ ది. అందుకే ముందు నుంచి శ్రుతి ఏం చేసినా అడ్డు చెప్పలేదు. సినిమాల విషయంలో, వ్యక్తిగత వ్యవహారాల్లో జోక్యం చేసుకోలేదు. అందుకే శ్రుతి తనకు నచ్చినట్లు సాగిపోతోంది.

ఇప్పటికే శ్రుతి ఇద్దరు హీరోలతో ఎఫైర్లు నడిపినట్లు గుసగుసలు వినిపించాయి. అందులో సిద్దార్థ్ పేరు ప్రముఖంగా వినిపించింది. ఇప్పుడు తాజాగా శ్రుతి కొత్త లవ్ స్టోరీ మొదలుపెట్టినట్లు వార్తలు వినిపిస్తున్నాయి. ఓ బాలీవుడ్ మోడల్ టర్న్డ్ హీరోతో శ్రుతి ఎఫైర్  నడుపుతున్నట్లు బాలీవుడ్ లో జోరుగా ఊహాగానాలు వినిపిస్తున్నాయి. ముంబయిలో షూటింగులకు వెళ్లినపుడు శ్రుతికి తోడుగా అతనే ఉంటున్నాడని.. ఖాళీ సమయాల్లో కూడా శ్రుతి అతడితోనే టైంపాస్ చేస్తోందని అంటున్నారు. మరి శ్రుతి వలచిన ఆ హీరో ఎవరో?