సావిత్రిలో సమంత రోల్ షాక్ అంటున్నారు

టాలీవుడ్ ఆడియన్స్ ఎన్నాళ్లుగానో ఎదురుచూస్తున్న సావిత్రి చిత్రంపై అధికారిక ప్రకటన వచ్చేసింది. నాగ్ అశ్విన్ ఈ ప్రాజెక్టు మొదలుపెడుతున్నాడనే న్యూస్ తప్ప.. ఇప్పటివరకూ ప్రకటన లేదు. ఉమెన్స్ డే సందర్భంగా ఆ కొరత తీర్చేస్తూ.. ఓ పోస్టర్ వేసేశారు. ఇందులో సావిత్రికి ఓ పక్క కీర్తి సురేష్.. మరోవైపు సమంత ఫోటోలను వేశారు.

ఇప్పటికే సావిత్రి పాత్రను కీర్తి సురేష్ చేయనుందనే విషయంలో క్లారిటీ ఉంది. కీర్తి కూడా ఈ విషయాన్ని కన్ఫాం చేసింది. మరి ఈ సినిమాలో సమంత పోషించే పాత్ర ఏంటన్నదే అసలు క్వశ్చన్. ఓ జర్నలిస్ట్ గా స్టోరీని నేరేట్ చేసే రోల్ అన్నారు కానీ.. అందులో నిజం లేదట. శామ్ కూడా కథలో కీలకమైన ఓ హిస్టారికల్ రోల్ నే చేస్తోందని తెలుస్తోంది. ఇంతకీ సమంత పోషించే పాత్ర ఏంటో తెలుసా.. అలనాటి నటి జమున రోల్ అని తెలుస్తోంది. ఈ మూవీలో కీర్తి.. సమంత పాత్రలు పోటాపోటీగా ఉంటాయని అంటున్నారు. ఇందుకు కారణం.. రియల్ లైఫ్ లో వీరిద్దరికీ అంతగా పడకపోవడమే.

మొదట్లో సన్నిహితంగానే వీరిద్దరి మధ్యా ఆ తర్వాత విబేధాలు తలెత్తాయి. సావిత్రి ఉన్న సినిమాలో తాను నటించబోనని బహిరంగంగానే చెప్పేశారు జమున. ఆ విబేధాలను కూడా మహానటిలో చూపించబోతున్నారట. అందుకే ఈ కేరక్టర్ కు సమంతను తీసుకున్నారని తెలుస్తోంది.

Like Us on Facebook : https://www.facebook.com/Tupakidotcom/