RRR: టర్నింగ్ పాయిట్ అదేనట

దేశవ్యాప్తంగా ప్రేక్షకులు ఆసక్తిగా ఎదురు చూస్తున్న సినిమాల లిస్టులో మొదటి స్థానంలో నిలిచే చిత్రం 'RRR'.  జోరుగా షూటింగ్ జరుపుకుంటున్న ఈ సినిమా వచ్చే ఏడాది ప్రేక్షకుల ముందుకు రానుంది.  ఈ సినిమా మూల కథ ఎలాంటిదో ఇప్పటికే రాజమౌళి అరటిపండు ఒలిచినట్టు చెప్పేశారు కాబట్టి దానిపై పెద్దగా గాసిప్పులు రావడం లేదు.  అయితే మరో విషయంలో మాత్రం ఇంట్రెస్టింగ్ టాక్ వినిపిస్తోంది. 

ఈ సినిమాలో చరణ్.. తారక్ ఇద్దరూ ఒక సంఘటన వల్ల కలుస్తారు..  దాంతో ఒకరి పంథా మరొకరికి నచ్చి కలిసి నడవాలని నిర్ణయించుకుంటారు.  సినిమా మొత్తానికి ఇదే కీలకమైన మలుపు అని అంటున్నారు. ఆ సంఘటన ఏంటంటే తారక్ ఒక పాప ప్రాణం కాపాడేందుకు తన ప్రాణం అడ్డేస్తాడట.. దీంతో చరణ్ కు తారక్ పై గురి కుదురుతుందని.. అతనితో కలిసి పోరుబాటలో పయనించేందుకు నిర్ణయం తీసుకుంటాడని సమాచారం.  ఈ సీక్వెన్స్ సినిమాలో ఉన్న హైలైట్స్ లో ఒకటి అని అంటున్నారు.

ఈ సినిమాలో అల్లూరి సీతారామరాజు పాత్రలో చరణ్.. కొమరం భీమ్ పాత్రలో తారక్ నటిస్తున్నారనే విషయం తెలిసిందే.  ఈ పాత్రలకు తగ్గట్టుగా ఇప్పటికే వారు తమ లుక్ ను కూడా మార్చుకున్నారు. అయితే ఈ పాత్రలకు సంబంధించిన ఫస్ట్ లుక్ పోస్టర్ లు చూడాలంటే మాత్రం మరి కొంత కాలం వేచి చూడక తప్పదు.