చిరంజీవితో పోరాడనున్న రానా!!

బాహుబలి ఇచ్చిన కిక్ తో రానా ఇప్పుడు నటనకు స్కోప్ ఉన్న పాత్రలు చేయడానికి ఇష్టపడుతున్నాడు. బాహుబలి సినిమాలో ప్రతినాయకుడులా రానా చేసిన నటనకు దేశం మొత్తం భళా భల్లలా దేవ భళా అని జై కొడుతున్నారు. అందుకే ఆఫర్లు కూడా అదే విధంగా వస్తున్నాయి.  రెండు విదేశీ సినిమాలు కూడా లైన్లో ఉన్నాయి.

ఇప్పుడు మెగాస్టార్ చిరంజీవి 151 ఉయ్యాలవాడ నరసింహా రెడ్డి ప్రీ ప్రొడక్షన్ పనులు జరుగుతున్న సంగతి తెలిసిందే. టీమ్ మొత్తం తీరిక లేకుండా స్క్రిప్ట్ మీద పనిచేస్తున్నారు. ఇది హిస్టారికల్ ఫిల్మ్ కావడంతో సినిమాకు కావలిసిన సెట్ కోసం.. లొకేషన్లు కోసం నిర్మాణ సంస్థ  పలు ప్రాంతాలును పరిశీలిస్తున్నారు. అదే క్రమంలో ఈ సినిమాలో ఒక ముఖ్య పాత్ర రానా చేయబోతున్నాడుని తెలుస్తుంది. మెయిన్ ప్రతినాయకుడి పాత్రను చేసే అవకాశం ఉందట. ఇప్పటికే జానపద హిస్టారికల్ ఫిల్మ్ లో నటించిన రానాకు ఇప్పుడు మరో అరుదైన అవకాశం వచ్చింది. మన తెలుగు వార్ హీరో మరో వార్ సినిమాలో యుద్ధ యోధుడు లా కనిపించనున్నాడు.

ఉయ్యాలవాడ నరసింహ రెడ్డి సినిమాను రామ్ చరణ్ నిర్మాతగా సురేందర్ రెడ్డి డైరెక్టర్ గా నిర్మిస్తునట్లు ఇదివరకే తెలుసుకదా. ఇప్పుడు రానా కూడా టీమ్ లో జాయిన్ అయితే ఈ ప్రాజెక్టుకు మరింత సెన్సేషనలిజం వచ్చినట్లే. ఎందుకంటే చిరంజీవి ఇప్పటి యంగ్ హీరోతో కలిసి ఏ సినిమా చేయలేదు. ఇంకా పూర్తి గా కన్ఫర్మ్ కాకపోయిన ఇది జరిగితే మన తెలుగు లో మరో కొత్త ఒరవడి వచ్చినట్లే.