ఫొటో స్టోరీ : ప్రభాస్‌ బర్త్‌ డే స్పెషల్‌ అదిరింది

యంగ్‌ రెబల్‌ స్టార్‌ ప్రభాస్‌ రేపు తన పుట్టిన రోజు జరుపుకోబోతున్న విషయం తెల్సిందే. బాహుబలి.. సాహో చిత్రాలతో ప్రభాస్‌కు ఆల్‌ ఇండియా సూపర్‌ స్టార్‌ క్రేజ్‌ దక్కింది. ప్రభాస్‌ పుట్టిన రోజు కోసం ఫ్యాన్స్‌ ఏ స్థాయిలో ఎదురు చూస్తున్నారో ప్రత్యేకంగా చెప్పనక్కర్లేదు. చాలా రోజుల నుండే ప్రభాస్‌ పుట్టిన రోజు కౌంట్‌ డౌన్‌ చేస్తూ ఫ్యాన్స్‌ సోషల్‌ మీడియాలో ట్రెండ్‌ చేస్తున్నారు. ఇక రేపు బర్త్‌ డే సందర్బంగా ఫ్యాన్స్‌ ఏ రేంజ్‌ లో ట్రెండ్‌ చేయబోతున్నారో అంటూ అంతా ఆసక్తిగా ఎదురు చూస్తున్నారు.

ప్రభాస్‌ పుట్టిన రోజు సందర్బంగా ఫ్యాన్స్‌ కామన్‌ డీపీ ని ఇప్పటికే విడుదల చేశారు. ఇదే సమయంలో ప్రభాస్‌ బర్త్‌ డే స్పెషల్‌ గా ఈ స్టిల్‌ ను విడుదల చేశారు. ఈ స్టిల్‌ లో ప్రభాస్‌ చాలా స్టైలిష్‌ గా కనిపిస్తున్నాడు. బాహుబలి.. సాహో సినిమాల్లో కన్నా ఈ స్టిల్‌ లో ప్రభాస్‌ సన్నగా కనిపిస్తున్నాడు. సాహోలో చాలా స్టైలిష్‌ గా ప్రభాస్‌ కనిపించాడని టాక్‌ వచ్చింది. అయితే ఈ ఫొటోలో ప్రభాస్‌ అంతకు మించి స్టైల్‌ గా ఉన్నాడంటూ ఫ్యాన్స్‌ కామెంట్స్‌ చేస్తున్నారు.

సాహో చిత్రం తర్వాత ప్రభాస్‌ చేయబోతున్న సినిమాకు రాధాకృష్ణ దర్శకత్వం వహిస్తున్నాడు. గోపీకృష్ణ మూవీస్‌ మరియు యూవీ క్రియేషన్స్‌ సంయుక్తంగా ఈ చిత్రాన్ని నిర్మిస్తున్నాయి. పీరియాడిక్‌ నేపథ్యంలో రూపొందుతున్న ఈ చిత్రంలో విభిన్నమైన ప్రేమ కథను దర్శకుడు రాధాకృష్ణ చూపించబోతున్నాడట. ఈ సినిమాకు జాన్‌ అనే టైటిల్‌ ను అనుకుంటున్నట్లుగా వార్తలు వస్తున్నాయి. కాని అధికారికంగా ఇంకా ఎలాంటి క్లారిటీ అయితే లేదు. ప్రభాస్‌ బర్త్‌ డే సందర్బంగా ఈ సినిమా కు సంబంధించిన ఏదైనా అప్‌ డేట్‌ ను లేదా ఫస్ట్‌ లుక్‌ ను ఇచ్చే అవకాశం ఉంది.