''పొగ‌రు'' ఫ‌స్ట్ సాంగ్ రిలీజ్...!

'యాక్ష‌న్ కింగ్' అర్జున్ మేన‌ల్లుడు ధృవ స‌ర్జా హీరోగా న‌టిస్తోన్న లేటెస్ట్ మూవీ ''పొగ‌రు''. ఈ సినిమాలో లక్కీ బ్యూటీ ర‌ష్మిక మంద‌న్న హీరోయిన్ గా నటిస్తోంది. 'విక్టరీ' 'అధ్యక్షా' 'ర‌న్న' వంటి హిట్ సినిమాలను డైరెక్ట్ చేసిన నంద‌కిశోర్ ''పొగ‌రు'' చిత్రానికి ద‌ర్శకత్వం వహించారు. పాన్ ఇండియా మూవీగా రూపొందిన ఈ చిత్రాన్ని శ్రీ జ‌గ‌ద్గురు మూవీస్‌ బ్యానర్ పై బి.కె. గంగాధ‌ర్ నిర్మించారు. ఇక ఈ చిత్రాన్ని తెలుగులో కూడా అదే పేరుతో విడుదల కానుంది. 'పొగరు' తెలుగు వెర్షన్ ప్రమోష‌న్స్‌ లో భాగంగా లేటెస్టుగా ఈ సినిమాలోని 'క‌రాబు' అనే సాంగ్ రిలీజ్ చేసారు. 

ఇప్పటికే టిక్ టాక్ వీడియోలలో ఫేమస్ అయిన ఈ పాట తెలుగు వర్షన్ కూడా విశేషంగా ఆకట్టుకుంటోంది. ఈ మాస్ సాంగ్ కి పాపుల‌ర్ క‌న్నడ మ్యూజిక్ డైరెక్టర్ చంద‌న్ శెట్టి బాణీలు అందించారు. ధృవ స‌ర్జా మాస్ లుక్ లో కనిపిస్తుండగా.. రష్మిక క్యూట్ గా ఇన్నోసెంట్ గా కనిపిస్తోంది. హీరో హీరోయిన్ ని ఆటపట్టించే ఇతివృత్తంలో ఆ పాట తెరకెక్కబడింది. 'క‌రాబు' సాంగ్ లో యాక్ష‌న్ ప్రిన్స్‌ ధృవ స‌ర్జా డ్యాన్స్ స్టెప్స్ ప్రత్యేక ఆకర్షణగా నిలిచాయి. కాగా ఈ చిత్రానికి సినిమాటోగ్రాఫ‌ర్‌ గా ఎస్‌.డి. విజ‌య్ మిల్టన్‌ మరియు ఎడిట‌ర్‌ గా కె.ఎం. ప్రకాష్ వర్క్ చేస్తున్నారు. ఇక సంప‌త్ రాజ్‌, ధ‌నంజ‌య్‌, ర‌విశంక‌ర్‌, ప‌విత్రా లోకేష్‌, గిరిజా లోకేష్ తో పాటు 'డ‌బ్ల్యుడ‌బ్ల్యుఈ' స్టార్లు కై గ్రీన్‌ - మోర్గాన్ ఆస్టే - జో లిండ్నర్‌ - జాన్ లూకాస్ కూడా నటిస్తున్నారు.