అసలు హీరోయిన్ అవసరం లేదట!

అసలు మనం హీరోయిన్ లేకుండా ఒక సినిమాను ఊహించుకోగలమా? అసలు ఊహించుకోలేం.  ఏదో హాలీవుడ్ సినిమాల్లో అలా జరగుతుందేమో కానీ మన మెయిన్ స్ట్రీమ్ కమర్షియల్ సినిమాల్లో దాదాపుగా జరగదు. అందులోనూ ఒక స్టార్ హీరో సినిమాల్లో అది మనం ఊహించలేం. కానీ తమిళ హీరో కార్తి తాజా చిత్రంలో మాత్రం నిజంగానే హీరోయిన్ లేదు.

కార్తి ప్రస్తుతం 'ఖైదీ' అనే చిత్రంలో నటిస్తున్నాడు.  సందీప్ కిషన్ తో 'మానగరం' సినిమాను తెరకెక్కించిన లోకేష్ కనగరాజ్ ఈ చిత్రానికి దర్శకుడు. ఈ సినిమా కథ ఓ నలభై ఎనిమిది గంటల వ్యవధిలో జరుగుతుందంట.  జైలు నుంచి ఒక ఖైదీ తప్పించుకోవడం.. తదనంతర పరిణామాలు నేపథ్యంలో చాలా ఇంటెన్స్ గా సాగే చిత్రం కావడంతో ఈ సినిమాలో హీరోయిన్ లేకుండానే సినిమాను లాగించేస్తున్నారట. హీరోయిన్ ను తీసుకుంటే కథలో అనవసరంగా ఇరికించినట్టు ఉంటుందనే ఉద్దేశంతో అసలు హీరోయిన్ ను తీసుకోలేదట.

ఈ సినిమా ఫస్ట్ లుక్ కొద్ది రోజుల క్రితం రిలీజ్ అయింది. రెడ్ కలర్ థీ,మ్ తో కటకటాల వెనక ఖైదీ మొహాన్ని పెయింటింగ్ లాగా డిజైన్ చేశారు.  ఫస్ట్ లుక్ మాత్రం డిఫరెంట్ గా ఉంది.  ఈ సినిమా షూటింగ్ ఈమధ్యే ఈ సినిమా షూటింగ్ పూర్తయిందని.. త్వరలోనే రిలీజ్ డేట్ వెల్లడిస్తారని సమాచారం.