• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  Entertainment >  ఇవేం క‌థ‌నాలు?:మీడియాకు...

ఇవేం క‌థ‌నాలు?:మీడియాకు మోహ‌న్ బాబు ప్ర‌శ్న‌

By - Tupaki Desk
Update: 2017-03-15 06:50 GMT
సినీ రంగంలో చోటుచేసుకునే ఏ చిన్న ఘ‌ట‌న అయినా... ఒక్క‌సారిగా బాంబులా పేలుతున్న వైనం మ‌న‌కు తెలిసిందే. ఈ క్ర‌మంలో నిన్న‌  టాలీవుడ్‌ ను కుదిపేసిన స‌హ‌జ న‌టి జ‌య‌సుధ భ‌ర్త నితిన్ క‌పూర్ ఆత్మ‌హ‌త్య‌పై కూడా మీడియా త‌న‌దైన శైలిలో క‌థ‌నాలు రాసేసింది. నితిన్ ఆత్మ‌హ‌త్య‌కు ఇప్ప‌టిదాకా కార‌ణాలేమీ స్ప‌ష్టం కాక‌పోయినా... ఆయ‌న సూసైడ్‌కు ఇదే కార‌ణ‌మంటూ ప‌లు క‌థ‌నాలు తెలుగు మీడియాలో క‌నిపించాయి. ఈ క‌థ‌నాల‌పై టాలీవుడ్ ప్ర‌ముఖ న‌టుడు  మంచు మోహ‌న్ బాబు చాలా ఘాటుగా స్పందించారు. వాస్త‌వాలేంటో తెలియ‌కుండానే ఊహాజ‌నిత క‌థ‌నాలు రాసేస్తున్నారంటూ ఆయ‌న మీడియా ప్ర‌తినిధుల‌పై ఆగ్ర‌హం వ్య‌క్తం చేశారు.

ఫ‌లానా కార‌ణంతోనే నితిన్ ఆత్మ‌హ‌త్య చేసుకున్నారంటూ మీరెలా చెబుతారంటూ ఆయ‌న సంధించిన ప్ర‌శ్న‌ల‌కు మీడియా మిత్రుల వ‌ద్ద స‌మాధానాలు లేవ‌నే చెప్పాలి. నితిన్ ఆత్మ‌హ‌త్య‌పై వ‌స్తున్న క‌థ‌నాలు జ‌య‌సుధ కుటుంబాన్ని ఆవేద‌న‌కు గురి చేస్తున్నాయ‌ని పేర్కొన్న ఆయ‌న‌... మీడియా మిత్రులు సంయ‌మ‌నంతో వ్య‌వ‌హ‌రించాల‌ని పిలుపునిచ్చారు. నితిన్ ఆత్మ‌హ‌త్య‌కు స్ప‌ష్ట‌మైన కార‌ణం తెలిసేదాకా కూడా... దానిని అనుమానాస్ప‌ద ఘ‌ట‌న‌గానే రాయాలంటూ ఆయ‌న మీడియాకు సూచించారు. జ‌య‌సుధ‌ను సోద‌రిలా భావించే మోహ‌న్ బాబు మీడియా చేస్తున్న హ‌డావిడిపై ఆగ్ర‌హం వ్య‌క్తం చేయ‌డం ప్రాధాన్యం సంత‌రించుకుంది.

అయినా మీడియాకు మోహ‌న్ బాబు చేసిన సూచ‌న‌ల విష‌యానికి వ‌స్తే... జ‌య‌సుధ నా సోద‌రి - నితిన్ ఆత్మ‌హ‌త్య‌పై ఎవ‌రికి ఇష్టం వ‌చ్చిన‌ట్లు వారు మాట్లాట‌డం స‌రికాదు. నితిన్ ఆత్మ‌హ‌త్య‌కు ఇప్ప‌టిదాకా కార‌ణ‌మేమీ తెలియ‌దు. ఆర్థిక కార‌ణాలే ఈ ఘ‌ట‌న‌కు కార‌ణ‌మ‌ని చెప్ప‌డం శుద్ధ అబ‌ద్ధం. ఆ కుటుంబం ఆర్థికంగా బాగా స్థిర‌ప‌డ్డ కుటుంబం. అయితే ఫ‌లానా కార‌ణాల వ‌ల్లే నితిన్ ఆత్మ‌హ‌త్య చేసుకున్నారంటూ ప‌లు మీడియా సంస్థ‌లు వార్త‌లు రాయ‌డం బాధాక‌రం. ఇక‌నైనా అలాంటి అస‌త్య క‌థ‌నాలు రాయొద్ద‌ని అభ్య‌ర్థిస్తున్నా. ఆర్థిక ఇబ్బందులతోనే నితిన్ ఆత్మ‌హ‌త్య చేసుకున్నార‌న్న వార్త ఇక రాయొద్దు. దానిని అనుమానాస్ప‌ద మృతిగానే ప‌రిగ‌ణించాల‌ని రాయండి* అని మోహ‌న్ బాబు మీడియా ప్ర‌తినిధుల‌కు విజ్ఞ‌ప్తి చేశారు.

ఇదిలా ఉంటే... ఆత్మ‌హ‌త్య చేసుకోవ‌డానికి నాలుగు రోజుల ముందు నితిన్ త‌న భార్య జ‌య‌సుధ‌ను తీసుకుని మోహ‌న్ బాబు ఇంటికి వెళ్లార‌ట‌. ఈ సంద‌ర్భంగా నితిన్ ఆరోగ్యంపై మోహ‌న్ బాబు ఆరా తీశార‌ట‌. అదే స‌మ‌యంలో తాను ఓ చిత్రాన్ని తెర‌కెక్కించాల‌నుకుంటున్నాన‌ని నితిన్ చెప్ప‌గా... అందులో తాను ఓ గెస్ట్ రోల్ లో న‌టిస్తాన‌ని, అందుకు త‌న‌కు ఏమాత్రం రెమ్యూన‌రేష‌న్ అవ‌స‌రం లేద‌ని కూడా మోహ‌న్ బాబు చెప్పార‌ట‌. ఆ సంద‌ర్భంగా త‌న ఇంటిలోనే జ‌యసుధ‌, నితిన్ లు లంచ్ చేశార‌ని కూడా మోహ‌న్ బాబు గుర్తు చేసుకున్నారు. ఇదిలా ఉంటే... గ‌త కొద్ది రోజులుగా నితిన్ తీవ్ర ఒత్తిడికి గుర‌వుతున్న‌ట్లు స‌మాచారం. ఈ క్ర‌మంలోనే ఆయ‌న ఇటీవ‌ల ముంబైలోని కోకిలాబెన్ ఆసుప‌త్రిలో చికిత్స కూడా తీసుకున్నార‌ట‌.

Like Us on Facebook : https://www.facebook.com/Tupakidotcom/
Tags:    
  • Mohan Babu 
  • Media 
  • Nitin Kapoor Suicide 
  • Jayasudha husband Suicide 

Similar News

గోదారి గట్టు, మీసాల పిల్లను మించి మరోటి..!

2026-11-18 07:46 GMT

నిజ జీవితంలోనూ గ్రేట్.. మనవళ్లతో గ్రీస్ వెకేషన్‌లో తలైవా!

2026-11-18 07:46 GMT

గ్రీస్ వెకేషన్‌లో స్టార్‌క‌పుల్ రొమాన్స్.. వ‌య‌సు ఒక అంకె మాత్ర‌మే!

2026-11-18 07:46 GMT

స్కూల్‌లో మొదలైన పరిచయం... తన భార్య అమల్‌తో లవ్ స్టోరీ చెప్పిన దుల్కర్ సల్మాన్!

2026-11-18 07:24 GMT

'మైసా' కోసం రణబాలి రానున్నాడా?

2026-11-18 07:14 GMT

కొత్త జేమ్స్ బాండ్ సినిమాలో విలన్‌గా బ్రాడ్ పిట్?

2026-11-18 07:13 GMT

విమర్శలను సైతం అవకాశాలుగా మ‌లుచుకుంటోన్న న‌యా స్టార్!

2026-11-18 07:12 GMT

సక్సెస్ వచ్చినా? కష్టం వచ్చినా? వారే దిక్కు!

2026-11-18 07:09 GMT

అత్తగారింట్లో సమంత సీమంతం వేడుక.. ఫోటోలు వైరల్!

2026-11-18 07:08 GMT

గోల్డెన్ ఛాన్స్ పట్టేసిన సాత్విక వీరవల్లి..ఈ క్రేజ్ ఏంటి తల్లీ!

2026-11-18 07:08 GMT

నలుగురు స్టార్ హీరోలు.. ఆదిత్య ధర్ గురి పెద్దదే!

2026-11-18 07:07 GMT

హీరోలు మారుతున్నారు.. కానీ దర్శకులే..

2026-11-18 05:48 GMT

Copyright @2026

Powered by Blink CMS