రాను రానంటూనే ...సూప‌ర్ స్టార్ వెర్ష‌న్!

సోష‌ల్ మీడియా ప్ర‌భావం పెరిగిన ద‌గ్గ‌రి నుంచి నెటిజ‌న్ ల క్రియేటివిటీ తారా స్థాయికి చేరింది. ఏ చిన్న వీడియో వ‌చ్చినా దాన్ని త‌మ‌దైన స్టైల్లో ఎడిట్ చేసి వావ్ అనిపించేస్తున్నారు. అలా చేసిన వీడియోతో 'కేజీఎఫ్ 2' కు ఎడిట‌ర్ గా వ‌ర్క్ చేసే గోల్డెన్ ఛాన్స్‌ని సొంతం చేసుకున్నాడు 19 ఏళ్ల ఉజ్వ‌ల్ కుల‌క‌ర్ణి. ఈ మూవీకి ఉత్వ‌ల్ చేసిన ఎడిటింగ్ టాక్ ఆఫ్ ది ఇండియాగా మారిన విష‌యం తెలిసిందే. ఆ త‌రువాత 'బాహుబ‌లి 2' సినిమా మొత్తాన్ని ఓ నెటిజ‌న్ 2 నిమిషాల నిడివిగ‌ల టీజ‌ర్ ల చూపించి అబ్బుర‌ప‌రిచాడు.

ఇదే త‌ర‌హాలో ఓ నెటిజ‌న్ నితిన్ సినిమా పాట‌ని ఎడిట్ చేసిన సూప‌ర్ స్టార్ మ‌హేష్ డాన్స్ కు మ్యాచ్ చేసిన తీరు ప్ర‌స్తుతం నెట్టింట వైర‌ల్ గా మారింది. మ‌హేష్ స్టెప్పుల‌కు క‌రెక్ట్ గా సింక్ కావ‌డంతో ఈ వీడియో ప్ర‌స్తుతం మ‌హేష్ ఫ్యాన్స్ ని ఎట్రాక్ట్ చేస్తోంది. వివ‌రాల్లోకి వెళితే.. యంగ్ హీరో నితిన్ న‌టిస్తున్నయాక్ష‌న్ ఎంట‌ర్ టైన‌ర్ 'మాచ‌ర్ల నియోజ‌క వ‌ర్గం'. ఎం.ఎస్‌. రాజ‌శేఖ‌ర‌రెడ్డి ఈ మూవీ ద్వారా ద‌ర్శ‌కుడిగా ప‌రిచ‌యం అవుతున్నాడు.

కృతిశెట్టి, కేథ‌రిన్ హీరోయిన్ లుగా న‌టిస్తున్నారు. శ్రేష్ట్ మూవీస్ బ్యాన‌ర్ పై ఎన్‌. సుధాక‌ర్ రెడ్డి, నిఖితా రెడ్డి ఈ మూవీని నిర్మిస్తున్నారు. ప‌వ‌న్ ఫుల్ పాత్ర‌లో క‌లెక్ట‌ర్ గా నితిన్ న‌టిస్తు్న మూవీ ఇది. ఇప్ప‌టికే విడుద‌ల చేసిన ఫ‌స్ట్ లుక్‌, ఫ‌స్ట్ ఎటాక్ ఈ మూవీపై అంచ‌నాల్ని పెంచేశాయి. తాజాగా విడుద‌ల చేసిన స్పెష‌ల్ సాంగ్ ప్ర‌స్తుతం నెట్టింట వైర‌ల్ గా మారి సంద‌డి చేస్తోంది.  'రారా రెడ్డీ.. ఐ యామ్ రెడీ'.. అంటూ సాగే ఈ సాంగ్ కు మాసీవ్ స్టెప్పుల‌తో నితిన్‌, అంజ‌లి అద‌ర‌గొట్టేశారు.

జాత‌ర సెట్ లో షూట్ చేసిన ఈ సాంగ్ కు అంజ‌లి గ్లామ‌ర్‌, హీరో నితిన్ మాసీవ్ స్టెప్పులు ప్ర‌ధాన ఆక‌ర్ణ‌ణ‌గా నిలిచాయి. మ‌హతి స్వ‌ర సాగ‌ర్ అందించిన సంగీతం కూడా మ‌రో లెవెల్లో వుండి పాట‌కు ప్ర‌త్యేక ఆక‌ర్ష‌ణ‌గా నిలిచింది.

నెట్టింట సంద‌డి చేస్తున్న ఈ పాట ఇప్ప‌డు మ‌రోసారి వార్త‌ల్లో నిలిచింది. ఈ పాట చివ‌ర్లో 'జయం' మూవీలో పాపులర్ సాంగ్ గా నిలిచిన 'రాను రానంటూనే చిన్న‌దో' అంటూ సాగే ప‌దాల్ని చేర్చారు. దీంతో ఈ సాంగ్ సోష‌ల్ మీడియాలో మ‌రింత వైర‌ల్ గా మారింది.