రౌడీ బోయ్ తో 'కుచ్ కుచ్ హోతా హై' రీమేక్?

రౌడీ బోయ్ విజయ్ దేవ‌ర‌కొండ లైగ‌ర్ చిత్రంతో బాలీవుడ్ లో అడుగుపెడుతున్న సంగ‌తి తెలిసిందే. పాన్ ఇండియా బోయ్ గా ఇప్ప‌టికే ప‌లువురు అగ్ర హీరోయిన్ల మ‌న‌సుల్లో నిండిపోయాడు. అత‌డి ఛామింగ్ లుక్.. ట్యాలెంట్ కి బాలీవుడ్ యువ‌నాయిక‌లు ఫిదా అయిపోతున్నారంటే అర్థం చేసుకోవాలి. విజ‌య్ ఓకే అనాలే కానీ అత‌డితో స్వ‌యంవ‌రం కోసం అర‌డ‌జ‌ను మంది హాట్ బాలీవుడ్ హీరోయిన్స్ రెడీగా ఉన్నారు.

లైగ‌ర్ స్టార్ గా ఇప్పుడు అత‌డి మేకోవ‌ర్ ఏ ఇత‌ర బాలీవుడ్ స్టార్ కి త‌క్కువేమీ కాదు. ఇటీవ‌ల విడుద‌ల చేసిన లైగర్ టీజ‌ర్ లో విజ‌య్ మ్యాన్లీ యాటిట్యూడ్ .. బాక్స‌ర్ గా పంచ్ ల‌కు ప‌డిపోని గాళ్ లేనే లేదంటే అతిశ‌యోక్తి కాదు. బాలీవుడ్ నాయిక‌లు కృతి సనన్- కియారా అద్వానీ- సారా అలీ ఖాన్- జాన్వీ కపూర్-, అనన్య పాండే స‌హా ప‌లువురు భామ‌లు విజ‌య్ తో సినిమాలు చేయాల‌ని క‌ల‌లు గంటున్నారు. అన‌న్య ఇప్ప‌టికే లైగ‌ర్ తో త‌న డ్రీమ్ బోయ్ తో ప‌ని చేస్తోంది. జాన్వీ.. కియ‌రా క్యూలోనే ఉన్నారు.

తాజాగా సారా అలీఖాన్ మ‌రోసారి విజ‌య్ స‌ర‌స‌న న‌టించేందుకు ఆస‌క్తిని క‌న‌బ‌రిచింది. అట్రాంగిరే విజయంతో దూసుకుపోతున్న సారాను ఒక ఇంటర్వ్యూలో కుచ్ కుచ్ హోతా హైని రీక్రియేట్ చేస్తే హీరోగా ఎవ‌రు కావాలి? అని ప్ర‌శ్నించ‌గా..``కరణ్ జోహార్ మళ్లీ కుచ్ కుచ్ హోతా హై సినిమా చేస్తే విజయ్ దేవరకొండ - జాన్వీ కపూర్ లతో కలిసి అందులో భాగం కావడానికి ఇష్టపడతాన``ని సారా వెల్లడించింది. సారా- జాన్వి మంచి స్నేహితులు. కలిసి విహారయాత్రలకు వెళ్ల‌డ‌మే కాదు వృత్తిగ‌త విష‌యాల్ని షేర్ చేసుకుంటారు. ఆ ఇద్ద‌రికీ విజ‌య్ దేవ‌ర‌కొండ ఫేవ‌రెట్ హీరో. తాను ఇప్పుడే కరణ్ జోహార్ కి కాల్ చేసి కోరితే.. `కుచ్ కుచ్ హోతా హై`ని పునఃసృష్టి చేయడానికి ముగ్గురూ ఖచ్చితంగా అంగీకరిస్తారని సారా పేర్కొంది.

కెరీర్ ప‌రంగా సారా.. విజ‌య్ ఎవ‌రికి వారు బిజీ బిజీ. లైగ‌ర్ రిలీజ్ త‌ర్వాతా విజ‌య్ దేవ‌ర‌కొండ‌కు పెద్ద లైన‌ప్ ఉంది. సుకుమార్ తోనూ అత‌డు సినిమా చేయాల్సి ఉంది. సారా అలీఖాన్ సైతం బాలీవుడ్ లో ఊపిరాడ‌నంత భారీ షెడ్యూల్ తో బిజీగా ఉంది. విజ‌య్ తో తాను కోరుకున్న సినిమాని పూరీనే క్రియేట్ చేస్తారేమో చూడాలి.