కేజీఎఫ్‌ 2.. మ్యూజిక్ లవర్స్ కు గుడ్‌ న్యూస్‌

కన్నడ రాక్‌ స్టార్‌ యశ్‌ హీరోగా ప్రశాంత్ నీల్ దర్శకత్వంలో రూపొందిన కేజీఎఫ్ భారీ విజయాన్ని సొంతం చేసుకుంది. మొదటి పార్ట్‌ పాన్ ఇండియా రేంజ్ లో సూపర్‌ హిట్ అయిన నేపథ్యం లో కేజీఎఫ్‌ 2 పై అంచనాలు ఆకాశాన్ని తాకేలా ఉన్నాయి. దర్శకుడు ప్రశాంత్ నీల్‌ అంచనాలను అందుకునేలా సినిమాను మొదటి సినిమా కు మించి తీసినట్లుగా చెబుతున్నారు.

గత ఏడాదిలోనే సినిమా విడుదల అవ్వాల్సి ఉన్నా కూడా కరోనా వల్ల ఆలస్యం అయ్యింది. ఈ ఏడాది విడుదల చేయాలనుకుంటే సెకండ్‌ వేవ్‌ వల్ల వాయిదా పడింది. వచ్చే ఏడాది సమ్మర్ కు గాను ఈ సినిమా విడుదల అయ్యే అవకాశం లేకుండా పోయింది.

సినిమా విడుదల తేదీ విషయంలో చిత్ర యూనిట్‌ సభ్యులు ఇప్పటికే ఒక క్లారిటీ ఇచ్చారు. అయితే మళ్లీ విడుదల వాయిదా పడే అవకాశాలు ఉన్నాయంటూ వార్తలు వస్తున్నాయి. ఆ సమయంలోనే బాలీవుడ్‌ కు చెందిన పెద్ద సినిమా విడుదల ఉంది. అందుకే విడుదల విషయం లో కాస్త అనుమానాలు వ్యక్తం అవుతున్నాయి.

సినిమా విడుదల విషయం ఏమో కాని ఈ సినిమాకు సంబంధించిన విషయాలు సినిమా స్థాయిని పెంచుతూనే ఉన్నాయి. ఇప్పటికే విడుదల అయిన టీజర్ మరియు పోస్టర్ లు సినిమా పై ఆసక్తిని పెంచాయి. తాజాగా ఈ సినిమా కు సంబంధించిన ఒక వార్త మ్యూజిక్‌ లవర్స్ ను ఎగ్జైట్‌ అయ్యేలా చేస్తుంది.